سيراتو كسر زيرو 2015

[shifoo68]

اية يا جماعة السيراتو 2014 او 2015 بتتباع كسر زيرو بالهبل دلوقتى فى المعارض والنت ياترى ايى السبب مع كليو مترات قليلة جدا ماحدش لحق يركب اساسا خليجى على وكيل جنط 16 او 17 والسعر بينزل جامد عن الزيرو ياريت لو حد يعرف يقول السبب

[max13]

العربية حلوة بس متستهلش تمنها

[Dr.M_baz]

العربية حلوة جدا ... بس إللي دفع التمن ده بيكون فاكر انه هيركب مرسيدس فبيتصدم فيها.

Sent from my SM-N9005 using Forum Runner

[waello9]

بصراحة انا مش برتاح للسيراتو وخصوصا الشكل القديم 2014 اما الشكل الجديد ممتاز والعربية اصبحت اكثر اتساع من الداخل وثبات وارشحها بقوة اكثر من الانترا الجديدة اما لو هتقارن بين الشكل القديم فالانترا تكسب طبعا وخصوصا انها حافظة كيانها وسعرها
-----------------------
وائل عادل

[Molham]

انا برده مستغرب جدا من الموضوع ده وبفكر اصبر شويه واحوش قرشين كمان واجيبها بس خايف البس ف حيطة بس الموضوع ده بقى كتير صحيح ومحدش بيقول الحقيقة يااخى :d

[echo7]

وبعدين في القلق ده انا لسه شاري العربيه ومرخصتهاش انتو حتقلقوني ليه

[ezzzzo1983]

العربية حلوة بس متستهلش تمنها

كلامك سليم 100 في الـ 100

[mr.moustafa]

وبعدين في القلق ده انا لسه شاري العربيه ومرخصتهاش انتو حتقلقوني ليه

ما تقتلش يا عم ، عادي العربية منتشرة و اتباع منها كتيير فطبيعي هتلاقي مستعمل كتيير
شوف الكورولا كده و انت تعرف

[J A G U A R]

العربيه زى الفل ومفيهاش اى مشاكل
وبعدين السيراتو عربيه سوق

[wedagad]

من فضلك يص علي الكورولا بتتباع قد ايه علي كونتكت كار هتعرف الفرق...........السيراتو عربيه محترمه عن تجربه

[adelghanem]

كل الموديلات بيتباع فيها كسر الزيرو
وموديل السنه.حسب كميه المتباع زيرو
فيه نسبه بتتباع منه حسب ظروف كل
واحد او حسب نظرته للعربيه
دى وجهه نظرى..

[medo-312]

ماهي طالما بتتباع يبقى اكيد حد هايشتريها.. واللا بعد هاتتباع هايعدموها !!!! .. كل اللي بيبيع ياجماعة ليه ظروفه الخاصة.. انا واحد من الناس بعتها بعد شهر.. والحمد لله اشتريتها تاني وهاستلم يوم الأحد أو الاتنين بالكتير.. وكيل ex 2015

[mo3tsem]

بص بالنسبه للعربيه بس الله ما شاء الله
ثبات واتساع وشكل وسحب الله اكبر
لكن بالنسبه للسعر كويس في الخليجي .. في الوكيل بيستهبل
ومتنساش ان السيراتو بياعه .. وكل واحد ليه السبب بتاعه في البيع
انا عن نفسي بفكر ابيعها واشتري جيب ليبرتي
بس مش بفكر عشان عيب من العربيه او حاجه .. انا لو معايا فلوس كنت هجيب الجيب علي السيراتو :d
بس كعربيه تمام ومحدش يقلق منها يا جماعه وبعدين السيراتو محققه مبيعااااات بالعبيط ... فطبيعي تلاقي اللي بيتباع بالعبيط :d