***( تجميع لمشاكل السيراتو 2014 - 2015 )***

[mr.moustafa]

السلام عليكم ورحمة الله وبركاته

أعضاء المنتدى المحترمين .. ملاك النيو سيراتو الكرام

حبيت هنا أحط تجميع للمشاكل في السيراتو الجديدة علشان كلنا نعرفها و نعرف من بعض طريقة حلها
و بكده نستفيد كملاك للعربية و في نفس الوقت يستفيد المقبل على شرائها

كمان الموضوع ده علشان اللي بيحب يزيط في الزيطة و يقول العربية كلها مشاكل

العيوب :
1- سخونة من عند الدواسات
و ده ما ظهرش في كل السيارات و لكن كانت الشكوى موجودة عند اكتر من عضو في موديل 2014 و المشكلة بتقل كتيير لوحدها بعد أول 1000 كيلو
انا عن نفسي ما ظهرش عندي المشكلة ديه بالرغم اني في السعودية و درجة الحرارة فوق 40 درجة

العلاج :
إذا استمرت المشكلة الحل موجود في اكتر من مشاركة و هو عزل ماسورة التكييف الساخن يمين دواسة البنزين بمطاط و عازل من عند بتوع التكييف و تكلفتها اقل من 50 جنيه

2- .........................
بصراحة مافيش عيوب ظهرت تاني في العربية أو شكوى تماما

طيب يعني تقريبا مافيهاش مشاكل او عيوب معروفة
طبعا فيه مشاكل مش في العربية و لكن في بعض الملاك نتيجة قلة الخبرة او ناس بتستظرف او ناس داخله تعيب في العربية عن قصد و للأسف محاولتهم بتفشل لأن الحمد لله العربية ممتازة في فئتها

من المشاكل اللي بتقابل الأعضاء نتيجة الأسباب السابقة ( مش من العربية طبعاً )
1- صوت حروشة عند التدوير ( و ده صوت طبيعي للايمبولايزر لما بيفتح دورة البنزين )
2- وجود صوت انذار لحزام الأمان ( لا تعليق )
3- صوت تكة مع الضغط على الفرامل و العربية جديدة في التليين ( صوت تطبيع التيل الطبيعي )
و طبعا واضح من النقاط ديه اما قلة الخبرة او الاستظراف او السفسطة

الخلاصة ان الحمد لله العربية ديه اقل عربية في فئتها في المشاكل و اعلاهم قوة و سحب و تكييف و وسع

طبعا الموضوع مفتوح للعيوب الحقيقية اللي ممكن تظهر تاني في العربية ( ربنا ما يجيب مشاكل فيها )
و الله الموفق ...

[Mohamedjetta]

حضرتك انت جبت الملخص ولله لان فعلا في تشويه علي العربيه لانها نجحت

[aelsayed74]

معاك حق انا معايا ٢٠١٤ وكيل الفئة الثانية والعربية ممتازة والمشكلة الوحيدة ان الزجاج مش حرارى يعنى لو راكن فى الشمس ساعتين العربية بتبقى فرن بس الصراحة التكييف هايل بعد ١٠ دقائق بيخللى الجو حلو
انا الصراحة ندمان انى ماجبتش الفئة اللى بعدها بتزيد مثبت سرعة وبلوتوث وتكييف خلفى ومرايات ضم وabs والفرق كان ١٠٠٠٠ جنيه بس ولكن الحمد لله قدر الله وماشاء فعل.

[DEVIL333]

انا اشتريت الهاى لاين بصراحة عربية ممتازة و لا يوجد بها عيوب

[Dr . Mohamed]

سيارة ممتازة
و ناس كتير منفسنة منها جداً

[bakkarahmed]

