كارينز 2012 مستعملة

[Fouad Ezz]

بإختصار .. انا كنت جبت كارينز مانوال وبعتها بعدها بأسبوع عشان حاستها تقيلة شوية ... لكن مستحرم أدفع فوق ال 200 ألف واشتري هيونداي ix35 خصوصا إنى هاقسط وادخل فى حوارات وانا عايز عربية عائلية عشان الولاد والنادي والسفر وخلافة

دلوقتى جارى عارض عربيته الكارينز للبيع .. ومواصفاتها كالأتى
مو 2012 وكيل كاملة اتوماتيك - 2 اير باج - ABS - اشارات في المرايا - مرايات ضم - تحكم في الطارة للكاسيت و للموبايل - بلوتوث
عداد 25000 كيلو متر فابريكة ما عدا الاكصدام وطالب 140 ألف
العربية حالتها نظيفة بنسبة 85%

أتوكل على الله واخلص فيها؟ ... والسعر المناسب كام
ولا أدفع المبلغ ده مقدم ix35 وأعيش مع الجديد ....

ارجو المساعدة بارائكم .. لانى فى حيرة شديدة

[aymanshebl]

متابع

[georgedada82]

بص حضرتك ممكن تزود 25 الف وتركب ... اما سكودا رابيد زيرو ... او تركب فليوانس تاني فئة زيرو ... ودي عربيات جديدة لسه بضمانها وكل حاجة وعربيات رائعة بمعني الكلمة ... سيارات اوروبية يعني الامان والفخامة والاعتمادية ... مجرد راي

[ENG.MaRk]

لا طبعا ادفع ال140 مقدم للix35 و اركبها ... بصراحة عربية تستاهل و جميلة جدا و فئة كويسة و عالية عن الأرض و بصراحة شوارعنا محتاجاها و أعتقد إنك هتقسط 90000 علي 5 سنين يعني هتدفع 1500 جنيه في الشهر و ده مبلغ عبيط في الزمن ده و أعتقد مش هيأثر معاك في حاجة !!!
أي عربية تجيبها استمتع بيها و حبها ... حب ما تركب حتي تركب ما تحب

[Mohamedjetta]

حضرتك ادفع مقدم ix 35 احسن لان طرق مصر وحشه ومحتاجه عربيه عاليه عشان الواحد يدخل المطب وهو مطمن

[mohamed_selim]

الكارينز عاليه بس انت بعت المانوال عشان تقيله ... الاوتو اتقل !