عشان مبقاش ندل تقرير 1000 كيلو لسيراتو

[ايهاب مأمون]

اول حاجه العربيه 2015 هاى ﻻين خليجى

اشتريت العربيه من سمير ريان واول ما مشيت بطلت منى بنزين تحت فى الشارع فرجعتلهم وزعقت فجابولى جركن بنزين 4 لتر حطيتو ومشيت العربيه وبعدين فولتها

وانا ماشى كانت كل حاجه تمام بس كنت حاسس بصوت الكاوتش عالى اوى فعملتو نتروجين الصوت قل شويه بس لسه موجود

رخصت العربيه واول يوم رايح فيه الشغل على اول الشارع اللى فيه الشغل لقيت العجله اليمين ورا نامت على الجنط فغيرت اﻻستبن ورحت اعملها لقيت فيها قطع فى الجنب وقالى مش نافعه تانى فعملتها اى حاجه والسﻻم وخلتها استبن يعنى نوع الكوتش سئ جدا العربيه مكنتش عملت 300 كيلو وفرده كاوتش باظت منى وربنا يستر على الباقى بقيت ماشى بحسس على الكوتش خايف لفرده تنام تانى

تانى يوم قاعد فى العربيه والعربيه واقفه ومركونه تمام عيل صغير ماشى بعجله وقع على جنب العربيه خربشلى الجنب

مشت الف كيلو ورحت عملت صيانه وغيرت الزيت امبارح حسيت ان استهﻻك العربيه للبنزين قل شويه والسحب زاد اﻻستهﻻك كان 8 ونص بقى 8 بس


دا اللى حصل معايا فى الفتره دى وتقيمى بقى للعربيه

العربيه تحفه شكل وسحب ومنظر خارجى وصالون وكماليات بجد مش ندمان انى اشتريتها بالعكسة كل يوم بحمد ربنا انى اخترتها

بس حاسس ان العفشه مش كويسه بدب منى وبتخلينى ﻻزم احسس عليها

صوت المتور عالى الى حد وخصوصا لما بزود بحس انى راكب ميكروباص من صوت الموتور

الفرامل عاديه محستش معاها بأى فرق

الثبات لسه مجربتوش عشان انا مزوتش عن ال 120

ده تقيمى ليها مع العلم انى كنت راكب ﻻنسر قبلها وقبلها فرنا ولو حد عايز يستفسر عن اى حاجه يتفضل

[omar_saad]

ربنا يباركلك فيها و يكفيك شرها

[mr.moustafa]

اول حاجه العربيه 2015 هاى ﻻين خليجى

اشتريت العربيه من سمير ريان واول ما مشيت بطلت منى بنزين تحت فى الشارع فرجعتلهم وزعقت فجابولى جركن بنزين 4 لتر حطيتو ومشيت العربيه وبعدين فولتها
عالم معفنة

وانا ماشى كانت كل حاجه تمام بس كنت حاسس بصوت الكاوتش عالى اوى فعملتو نتروجين الصوت قل شويه بس لسه موجود
عيب صوت الكاوتش ده معروف

رخصت العربيه واول يوم رايح فيه الشغل على اول الشارع اللى فيه الشغل لقيت العجله اليمين ورا نامت على الجنط فغيرت اﻻستبن ورحت اعملها لقيت فيها قطع فى الجنب وقالى مش نافعه تانى فعملتها اى حاجه والسﻻم وخلتها استبن يعنى نوع الكوتش سئ جدا العربيه مكنتش عملت 300 كيلو وفرده كاوتش باظت منى وربنا يستر على الباقى بقيت ماشى بحسس على الكوتش خايف لفرده تنام تانى
انت اللي غلطان انك مشيت عليها لحد ما نامت على الجنط و قطع الكاوتش و ده مالهوش علاقة بجودة الكاوتش

تانى يوم قاعد فى العربيه والعربيه واقفه ومركونه تمام عيل صغير ماشى بعجله وقع على جنب العربيه خربشلى الجنب
قدر الله و ما شاء فعل ، طلع حاجة لله