بصراحه العربيه عن تجربه 3500 كيلو في عربيتي)عماني( و8000 كيلو في عربيه صاحبي عراقي والحمد لله
ماتور فتيس عفشه فرامل تكييف كهربا ...كله زي الفل
وفي اﻻخر هيا عربيه زيها زي اي عربيه مسيرها تاخد وقتها ونغيرها
بس انا ندمان اني جبتها .........
فل اوبشن بس :)
المفروض كنت اجيبها هاي ﻻين ﻻنها تستاهل بالمقارنه بعربيات تانيه
العيب الوحيد فيها بصراحه...انها مليون فئه وتحس انك ممكن تجيبها بكماليات تفصيل علي مزاجك...مولد يعني وصاحبه غايب
بالمناسبه العربيه سعرها زاد في اخر 4 شهور والطلب عليها زاد
بالمناسبه انا اللي كنت عامل موضوع عن السخونه اللي بتيجي من عند الدواسات وكنت فاكرها مشكله فرديه فلما جربت عربيه صاحبي ﻻقيتها زي عربيتي مع انها توب ﻻين بس هوا ماكانش حاسس بيها ﻻن السخونه دي نسبيه ممكن واحد ياخد باله و10 ﻻء..وعلي العموم هيا قلت تماما لواحدها بعد 5 ايام...وكمان وعزلتها في 5 دقايق ب 50 جنيه...وانسي حاجه اسمها سخونه

[wedagad]

السلام عليكم ورحمة الله وبركاته

أعضاء المنتدى المحترمين .. ملاك النيو سيراتو الكرام

حبيت هنا أحط تجميع للمشاكل في السيراتو الجديدة علشان كلنا نعرفها و نعرف من بعض طريقة حلها
و بكده نستفيد كملاك للعربية و في نفس الوقت يستفيد المقبل على شرائها

كمان الموضوع ده علشان اللي بيحب يزيط في الزيطة و يقول العربية كلها مشاكل

العيوب :
1- سخونة من عند الدواسات
و ده ما ظهرش في كل السيارات و لكن كانت الشكوى موجودة عند اكتر من عضو في موديل 2014 و المشكلة بتقل كتيير لوحدها بعد أول 1000 كيلو
انا عن نفسي ما ظهرش عندي المشكلة ديه بالرغم اني في السعودية و درجة الحرارة فوق 40 درجة

العلاج :
إذا استمرت المشكلة الحل موجود في اكتر من مشاركة و هو عزل ماسورة التكييف الساخن يمين دواسة البنزين بمطاط و عازل من عند بتوع التكييف و تكلفتها اقل من 50 جنيه

2- .........................
بصراحة مافيش عيوب ظهرت تاني في العربية أو شكوى تماما

طيب يعني تقريبا مافيهاش مشاكل او عيوب معروفة
طبعا فيه مشاكل مش في العربية و لكن في بعض الملاك نتيجة قلة الخبرة او ناس بتستظرف او ناس داخله تعيب في العربية عن قصد و للأسف محاولتهم بتفشل لأن الحمد لله العربية ممتازة في فئتها

من المشاكل اللي بتقابل الأعضاء نتيجة الأسباب السابقة ( مش من العربية طبعاً )
1- صوت حروشة عند التدوير ( و ده صوت طبيعي للايمبولايزر لما بيفتح دورة البنزين )
2- وجود صوت انذار لحزام الأمان ( لا تعليق )
3- صوت تكة مع الضغط على الفرامل و العربية جديدة في التليين ( صوت تطبيع التيل الطبيعي )
و طبعا واضح من النقاط ديه اما قلة الخبرة او الاستظراف او السفسطة

الخلاصة ان الحمد لله العربية ديه اقل عربية في فئتها في المشاكل و اعلاهم قوة و سحب و تكييف و وسع

طبعا الموضوع مفتوح للعيوب الحقيقية اللي ممكن تظهر تاني في العربية ( ربنا ما يجيب مشاكل فيها )
و الله الموفق ...

كلام حضرتك مظبوط انا معايا 2015 توب لاين الله اكبر ممتازه

[ahm.mega007]

هو انا بظيط وأيه إلى هخلينى اعمل كدة وانا من مالكها فهم الناس بعقل وبلاش كلام ف البكش ياريت إلى يكلم ع العربيه يكون اصلا ركبها مش كلام وع العموم منك نستفيد بس يارب تيجى بى إفادة يارب مبقاش كلام تحياتى للجميع وع العموم حضرتك قليت من عندى القلق شويه ف موضوع التيل وموضوع الكونتكت علشان بتظهر عندى مع أول دوارة وبعد كدة مبتظهرش ولكن هيا ممتازة بس مشاكلها إلى فيها دى مخوفانى مش ظيطه

[Hunting_Eagle]

العربية مع انها معايا بقالها كام يوم فرأيي مش هيكون واقعي اوي

بس الحاجة الوحيدة اللي مش عاجباني هي مروحة التكييف و توزيع الهواء

اول 3 درجات المروحة ضعيفة .. اخر درجة المروحة قوية

توزيع الهواء مش قد كدها .. لازم تظبط قعدتك في وش فتحات التكييف .. ما ينفعش تظبط الفتحات على قعدتك انت

