تقيمى للسيراتو الهاى ﻻين بعد 300 كيلو

[ايهاب مأمون]

انا لسه شاريها من 3 ايام المهم عشان مطولش عليكم
1- الموتور بيتأخر فى اﻻستجابه حولى ثانيه او ثانيتين بفرق ملحوظ

2- صوت الكاوتش على اﻻرض عالى جد ولما خليتو نيتروجين الصوت قل شويه بس بردو عالى بس مش مشكله

3- العربيه فى السلنسيه مش بحس بأى اندهاش انما لما بكون عايزها تجرى بﻻقى وحش بياكل اﻻسفلت

4- نور الساعه والعدادات بيضعف اول ما بشكل النور الصغير


دى الحاجات اللى ﻻحظتها عليها واللى انا بعتبرها عيوب مع انها ممكن متكنش عيوب غير كده بقى العربيه تحفه بكل المقايس
العربيه بجد تحفه وخصوصا باليد والجنط الـ 17

[ضى القمر]

الف مبروك

[Astra Lover]

ربنا يباركلك فيها ويديك خيرها ويكفيك شرها, انا فاكر انك غيرت تفكيرك فى اخر لاخظة قبل ماتستلم الكورولا.ايه المميزات من وجهة نظرك فيها مقارنة بلعربيات الى فى نفس الفئة السعرية؟

[mostafa3000]

الف مبروك

[drcobra]

مبروك عقبال 1000000 كيلو

[Mohamedjetta]

الف مبرووووووك
بالنسبه ملاحظه رقم واحد .: انت قصدك لما تكون ماشي براحه وتيجي مره واحده تتقل فالموتور بيتأخر ؟ لو قصدك كده .. السبب ان الموتور بيتأخر ان العربيه بتكون واخد غيار الخامس وماشيه هاديه ( سواقه اقتصاديه) فلما تدوس او تتقل رجلك شويه ( سواقه متوسطه) بالعربيه بتسقط غيار عشان تدي قوه فعشان كده الموتور بيتأخر
يارب اكون انا فهمت صح

[mr.moustafa]

انا لسه شاريها من 3 ايام المهم عشان مطولش عليكم
1- الموتور بيتأخر فى اﻻستجابه حولى ثانيه او ثانيتين بفرق ملحوظ
معظم الاوتوماتيك دلوقتي كده خصوصا لما يكون الفتيس مود واحد

2- صوت الكاوتش على اﻻرض عالى جد ولما خليتو نيتروجين الصوت قل شويه بس بردو عالى بس مش مشكله
فعلا ده عيب في الكاوتش بس مش في العربية نفسها و بردو مش عالي اوي يعني

3- العربيه فى السلنسيه مش بحس بأى اندهاش انما لما بكون عايزها تجرى بﻻقى وحش بياكل اﻻسفلت
ده عادي لأن مافيهاش سبورت مود و بتكون واخده غيار عالي علشان توفر البنزين فلما بتمشي هادي كمبيوتر العربية بياخد قيادة اقتصادية و علشان تتأكد من كلامي و انت ماشي هات الفتيس على المانيوال و شوف السرعة اللي ماشية عليها العربية هتلاقيها على الرابع او الخامس لكن لما تزود بنزين بيتغير الوضع و تلاقيها وحش فعلا زي ما بتقول

4- نور الساعه والعدادات بيضعف اول ما بشكل النور الصغير
ده مش عيب يا افندم ديه ميزة انه بيضبط ضوء العدادات اوتوماتيك عالي بالنهار و ضعيف بالليل علشان مايضايقش عينك بالليل


دى الحاجات اللى ﻻحظتها عليها واللى انا بعتبرها عيوب مع انها ممكن متكنش عيوب غير كده بقى العربيه تحفه بكل المقايس
العربيه بجد تحفه وخصوصا باليد والجنط الـ 17

مبروووووووووووووووووك

[ايهاب مأمون]

ربنا يباركلك فيها ويديك خيرها ويكفيك شرها, انا فاكر انك غيرت تفكيرك فى اخر لاخظة قبل ماتستلم الكورولا.ايه المميزات من وجهة نظرك فيها مقارنة بلعربيات الى فى نفس الفئة السعرية؟

