إعـــــــلان

Collapse

.

,
See more
See less

تيل وطنابير السيراتو 2015 والتوكيل

Collapse
X
 
  • Filter
  • الوقت
  • Show
Clear All
new posts

  • تيل وطنابير السيراتو 2015 والتوكيل

    أنا كنت كتبت من فترة اني ظهر عندي مشكلة فى الفرامل الخلفيه والتوكيل قالي انها هاتتغير فى الضمان بس القطع مش موجودة . الكلام دا كان يوم 28/8

    طبعا انا كل كام يوم كنت بتصل بالتوكيل علشان اعرف القطعة وصلت ولا لأ وفي اول مكالمة اصلا فوجئت ان المهندس فى التوكيل مش مسجل ليا اني مطلوب قطع غيار اصلا
    وبعد مكالمات حوالي 6 مكالمات علي فترات بدون عقاد نافع

    اخر مكالمة
    اتصلت بخدمة العملاء ودخلت علي الشكاوي وقولتلو عاوز اعمل شكوه وحكيت الحكاية فى التليفون
    والمهم
    اني قولتو لو المشكلة ماتحلتش هاروح حماية المستهلك اعمل شكوي وهابعت المحامي يعمل محضر فى القسم
    الموظف : حضرتك بس اديني فرصة 48 ساعة ارفع الشكوي للإدارة وهانرد عليك
    أنا : 48 ساعة مش هاتفرق ( قولت أستني )

    ثاني يوم الساعة 9 صباحا
    مهندسة من فرع أبو رواش بعتذز وحضرتك ممكن تيجي تركب قطع الغيار فى اي وقت بدون حجز

    بعت العربية النهاردة والحمد لله العربية دخلت وخلصت كمان بسرعة

    يعني هو انا لازم اشتكي علشان اخد حقي

    علي الرغم ان المشكلة اتحلت

    حسبي الله ونعم الوكيل

  • #2
    ياباشا الحمد لله ان الحاجة اتغيرت و تم الازم خلاص الحمد لله
    توكيل كيا اصلا توكيل محترم والله
    [sor2]http://s24.postimg.org/48vqezkw5/1405119604784.jpg[/sor2]
    [SIZE="4"][FONT="Trebuchet MS"][COLOR="Blue"]
    Eng/Mohab Elnahas
    Aviation Engineer[/COLOR][/FONT][/SIZE]

    Comment


    • #3
      ومين قال لحضرتك ان القطع اتغيرت
      اقولك المفاجاءه هما بس صنفروا مكان التيل فى الدسك او الطنبوره وخلاص
      والدليل على كلامى ان الصوت هيظهر تاني بس بعد فتره
      [CENTER]:018::018:[/CENTER]

      Comment


      • #4
        المشاركة الأصلية كتبت بواسطة medo_sirion مشاهدة المشاركة
        ومين قال لحضرتك ان القطع اتغيرت
        اقولك المفاجاءه هما بس صنفروا مكان التيل فى الدسك او الطنبوره وخلاص
        والدليل على كلامى ان الصوت هيظهر تاني بس بعد فتره

        طب ليه مش عملو كدا من الأول
        عموما لو الصوت ظهر تاني هاروح اعملهم فضيحة فى التوكيل

        Comment


        • #5
          هو التوكيل مشكله أصلو بتاع كيا دة
          الثقه فى الله نجاح

          Comment


          • #6
            اللى انت كاتبه ده نفس اللى حصل معايا بالضبط .. بعد ما كلمت خدمة العملاء واشتكيت كلموني وقالولي القطعة وصلت وتعال ركبها

            الله اعلم بقه غيروها ولا لأ .. بس الصوت لسه مرجعش لحد دلوقتى

            Comment


            • #7
              هو ده الطبيعي من توكيلات مصر
              بس بالرغم من كده ، يعتبر توكيل كويس
              سبحان الله و بحمده ... سبحان الله العظيم

