الكيا سيراتو 2015 كلها مشاكل

[Ahmed Gouhar]

بس العربية معملتش 2000 ك و انا معملتش بيها اى حوادث او اكلت بيها مطبات او اى حاجة و الحمد لله و بعدين انا ساعات بيركب معايا 4 اشخاص و مش باسمع طقطقة او حاجة
و بالنسبة للاختبار اللى حضرتك بتقول عليه لو عملته مفروض الاقى ايه علشان انا مش بافهم فى الحاجات دى بصراحة
و بعدين هل اروح عند بتاع عفشة وللا بتاع ظبط زوايا

[سامح علي]

انا بفكر باذن الله اشتري كيا سيراتو 2015 حد يعرفني اي رايكو فيها

[Omar Sarray]

كل الى بتشوفهم بيبيعو دول اما عاوز يسافر او عاوز يغير بعربيه تانيه ويستفاد من الفلوس او عمل فيها مطبات وحوارات بايخع وبوظها واتضر انو يبيعها وبس خلاص الحكايه كده

[سامح علي]

انا بفكر باذن الله اشتريها ممكن راي حضراتكم

[سامح علي]

كيا سيراتو ف3

كل الى بتشوفهم بيبيعو دول اما عاوز يسافر او عاوز يغير بعربيه تانيه ويستفاد من الفلوس او عمل فيها مطبات وحوارات بايخع وبوظها واتضر انو يبيعها وبس خلاص الحكايه كده

انا ناوي اشتريها اي راي حضرتك

[Omar Sarray]

اختيار موفق سامح وانشاءالله مش حتزهق منها خالص

[mostafawahb]

السيراتو 2015 عملت معاية 5 لتر لكل 100ك

[Omar Sarray]

طيب كده يعنى هيا كويسه فى استهلاك البنزينه

[mostafawahb]

طيب كده يعنى هيا كويسه فى استهلاك البنزينه

اة طبعا
يعنى انا كان معايا لانسر 2008 وكانت بتعمل على الطريق 10.5 لكل 100 لتر شوف بقى انت الفرق
بس طبعا علشان توصل ل5 لتر لكل 100 كيلو فى شروط اولها متزودش السرعة على 100 ك وكمان طريق سفر مش قلب البلد

[Omar Sarray]

تمام انا بتعمل معايا 6 ونص لتر لكل 100 كيلو انا شايفها كويسه مفهاش حاجه وان كان هيا واطيه شويه

[islamtmam]

الشهادة لله السيراتو تحفة خارجيا وداخليا ماشاء الله

[alsayad02]

انا معايه العربيه والحمدلله حاسس انها تمام ومافيش مشكله الي الان

[د.محمود صلاح]

باشا انا صاحبي معاه سيات التيا اكس ال 2012 وغير الفتيس مرتين ، وصاحبي تاني معاه سكودا اوكتافيا فانتازيا 2012 عنده مشاكل في الفتيس لدرجة انه كره العربية والعربية ضيقة جداً من الخلف لدرجة انه معاه عربية تانية كورولا راكن الاوكتافيا وراكب الكرورلا 2012 ، واحد تاني معانا في الشغل معاه بيجو 301 مش مرتحالها بالمره بيحب عربية مراته الفيرنا اكتر منها ، كل العربات الجديدة بقت فيها حوارات ، مش السيراتو بس ، عشان منكونش متحيزين لماركة معينة او موديل معين سواء اقتصادي او متوسط كله بقي فيه مشاكل ، حتي المرسيدس 1600 سي سي كل الناس اشتكت من الفتيس الدوال كلتش ، والبي ام 316 ناس كتير مالقتش منها الاداء المنتظر منها وناس كتير قالي زيها زي الكوري في الاداء مع الاختلاف في استهلاك البنزين وراحة الصالون والثبات شوية عن الكوري ، دلوقتي في مصر يا تركب عربية فوق ال400 الف عشان تكون راضي عنها بنسبة كبيرة وتشيل بقي في قطع الغيار ، يتصبر على اللي معاك لان كل الشركات تقريباً بقت تكنولوجي متقارب ، كيا بتشتري تطنولوجي من بي ام ، ونيسان ورينو بقوا واحد ومازدا وفورد بقو واحد وكل الشركات بقت بتعمل تكتلات دلوقتي عشان تواجه السوق ، الكوري بقي بيتجمع في اوروبا والياباني بقي بيتجمع في تركيا وتايلند والهند وغيره وغيره

ركبت الغالي والرخيص في مصر وما ارتحتش الا مع الفيرنا اوتوماتيك غاز

[houseiny]

ركبت الغالي والرخيص في مصر وما ارتحتش الا مع الفيرنا اوتوماتيك غاز

العربية الشعبية الاولى في مصر ، اللي حققت المعادلة وجابت من الاخر ، قطع غيار بشلن ، سحب زي الفل ، عربية واسعة نوعا ما ، واحلى ميزة فيها انك لو قرصت عليها جامد وجبيت تفرمل ، مش هتقف وهترزق الشهادة وتخش الجنة ، لانها ببساطة بتجري بس مبتقفش ، بهزر طبعاً بعد الشر عليك يا دكتور وربنا يحفظك ، ويحفظهالك ، بجد عربية كل المصريين زي ما بيقول غبور اللي مش امور خالصصصصصصص

[walidhowailo]

maadi

Ya gam3a ana 3ayez ageeb 3arbya 2016 we me7tar mabeen Lancer shark we mabeen Kia el Cerato el etneen hagebhom 5aleegy isA bas ana 3agbany el Cerato men gowa el talblo beta3ha to7fa we shaklha gameel bas el moshkela eno feh nas keteer awy 3amala betbe3ha we heya 3amala 3addad 2olyel fa 5ayef yekon feha mashakel ana 3ayez 7ad yens7ny a3mel eh plz :)