غير كده عربية محترمة

[welloo]

من ضمن العيوب

ما فيش وحدة رفع

[mr.moustafa]

انا مش بزود مروحة التكييف عن 2 و درجة الحرارة بالخارج 38 و توزيع الهوا مش شايف فيه مشكلة

[amrspice]

السلام عليكم ورحمة الله وبركاتة

انا معايا سيراتوا 2014 خليجى فتحة سقف و abs و شوية حاجات تانية كدة من شهر 3/2014 وعامل لحد انهاردة 600 كم

المهم ملاحظاتى على السيارة

1. التيل اللي ورا بيزيق بعد موصلت لحد 3000 كم تقريبا قلت اكيد وساخة رحت عند ميكانيكي وقلي فعلا وساخة وفتح لقا في رايش كدة مطرح ما التيل بيتاكل المهم نظف وسنفر ... العجلتين اللي ورا واخد 30 ج ومشيت
بعدها باسبوع او عشر ايام كدة رجع نفس الصوت

نسيت اقولوكوا اني سالت الراجل دة من اية قلي اصل التيل دة ناشف ووحش .... يا عم الحج دة بتاع الفبريكة قالي واية يعني .... هههههه لا حول ولا قوة الا بالله .... يا اما بيفتى زى ما احنا متعودين من اغلب الصنايعية يا اما كلامة جد الله اعلم

المهم العربية دلوقتي عاملة 6000 وكل ما افرمل اسمع احلي تزييق

فالظاهر ان دي مشكل عامة لان واحد جاري في الشارع جاب سيراتوا بردة وبعد شهرين كدة لقيتة وهو بيركن بردة عمال يزيق هههههههههه .... قلت اهلا انت وصلت كدة محدش احسن من حد
يا تري الحل اية نسيب التيل لحد ما يخلص ونغيرة ولا كدة التنابير تبوظ


2. موضوع السخونية دة فعلا انا لاحظت الحكاية دى من ساعة ما جبت العربية فى سخونة من جنب دواسة البنزين فى حتة مفتوحة وفيها حديد لونة اسود كدة بعد شوية من المشى والحر الحديد دة بيسخن جدا اكنة بوتاجاز والله .... بس الموضوع دة معرفش الصراحة قل ولا نا اتعودت على السخونية دى بس انا شايف هنا الناس بتقول ممكن يتعزل ب 50 ج اشوف واجرب .... بس دة مش مواسير التكيف السخن لأن التكييف السخن مش بيسخن الا لو انت لفيت البكرة على الاحمر حتى لو مش مشغل المروحة بيبدا هو يسخن واول متشغل المروحة الهوا بيطلع سخن فانا اعتقد ان التكييف السخن ملوش دعوة وخصوصا ان البكرة عندى على الازرق على طول من ساعة مجبت العربية.

3. انا ملاحظ ان استهلاك البنزين عالى شوية وسط البلد مع التكييف ال20 لتر مش بتكمل 200 كيلوا انا مشوارى كل يوم مدينة نصر وسط البلد رايح جاى..... ميكروباص يعني ....هههههههه ..انما على الطرق السريعة انا من اسبوعين رحت اسكندرية ورجعت المشوار كالتالى فولت من الزمالك وبعدين اسكندرية - لحد ميامى ورجعت القاهرة - مدينة نصر دائري - المشوار كلة حوالى 500 كم واتبقى فى التنك الربع .... اعتقد ان دا استهلاك كويس وخصوصا كنت ماشى على سرعة من 100 الى 160 حسب الطريق....

4. ثبات العربية كويس لا تعليق

5 لو حد راكب جنبى و 2 ورا على الكنبة .... العربية بتسلم على 90 % من المطبات على الرغم انى نافخ الكاوتش على 32 زى الكتالوج ما بيقول ...

6. بالنسبة للصاج مرة قطة نطط من صور عالى على السقف للاسف السقف حصل فية تقويصة بسيطة..

7. ودى حاجة مضيقانى اوى ان العربية من جوة بتلم تراب يعنى لو راكن العربية وانا فى الشغل ارجع اجد التابلوة علية وبرة خفيفة من التراب بالرغم من انى قافل الزجاج كويس وكمان قافل فتحات التكييف من الزر الخاص بدخول الهواء من الخارج.

