نقلات فتيس الريو فيها مشكلة

[smalltoto10]

السلام عليكم

لسه مستلم كيا ريو هاتش اول فئة وكيل 2015

عملت بيها 150 كيلو اول يوم ومكنش فيها اى مشاكل ووصلت بيها لسرعه 140 من غير ما اقرص عليها وزي الفل

النهاردة رايح ارخص وكان الجو حر شوية شغلت التكييف وماشي ع 80 الاقي العربية عماله تنقل للرابع وترجع للتالت بكيك داون كذا مرة ورا بعض مع العلم انى بسوق اوتوماتيك ورجلي مظبوطه وخفيفة ع الدواسة علشان تاخد الغيار الرابع براحتها

طفيت التكيف نفس المشكلة حصلت برده وانا مروح حصلت مرة ومحصلتش تاني

هل ده عادي ف الاول ولا ايه ؟

[the_master848]

الى انا اعرفه ان المفروض متحملش عالعربية ف فترة التليين ومتشغلش التكييف واستنى لحد اول صيانة والله اعلم

[Mohab555]

بص هى ممكن علشان الدواسه كهرباء وانت بتقل رجلك من غير ما تحس و الدواسه حساسه بيحصل القصه دى .. لو عاوز تطمن افصل كابل البطارية نص ساعه وركبه تانى كل كنترولات العربيه هتعمل ريسيت
واى سؤال تانى تحت امرك

[smalltoto10]

ألكلام ده يباشا ع دوسة خفيفة جدا ع دواسة البنزين تحس ان العربية مش عاوزه تاخد الرابع وعاوزه ترجع للتالت وعماله تكرر الموضوع مع رزعة خفيفة كدا ده ع سرعه 70-80 تقريبا ع دوسة خفيفة

لو دايس تقيل شوية الموضوع ده مش بيحصل خالص

[nagy wassef]

روح التوكيل بدرى بدرى علشان تطمن
وانت خسران ايه؟
وانشاء الله خير

[Mohab555]

طيب جرب الى قولتلك عليه و افصل البطارية نص ساعه و بعدين اطلع جرب تانى
لو نفس القصه اطلع على التوكيل علشان نشوف الدنيا بدرى بدرى

[mr.moustafa]

ريح دماغك و هي لسه بسلوفانها كده و اطلع على التوكيل و ان شاء الله خير

[smalltoto10]

انا فصلت البطارية نص ساعه و جربت العربية تاني ف نفس ظروف التشغيل وع نفس الطريق ونفس دوسة البنزين والحمد لله العربية ناعمه ومفيش اى مشاكل ,, شكلها كانت عين وراحت

عندي استفسار بقا بخصوص التكييف اول ما بشغل مروحة التكييف زرار الـ ac بينور لوحده ولو عاوز اقفله مش يبتقفل يعني مينفعش اشغل مروحه بس وكمان زرار الهوا من برا العربية بيقفل ويقوم ينور زرار الهوا داخل العربية فقط , هل ديه حركة من الوكيل ولا كدا فى حاجه , معلش عاوز اطمن اعذروني

[Mohab555]

انا فصلت البطارية نص ساعه و جربت العربية تاني ف نفس ظروف التشغيل وع نفس الطريق ونفس دوسة البنزين والحمد لله العربية ناعمه ومفيش اى مشاكل ,, شكلها كانت عين وراحت

عندي استفسار بقا بخصوص التكييف اول ما بشغل مروحة التكييف زرار الـ ac بينور لوحده ولو عاوز اقفله مش يبتقفل يعني مينفعش اشغل مروحه بس وكمان زرار الهوا من برا العربية بيقفل ويقوم ينور زرار الهوا داخل العربية فقط , هل ديه حركة من الوكيل ولا كدا فى حاجه , معلش عاوز اطمن اعذروني

فين المصنيعه بتاعتى يا باشا ده فتيس بحاله ... مليش دعوه هههههههه قولتلك بسيطه ان شاء الله لا تقلق