              Comment


              • #8
                بغض النظر عن المشكلة دي.. ياريت الناس تاخد بالها في كل المنتديات أن فى سماسرة وناس شغالة في توكيلات كل هدفها تشويه ماركات منافسة وبيدخلوا يولعوا المواضيع أو يرمي كلام بخبث شديد وكلامي مش موجه لحد معين في الموضوع ده خالص.. انا بتكلم عموماً عن اللي بيحصل
                [mshosh2]http://www.nilemotors.net/Nile/signaturepics/sigpic147360_19.gif[/mshosh2]

                Comment


                • #9
                  يا جماعة انا معايا سيراتوا 2014 خليجة زيرو وبعد اول 3000 لقيت موضوع التيل اللي ورا بيزيق قلت اكيد وساخة رحت عند ميكانيكي وقلي فعلا وساخة وفتح لقا في رايش كدة مطرح ما التيل بيتاكل المهم نظف وسنفر ... العجلتين اللي ورا واخد 30 ج ومشيت
                  بعدها باسبوع رجع نفس الصوت والله
                  نسيت اقولوكوا اني سالت الراجل دة من اية قلي اصل التيل دة ناشف ووحش .... يا عم الحج دة بتاع الفبريكة قالي واية يعني .... هههههه لا حول ولا قوة الا بالله
                  المهم العربية دلوقتي عاملة 6000 واية كل ما افرمل اسمع احلي تزييق
                  فالظاهر ان دي مشكل عامة لان واحد جاري في الشارع جاب سيراتوا بردة وبعد شهر كدة لقيتة وهو بيركن بردة عمال يزيق هههههههههه .... قلت اهلا انت وصلت
                  يا تري الحل اية نسيب التيل لحد ما يخلص ونغيرة ولا كدة التنابير تبوظ
                  وشكرا للايضاح

                  Comment


                  • #10
                    كل التوكيلات ولاد تييييت

                    Comment


                    • #11
                      اخويا اتصل يحجز الصيانه لكيا ريو .. ٦٠ الف كم .. يعني صيانه تقيله .. سالهم على التكلفه قالوله مبلغ .. لما راح والمهندس بيستلم العربيه قاله هتكلف كذا .. مبلغ تاني اكبر من اللي اتقال في التليفون .. المهم اخويا كان عامل حسابه وعداها .. لما الصيانه خلصت وجه يحاسب اتفاجئ بمبلغ تالت اكبر بكتير - مع العلم انه ماعملش غير الصيانه الدوريه وماغيرش حاجه زياده

                      والكلام ده في فرع القطاميه .. فاتخانق معاهم وماكنش معاه المبلغ ده بس ربنا ستر انه كان معاه الفيزا .. وبيقول للمحاسبه يعني لو ماكنتش عامل حسابي كنت هسيب العربيه واروح مشي ؟؟ بكل قلة ذوق ردت قالتله اه !

                      عمل شكوى وبقاله اسبوع ماحدش عبره

                      مش عارف لو كنت مكانه كنت هعمل فيهم ايه
                      سبحان الله وبحمده ... سبحان الله العظيم
                      تحياتي ,,,
                      أحمد مجدي

                      Comment


                      • #12
                        للاسف احنا فى مصر معندناش ثقافة خدمة العملاء والعمل على راحتهم

                        كل واحد بيشتغل بالفهلوة والحداقة وسيبها على الله وخليها بظروفها

                        المهم دلوقتى سؤال مهم .. تيل الفرامل بتاع سيراتو 2014 اجيبه من بره التوكيل منين؟؟ وبكام؟؟

                        عايز الاصلي علشان فى التوكيل التيل الامامي سعره 980 جنيه

                        Comment


                        • #13
                          متابع ....................

                          لانى عاوز اجيب التيل الخلفى انا كمان يكون اصلى

                          Comment


                          • #14
                            للاسف برضوا ممكن نقول ده افضل الوحش

                            Comment

                            Working...
                            X