8. موضوع مثبت السرعة ممتاز خصوصا فى السفر بيقلل استهلاك البنزين بدل متفضل مثبت رجلك على الدواسة.

9. بالنسبة للبلوتوث حاجة بردة مضيقانى وانا بتكلم من العربية دايما اللى بكلمة يقولى الصوت بيقطع انا معايا موبيل ميجا معرفش العيب من بلوتوث الموبيل ولا بلوتوث العربية...

10. انا مركب فى العربية وحدات رفع زجاج وكمان جهاز gps tracker علشان اشوف مكان العربية من على النت .... وكمان ركبت جهاز انذار على الرموت بتاع العربية علشان لما افتح واقفل تعمل صوت وكمان لو حد خبطها فى الشارع تعمل صوت وموصل الانذار دة على الكلاكس ... علشان الانذار اللى فيها مش بيعمل صوت الا لو الباب اتفتح بس ... ومغير الكالاكس ومركب نوع اسمة .... فيام ... بتاع ال bmw لانى دورت على ..... الطاط ..... فى شارع زكى لم اجدة

11. عاوز اغير الكاست بتاعها علشان انا بحب الصوت العاليى والحركات دى واركب كاست تاتش بس مش لاقى غير صينى اللى يركب عليها ووللاسف كل الاسف البيونير حبيب قلبى لو ركب التحكم فية من التارة مش هيشتغل اعلى اوطى اغير القنوات كدة يعنى.

12. موضوع التحكم فى الباور دة ممتاز 3 اختيارات طبعا جوا البلد عاملة comfort ... وعلى السرعات وانا مسافر بخلية sport بحس ان العربية راسية شوية مع الجرى فوق 140كم

13 بالنسبة لشكل التابلوة والاضاءة هى مش وحشة بس انا حاسس انها تقليدية يعنى من وجهة نظرى شايف ان شكل التابلوة بتاع الموديل اللى فات اجمل وخصواصا اللون الاحمر دة جميل جدا .... طبعا دا مش عيب ولا حاجة دى مجرد اذواق.

طبعا يا جماعة اوحش حاجة بجد انى اجيب العربية بسعر 159 الف جنية خليجى ومش اعلى فئة كمان والموديل اللى قبلها على طول كانت اعلى فئة سمارت كى عامل 142 الف جنية .... طبعا دى خيبة

اتكلمت معاكوا باستفاضة وعن تجربة شخصية ولم ابخل باى معلومة ولو حد عندة ملاحظة يحكى معايا

والسلام ختام

[Hunting_Eagle]

3. انا ملاحظ ان استهلاك البنزين عالى شوية وسط البلد مع التكييف ال20 لتر مش بتكمل 200 كيلوا انا مشوارى كل يوم مدينة نصر وسط البلد رايح جاى..... ميكروباص يعني ....هههههههه ..انما على الطرق السريعة انا من اسبوعين رحت اسكندرية ورجعت المشوار كالتالى فولت من الزمالك وبعدين اسكندرية - لحد ميامى ورجعت القاهرة - مدينة نصر دائري - المشوار كلة حوالى 500 كم واتبقى فى التنك الربع .... اعتقد ان دا استهلاك كويس وخصوصا كنت ماشى على سرعة من 100 الى 160 حسب الطريق....

متفق معاك في النقطة دي

4. ثبات العربية كويس لا تعليق

ثبات العربية انا اعتبره متوسط .. مش وحشة .. بس في نفس الوقت مش بتاعة مناورات ..

7. ودى حاجة مضيقانى اوى ان العربية من جوة بتلم تراب يعنى لو راكن العربية وانا فى الشغل ارجع اجد التابلوة علية وبرة خفيفة من التراب بالرغم من انى قافل الزجاج كويس وكمان قافل فتحات التكييف من الزر الخاص بدخول الهواء من الخارج.

اكيد عندك شباك مهوي .. او كاوتشة مهوية .. زميل قبل كده في المنتدى كان بيشتكي من صوت هواء مع السرعة

9. بالنسبة للبلوتوث حاجة بردة مضيقانى وانا بتكلم من العربية دايما اللى بكلمة يقولى الصوت بيقطع انا معايا موبيل ميجا معرفش العيب من بلوتوث الموبيل ولا بلوتوث العربية...

