مشكله هوا فى دوره المياه

[khaledazizeg]

السلام عليكم ورحمه الله وبركاته
انا كان عندى مشكله فى الرادياتير المهم غيرت الميا ومن ساعتها مش عارف اخد الهوا الاقي خرطوم المياه بعد اما العربية بمشي بيها شوية الخرطوم محجر ومش عارف اخد هوا ازاى فممكن اعرف اخد هوا ازاى من العربية لاني مش عارف وشكرا على الافادة

[khaledazizeg]

ياجماعه مافيش أى رد من أصحاب الخبره

[besso]

بص انا هاقوللك بس يفضل انك تخللى الميكانيكى يعملها افضل

والعربيه بارده هاتفتح غطاء الريداتير وتملى المياه اللى هاتخدها وتقفل وتدور العربيه وتستنى لما تسخن والمراوح تشتغل وتتابعها لما تفصل
اول ما تفصل استنى دقيقه كده وافتح غطاء الريداتير بالراحه لحد لما يفتح خالص وخلى باللك علشان لو فيه صغط مياه ماتتلسعش يعنى ماتفتحش الغطاء بسرعه ومش بعد المراوح ما تفصل على طول لا اصبر دقيقه كده يكون الثرموستات فتح
هاتفتح وتملى الريدياتير لحد الزور وتقفل وتطمن ان المراوح هاتشتغل وتفصل تانى

بس خلاص

[محمد بازيد]

بسم الله الرحمن الرحيم

أخى الكريم
طريقة اخد الهواء من دورة المياة بابسط طريقة
1- السيارة باردة
2- تعبئة القربة مياة على الاخر واقفلها
3- شغل السيارة لدرجة الحرارة التى تشغل المراوح
4- المراوح فصلت شوف الخرطوم اللى داخل اللى القربة بكماشة اضغلط الكلبس وشد الخرطوم
5 - هتلاقى المياة والهواء طالعين على مراحل متركبش الخرطوم غير لما تلاقى مياة بس من غير هواء
6- اعادة تعبئة المياة الى درجة الحد المطلوب فى القربة
من المستحسن عدم فتح الراديتر غير للضرورة والتعامل من القربة
بعد اخد الهواء يستحسن متابعة مستوى المياه 3 ايام متواصل فى الصباح

[khaledazizeg]

انا ملاحظ حاجه وياريت حد يفيدني وشكرا لكل الي ساعدوني بس انا بلاحظ ان الخرطوم بيكون محجر واول اما المروحه تشتغل بعد اما تقفل بيبقي الخرطوم طري وعامتا الحراره عندي اقل من النص فهل دا طبيعي

[محمد بازيد]

انت عارف الحرارة لما المروحة بتقف بتكون كام فى حدود 85 درجة
ربنا يستر واوعى تفتح القربة والمروحة شغالة او بعد لما تقف على طول

[besso]

التحجر دده طبيعى لان الثرموستات بيبقى قافل ولما بيفتح الضغط بينخفض

[khaledazizeg]

التحجر دده طبيعى لان الثرموستات بيبقى قافل ولما بيفتح الضغط بينخفض

يعني دا طبيعي ؟؟؟؟
والغريب ان مؤشر الحراره دايما بيكون تحت النص ومش بيزيد