السيراتو بقت تحك ف المطبات

[aif]

السيراتو حاسس انها بقت تحك في المطبات بشكل غير طبيعي خصوصا من الناحية اليمين
انا اصلا ح اروح الصيانة كمان اسبوع او اتنين
ايه اللي ممكن يكون سبب الحكة ف المطبات
واشمعنى الناحية اليمين
سيراتو 2011 هاي لاين
انا غيرت الكاوتش والجنوط من سنة
كانت 17 وركبت 15
لكن ركبت نفس الكاوتش اللي بتنزل بيه السيراتو جنط 15 من بلادها
وماشعرتش ان العربية واطية غير قريب
والمفروض ان ارتفاع السيارة يكون متغيرش لأن قطر العجلة ثابت

[shiko85]

ممكن تكون مشكله فالمساعدين او السوست او علبه شكمان او ضغط الهواء فالكاوتش مش مظبوط

[john55]

ممكن السوست ضعفت

[Deshahcoka]

وش المساعدين باي باي روح الحق فكه و شوفهم بدل ما يبوظو حجات تانيه

[J A G U A R]

هتلاقى السوسته والمساعد اليمين فيصو

[احمد المصرى]

اكشف علي المساعدين . العربيه عامله كام الف كيلو ؟؟؟؟

[aif]

العربية عاملة 34 الف بس

[احمد المصرى]

العربيه اعتقد مفهاش حاجه يا باشا بس اكيد المساعدين مش ذي لما كانت جديدة بس اكشف علي المساعدين احتياطي

[M!SHO]

هو كل الكيا كده ولا ايه ، البيكانتو نفس الكلام رغم انها نفس المطبات وعدد اللي راكبين اقل كمان وعامله 41 الف كم

أنا حاسس أن المساعدين تعبت

[adelghanem]

المساعدين
انا لقيت مساعد ضارب وغيرته
فى صيانه 30 الف
كيا كارينز

[aif]

هو المساعدين لو بايظين ممكن يتغيرو ف الضمان ؟؟
وهل ضمان المساعدين 5 سنوات او 60 الف بردو

[adelghanem]

انا غيرت المساعدين على حسابى
ولما سالت دول فى الضمان قالى
لا ودفعت 1550تمنهم فى ابو حته
بالغردقه وبعدين عرفت ان فى اعضاء
هنا فى المنتدى غيروهم على الضمان
فى القاهره..
فعلشان كده لازم تصر انهم فى الضمان
ومتدفعشى اى قرش.
انا مشكلتى انى فى محافظه تانيه ومش
فاضى اروحلهم اشوف ليه عندهم مش فى
الضمان.

[aif]

انا غيرت المساعدين على حسابى
ولما سالت دول فى الضمان قالى
لا ودفعت 1550تمنهم فى ابو حته
بالغردقه وبعدين عرفت ان فى اعضاء
هنا فى المنتدى غيروهم على الضمان
فى القاهره..
فعلشان كده لازم تصر انهم فى الضمان
ومتدفعشى اى قرش.
انا مشكلتى انى فى محافظه تانيه ومش
فاضى اروحلهم اشوف ليه عندهم مش فى
الضمان.

شكرا للتنبيه
انا راجعت الضمات مغيش اي اشارة ان المساعدين خارج الضمان
يعني مفروض انهم ضمان 5 سنوات او 100 الف كيلو
باكرر شكري