جرب تليفون تاني .. عندي الصوت واضح

10. انا مركب فى العربية وحدات رفع زجاج وكمان جهاز gps tracker علشان اشوف مكان العربية من على النت .... وكمان ركبت جهاز انذار على الرموت بتاع العربية علشان لما افتح واقفل تعمل صوت وكمان لو حد خبطها فى الشارع تعمل صوت وموصل الانذار دة على الكلاكس ... علشان الانذار اللى فيها مش بيعمل صوت الا لو الباب اتفتح بس ... ومغير الكالاكس ومركب نوع اسمة .... فيام ... بتاع ال bmw لانى دورت على ..... الطاط ..... فى شارع زكى لم اجدة

انت غيرت الكلاكس علشان صوته وحش ولا علشان حاجة تانية .. ان شايف ان صوته وحش جدا .. بتكسف استخدمه

12. موضوع التحكم فى الباور دة ممتاز 3 اختيارات طبعا جوا البلد عاملة comfort ... وعلى السرعات وانا مسافر بخلية sport بحس ان العربية راسية شوية مع الجرى فوق 140كم

الباور ال Comfort ده خفيف جدا .. لدرجة انه يدايق .. بس بتقل كويس مع الطريق

مبروك عليك العربية

[ahmed hasanin]

السلام عليكم ورحمة الله وبركاتة

انا معايا سيراتوا 2014 خليجى فتحة سقف و abs و شوية حاجات تانية كدة من شهر 3/2014 وعامل لحد انهاردة 600 كم

المهم ملاحظاتى على السيارة

1. التيل اللي ورا بيزيق بعد موصلت لحد 3000 كم تقريبا قلت اكيد وساخة رحت عند ميكانيكي وقلي فعلا وساخة وفتح لقا في رايش كدة مطرح ما التيل بيتاكل المهم نظف وسنفر ... العجلتين اللي ورا واخد 30 ج ومشيت
بعدها باسبوع او عشر ايام كدة رجع نفس الصوت

نسيت اقولوكوا اني سالت الراجل دة من اية قلي اصل التيل دة ناشف ووحش .... يا عم الحج دة بتاع الفبريكة قالي واية يعني .... هههههه لا حول ولا قوة الا بالله .... يا اما بيفتى زى ما احنا متعودين من اغلب الصنايعية يا اما كلامة جد الله اعلم

المهم العربية دلوقتي عاملة 6000 وكل ما افرمل اسمع احلي تزييق

فالظاهر ان دي مشكل عامة لان واحد جاري في الشارع جاب سيراتوا بردة وبعد شهرين كدة لقيتة وهو بيركن بردة عمال يزيق هههههههههه .... قلت اهلا انت وصلت كدة محدش احسن من حد
يا تري الحل اية نسيب التيل لحد ما يخلص ونغيرة ولا كدة التنابير تبوظ.

انا عربيتى سيراتو فى 2015 عاملة 3900 تقريبا وانا عايش فى السعودية والصوت ظهر من اسبوعين كده بس بيظهر قليل مش على طول ولما رحت الوكالة المهندس الفلبينى اللى هناك قالى دى مشكلة فى كل السيراتو الجديد على مستوى العالم واحنا خاطبنا الشركة الام فى كوريا لان فى ناس كتير غيرنا ليهم التيل ورجع الصوت بعد شهر او اقل زى ماهو لان العيب فى التيل انه صغير على الطامبور وبيتاكل وقالى ممكن اغيرهولك ويرجع الصوت تانى فاحسن اصبر لحد بعد العيد ونغيره بالقطع الجديدة من كوريا


2. موضوع السخونية دة فعلا انا لاحظت الحكاية دى من ساعة ما جبت العربية فى سخونة من جنب دواسة البنزين فى حتة مفتوحة وفيها حديد لونة اسود كدة بعد شوية من المشى والحر الحديد دة بيسخن جدا اكنة بوتاجاز والله .... بس الموضوع دة معرفش الصراحة قل ولا نا اتعودت على السخونية دى بس انا شايف هنا الناس بتقول ممكن يتعزل ب 50 ج اشوف واجرب .... بس دة مش مواسير التكيف السخن لأن التكييف السخن مش بيسخن الا لو انت لفيت البكرة على الاحمر حتى لو مش مشغل المروحة بيبدا هو يسخن واول متشغل المروحة الهوا بيطلع سخن فانا اعتقد ان التكييف السخن ملوش دعوة وخصوصا ان البكرة عندى على الازرق على طول من ساعة مجبت العربية.