مفيش مشكله ولا حاجة هو العربيه ليها نظام فى التكييف لو عاوز تظبط كل زرار مانيوال قولهم فى صيانة الالف هيظبطلك الدنيا كلها .. عربيتك زى الفل والله متخفش ولو فى اى حاجة او اى سؤال تانى قول بس وانا تحت امرك

[smalltoto10]

ربنا يكرمك يباشا

[mhkorayem]

انا فصلت البطارية نص ساعه و جربت العربية تاني ف نفس ظروف التشغيل وع نفس الطريق ونفس دوسة البنزين والحمد لله العربية ناعمه ومفيش اى مشاكل ,, شكلها كانت عين وراحت

عندي استفسار بقا بخصوص التكييف اول ما بشغل مروحة التكييف زرار الـ ac بينور لوحده ولو عاوز اقفله مش يبتقفل يعني مينفعش اشغل مروحه بس وكمان زرار الهوا من برا العربية بيقفل ويقوم ينور زرار الهوا داخل العربية فقط , هل ديه حركة من الوكيل ولا كدا فى حاجه , معلش عاوز اطمن اعذروني

بخصوص مشكله الفتيس اعتقد ان ممكن تكون لسه بس محتاج تتعود على الدواسة الكهربا أنا برضوا مكنتش متقبل الموضوع في الاول مجرد تريح رجلك عن الدواسه ثانيه تلاقي العربيه بتكن معاك
بالنسبة للتكييف لما بتبقى عامل اول بكره على اليمين على الـ Max مبتشتغلش غير تكييف
لو عاوز تشغل مروحه بس من غير التكييف حرك البكره عن الـ Max خليها على البارد ساعتها زرار التكيف لما تدوس عليه هيفصل وتشتغل مروحه بس
ولما تدوس زرار تغير الهوا الداخل من خارج العربيه هيشتغل عادي

ياباشا اتبسط بالعربيه ومبروك عليك وربنا يديك خيرها ويكفيك شرها

[smalltoto10]

ربنا يكرمك يا غالي

[smalltoto10]

يجماعة المشكلة لسه موجوده وحصلت اكتر من مرة مؤخرا

ابقا ماشي ع الd الاقي والعربية اخده تالت ع سرعة 50 وفاجئه الاقي العربية بتنتش جامد أكنها هتنزل للتاني ومتنزلش والاربي ام يفضل يلعب جامد من 2 لـ 3 ورجلي خفيفة ع البنزين اساسا المفروض امشي ع التالت ومتعملش كيك ولو زودت بنزين او خففت بنزين بتنفضل موجوده شوية , بس لما اقلب الفتيس ستيب ترونيك الاقي الشاشة قدامي ع 3 والعربية تمشي مستريح ع ار بي ام 2 من غير تقطيع وارجع للتاني او اطلع للرابع من غير مشاكل

انا حجزت صيانة الف و قلتلهم ف التلفون على مشكلة الفتييس بس لسه الصيانة بعد 11 يوم

لو حد عنده معلومه يا ريت يفديني

[fadymohsen]

بص هى ممكن علشان الدواسه كهرباء وانت بتقل رجلك من غير ما تحس و الدواسه حساسه بيحصل القصه دى .. لو عاوز تطمن افصل كابل البطارية نص ساعه وركبه تانى كل كنترولات العربيه هتعمل ريسيت
واى سؤال تانى تحت امرك

لو سمحت يا استاز مهاب كنت عايز اسال يعني اية كيك داون
وشكرا

[tarek mattouk]

بالنسبة للتكييف .. بسيطة طول م انت عامل شدة البرودة علي AC max . مش هيطفي ..لو قللتها اي درجة هيطفي و يشتغل معاك مروحه عادي ..

ونصيحة اكشف علي السوفت وير عشان الفتيس وانت ف التوكيل ممكن تكون حاجة بسيطة جدا .. و الف مبرووك