رائحة شياط في النيو سيراتو

[Yosef_azab]

السلام عليكم
انا معايا نيو سيراتو قبل الهاي لاين بفئة عاملة 2000 ك
كذا مره وانا ماشي في الزحمة بشم رائحة شياط قوية
يا ترى حد قابل المشكلة دي قبل كده
انا حاجز في التوكيل بس لسه الميعاد بعد العيد فقلت اسأل هنا برده
حاجة كمان الفيشة بتاعت الشاحن مش شغاله لا بتاعت الولاعة ولا اللي جمبها
شكرا

[hesham fawzy h]

حضرتك شميت الريحة دى لما توصل الشاحن

[Yosef_azab]

انا اسف, شكلي موضختش كلامي, الشياط جاي من بره
و الشاحن ده حاجة تابية

[hesham fawzy h]

طيب الموتور بيبقى ساخن .. يعنى فى زى حرارة بتيجى عليك ؟؟
..........


ممكن تكون حاجة تانية بس انا مش متاكد اوى ممكن يكون كيس بلاستك دخل فى الشكمان .


يا رب حد يفيدك

[دكتور خالد]

بما ان العربية زيرو - هتكون حاجة بسيطة ان شاء الله - بص على منطقة فرن الشكمان و ابعد اى حاجة ممكن تكون ملمسه فيه

[aymanshebl]

الشياط عادى علشان العربية زيرو ما شاء الله و فرن الشكمان مع الوقت الريحة بتروح منه لا تقلق و بالنسبة للشاحن و الولاعة كده فيه فيوز ضرب بتاعهم شوف علبة الفيوزات اللى غالبا بتبقى جنب التابلوة الشمال ناحية الباب و بيبقى فيه غطا عليها افتحه و شوف مخطط الفيوزات و شوف مكان الولاعة و فيشة الشاحن و غيرهم او تستنى التوكيل فى الضمان و هو يغيرهم بسيطة لا تقلق

[mr.moustafa]

بالنسبة للولاعة ماتلعبش في حاجة لحد ماتروح التوكيل
الريحة لما تظهر وقف العربية و انزل دور على مكان الريحة منين و ده التصرف اللي المفروض تعمله حتى قبل ما تسأل

[Dr.M_baz]

ريحة الشياط كانت عندي في العربية و قلت بالتدريج بعد 2000 ك بس كانت بتبان في الجراج فقط.
الفيشة خليك مع التوكيل.