3. انا ملاحظ ان استهلاك البنزين عالى شوية وسط البلد مع التكييف ال20 لتر مش بتكمل 200 كيلوا انا مشوارى كل يوم مدينة نصر وسط البلد رايح جاى..... ميكروباص يعني ....هههههههه ..انما على الطرق السريعة انا من اسبوعين رحت اسكندرية ورجعت المشوار كالتالى فولت من الزمالك وبعدين اسكندرية - لحد ميامى ورجعت القاهرة - مدينة نصر دائري - المشوار كلة حوالى 500 كم واتبقى فى التنك الربع .... اعتقد ان دا استهلاك كويس وخصوصا كنت ماشى على سرعة من 100 الى 160 حسب الطريق....

4. ثبات العربية كويس لا تعليق

انا معاك جدا ماشاء الله تبارك الله

5 لو حد راكب جنبى و 2 ورا على الكنبة .... العربية بتسلم على 90 % من المطبات على الرغم انى نافخ الكاوتش على 32 زى الكتالوج ما بيقول ...

6. بالنسبة للصاج مرة قطة نطط من صور عالى على السقف للاسف السقف حصل فية تقويصة بسيطة..

7. ودى حاجة مضيقانى اوى ان العربية من جوة بتلم تراب يعنى لو راكن العربية وانا فى الشغل ارجع اجد التابلوة علية وبرة خفيفة من التراب بالرغم من انى قافل الزجاج كويس وكمان قافل فتحات التكييف من الزر الخاص بدخول الهواء من الخارج.

8. موضوع مثبت السرعة ممتاز خصوصا فى السفر بيقلل استهلاك البنزين بدل متفضل مثبت رجلك على الدواسة.

9. بالنسبة للبلوتوث حاجة بردة مضيقانى وانا بتكلم من العربية دايما اللى بكلمة يقولى الصوت بيقطع انا معايا موبيل ميجا معرفش العيب من بلوتوث الموبيل ولا بلوتوث العربية...

10. انا مركب فى العربية وحدات رفع زجاج وكمان جهاز gps tracker علشان اشوف مكان العربية من على النت .... وكمان ركبت جهاز انذار على الرموت بتاع العربية علشان لما افتح واقفل تعمل صوت وكمان لو حد خبطها فى الشارع تعمل صوت وموصل الانذار دة على الكلاكس ... علشان الانذار اللى فيها مش بيعمل صوت الا لو الباب اتفتح بس ... ومغير الكالاكس ومركب نوع اسمة .... فيام ... بتاع ال bmw لانى دورت على ..... الطاط ..... فى شارع زكى لم اجدة

11. عاوز اغير الكاست بتاعها علشان انا بحب الصوت العاليى والحركات دى واركب كاست تاتش بس مش لاقى غير صينى اللى يركب عليها ووللاسف كل الاسف البيونير حبيب قلبى لو ركب التحكم فية من التارة مش هيشتغل اعلى اوطى اغير القنوات كدة يعنى.

12. موضوع التحكم فى الباور دة ممتاز 3 اختيارات طبعا جوا البلد عاملة comfort ... وعلى السرعات وانا مسافر بخلية sport بحس ان العربية راسية شوية مع الجرى فوق 140كم

13 بالنسبة لشكل التابلوة والاضاءة هى مش وحشة بس انا حاسس انها تقليدية يعنى من وجهة نظرى شايف ان شكل التابلوة بتاع الموديل اللى فات اجمل وخصواصا اللون الاحمر دة جميل جدا .... طبعا دا مش عيب ولا حاجة دى مجرد اذواق.

طبعا يا جماعة اوحش حاجة بجد انى اجيب العربية بسعر 159 الف جنية خليجى ومش اعلى فئة كمان والموديل اللى قبلها على طول كانت اعلى فئة سمارت كى عامل 142 الف جنية .... طبعا دى خيبة

اتكلمت معاكوا باستفاضة وعن تجربة شخصية ولم ابخل باى معلومة ولو حد عندة ملاحظة يحكى معايا

والسلام ختام

[mse920]

موضوع التيل اللي ورا
أنا كان عندي نفس الصوت وروحت التوكيل وغيرو تيل وطنابير خلفي طبعا فى الضمان
والصوت اختفي ( لغاية دلوقتي )