المميزات يا باشا انى راكب عربيه فيها كل حاجه من اﻻخر دلع العربيه دى تحفه بكل المقاييس بس يمكن لو كانت فئه اقل مكنتش هحس بنفس اﻻحساس ده عشان كده انا بنصح اى واحد هيجيب سيراتو يجيب فئه عليا ومقارنه العربيه بالفئات اللى زىها انا مقارنتهاش غير بالكروﻻ اول فئه لقيتها عربيه كنبه وتويوتا اسم وخﻻص مفيهاش غير ان الطبلوه فى لمحه جديده ووشها من قدام حلو شويه بس بردو السيراتو احلى منها من ادام مع اليد واحاى منها مع الجنط ال 17 واليد الخلفى وانا دلوقتى بحمد ربنا على اختبارى ليها وربنا بارب يباركلى فيها ويدينى خيرها ويكفينى شرها

[borio1704]

بالنسبة لتأخير الاستجابة.. فده شيء طبيعي لإن الكمبيوتر بيظبط نفسه على طريقة سواقتك..

فلو معظم وقتك بتبقى ماشي بالراحة.. هتلاقي العربية بطيئة علشان توفر في استهلاك البنزين

ولو سواقتك سريعة.. بمعنى إنك بتدوس بنزين جامد وعايز استجابة سريعة باستمرار.. هتلاقي العربية بتستجيب معاك من أقل لمسة بنزين

ولو عايز استجابة فورية من غير وجع الدماغ ده.. حول على الوضع اليدوي... وادعيلي

بس نصيحة.. استنى شوية لحد ما تخلص تليين

والنصيحة الأهم... http://www.nilemotors.net/Nile/434256-a.html


...

[swimmer25]

ظبط الكاوتش علي المواصفات المكتوبة عندك علي قايم السائق او في درج التابلوه العربية هتتظبط في صوت الكاوتش وممكن كمان تتظبط في السحب
غالبا هيكون 32 بس إتأكد وتضبطه والكاوتش بارد يعني متكنش مشيت بيها غير 1 كيلو

[ahm.mega007]

النور إلى بيضعف إلى حضرتك بتقول عليه هيا كده ده اوبشن وبعدين النور بيعلى ويوطى من عندك عادى

[ايهاب مأمون]

النور إلى بيضعف إلى حضرتك بتقول عليه هيا كده ده اوبشن وبعدين النور بيعلى ويوطى من عندك عادى

يا فندم انا اقصد ان نور الساعه والتبلوه بيضعف اول ما بشغل النور الصغير حتى لو بالنهار تقريبا بيبقى الحمل على الضفيره عالى شويه

[swimmer25]

يا فندم انا اقصد ان نور الساعه والتبلوه بيضعف اول ما بشغل النور الصغير حتى لو بالنهار تقريبا بيبقى الحمل على الضفيره عالى شويه

هو دا الطبيعي في أي عربية لما تشغل نور التابلوه معناه إن الدنيا بقت ليل بالتالي نور الساعة والشاشة لو فيه بيقلو عشان يتناسب مع الإضائة الضعيفة في الليل ولو الإضاءة متغيرتش مش هتعرف تسوق منها لأن النور هيكون قوي جدا
الكلام دا في كل العربيات متقلقش

[borio1704]

يا فندم انا اقصد ان نور الساعه والتبلوه بيضعف اول ما بشغل النور الصغير حتى لو بالنهار تقريبا بيبقى الحمل على الضفيره عالى شويه

حمل إيه اللي زياده بس؟؟ أمال لو شغلت النور العالي ولا عليت صوت الراديو تتوقع العربية تطفي؟؟

واضح إن حضرتك لسه ما سققتش العربية بالليل .. ساعتها هتعرف ليه النور بيضعف


...

[M.Elhamy]

موضوع النور حاجة طبيعية جداً ،عشان النور ميوجعش عينك و انت سايق و موجودة في أغلب العربيات