مشكلة ثبات الريو ؟؟!

[Mando97]

هو فعلًا في مشكلة في ثبات الريو
في ناس اتقلبت بيها
فده عيب منهم ولا ثبات العربية مش حلو

[Mohab555]

أسأل اى حد هيقولك من اثبت العربيات الى كيا عملتها فى تاريخها فى الفئة بتاعتها

[noapology]

علي طريق العلمين 190 ومفيش مشاكل ما شاء الله مع واحد صاحبي

[Mostafa.Mahran]

البى ام بتتقلب

[mr.moustafa]

الريو من اثبت العربيات في فئتها
المشكلة ان فيه ناس بسبب ثباتها ده بتنسى انها راكبة سيارة فئة صغيرة و بتتمادى و بتحصل الكارثة

[Mecha]

علي طريق العلمين 190 ومفيش مشاكل ما شاء الله مع واحد صاحبي

190 ???????????????????????????????

[eng.m7md.ali]

اي عربية بتتقلب بس الاهم مين اللي هيطلع كويس منها .. الريو حلوة وانا شايفها طفرة في العربيات الكوري الصغيرة بس بردو مش الثبات اللي يخليك تجري وانت متطمن .. كفاية تصميمات كيا الحادة في الشكل غلبت الياباني بكتير

[J A G U A R]

الريو سمعتها فى الثبات كويسه مش وحشه
ومسمعناش حد اتقلب بيها

[Mando97]

شكرا جزيلا لكم

[swimmer25]

لو الثبات يهمك يبقي متقلش إنك تجيبها بجنوط سبور لأنه بيركب عليها كاوتش أعرض بالتالي الثبات بيتحسن

[S O P H O S]

الريو ثابتها كويس وخصوصا فئة ال 17
بيفرق اوي الجنط ده فثبات العربية

[Ahmed.Essam]

اي عربية ممكن تتقلب لو عملت اي خطأ جنوني او لو قدر الله بانها تتقلب
لكن صدقني الريو ثباتها اعلى من السيراتو الشكل القديم مش الجديد ومن اكسنت ار بي
هتاقبلك مشكله معاها فقط في الطرق الغير ممهدة وانا اقصد هنا بالغير ممهدة يعني الطرق الضايعة خالص
ثباتها مش هيعجبك لان عفشتها ناشفة حبتين والطارة كهربا مع الجنط 17 هتلاقيها بايخة شوية فلازم تهدي

وخلي بالك انا قصدي انها ان ثباتها ممتاز مش زي البي ام والاوبل يعني اكيد لا
بس بالنسبة للعربيات اللي زيها واللي بتتحط في مقارنات معاهم هي اعلاهم ثبات

[m hamed]

ما هو ضغط الكاوتش المناسب للريو
base line 15
nitrogen