مشت الف كيلو ورحت عملت صيانه وغيرت الزيت امبارح حسيت ان استهﻻك العربيه للبنزين قل شويه والسحب زاد اﻻستهﻻك كان 8 ونص بقى 8 بس
طبيعي تحسن الأداء بعد 1000 كيلو و لسه كمان بعد 5000 كيلو

دا اللى حصل معايا فى الفتره دى وتقيمى بقى للعربيه

العربيه تحفه شكل وسحب ومنظر خارجى وصالون وكماليات بجد مش ندمان انى اشتريتها بالعكسة كل يوم بحمد ربنا انى اخترتها
ربنا يباركلك فيها و الف مبروك

بس حاسس ان العفشه مش كويسه بدب منى وبتخلينى ﻻزم احسس عليها
انت الجنط بتاعك مقاسه كام ؟؟ عموما انا جنط 15 و العفشة معقولة جدا

صوت المتور عالى الى حد وخصوصا لما بزود بحس انى راكب ميكروباص من صوت الموتور
العزل معايا جيد في الحقيقة مش للدرجة اللي بتقولها كده

الفرامل عاديه محستش معاها بأى فرق

الثبات لسه مجربتوش عشان انا مزوتش عن ال 120

ده تقيمى ليها مع العلم انى كنت راكب ﻻنسر قبلها وقبلها فرنا ولو حد عايز يستفسر عن اى حاجه يتفضل

[ايهاب مأمون]

انا ممشتش على الكاوتش بعد ما نام وبعدين القطع فى الجنب ومفيش خرم غيرو

انا مقاس الجنط بتاعى 17

[Mohamedjetta]

الجنط 17 لازم يخلي العفشه تدب منك
ومبروووووووك ع العربيه وربنا يبارلك فيها ويحميها من كل سوء

[Ibrahim Nabil]

استاذ ايهاب ربنا يباركلك فيها يارب ويصرف عنك الشرور،، محتاج منك بعد اذنك نصيحه لانى معايا لانسر وبفكر اجيب السيراتو ، فياريت تقولى هل فى فرق ملحوظ فى المشى والثبات بينها وبين اللانسر ،مع العلم انى عارف ان فيه فرق شاسع فى الكماليات والتكنولوجيا بس انا يهمنى بردو الثبات والاعتماديه لانى بسافر كتير واشكرك

[ahm.mega007]

انا فعلا صوت الماتور عندى غريب لما بشد بحس أنها ماشيه من غير فلتر هواء

[Mohamedjetta]

استاذ ايهاب ربنا يباركلك فيها يارب ويصرف عنك الشرور،، محتاج منك بعد اذنك نصيحه لانى معايا لانسر وبفكر اجيب السيراتو ، فياريت تقولى هل فى فرق ملحوظ فى المشى والثبات بينها وبين اللانسر ،مع العلم انى عارف ان فيه فرق شاسع فى الكماليات والتكنولوجيا بس انا يهمنى بردو الثبات والاعتماديه لانى بسافر كتير واشكرك

بابا كان عنده لانسر بومه2008 1300cc و انا عندي النترا 2010 و فيه فرق بينهم سواء تكنولجيا او ثبات و اعتماديه جدا و السحب كمان و العزل و كله
تخيل بقي حضرتك لو ركبت السيراتو 2015 ولا الالنترا الفيس ليفت يعني اكيد هتتوهم

[J A G U A R]

بابا كان عنده لانسر بومه2008 1300cc و انا عندي النترا 2010 و فيه فرق بينهم سواء تكنولجيا او ثبات و اعتماديه جدا و السحب كمان و العزل و كله
تخيل بقي حضرتك لو ركبت السيراتو 2015 ولا الالنترا الفيس ليفت يعني اكيد هتتوهم

معقوله النترا اثبت من لانسر ..

[J A G U A R]

الف مبروك يا باشا
وواحده واحده فى المطبات

[Mohamedjetta]

معقوله النترا اثبت من لانسر ..

اه يا باشا اثبت منها بمراحل بس من خلال بحثي في المنتدي اللي فهمته ان 1300 مفهاش حاجه في العفشه بيخليها ثابته عكس 1600 فيها القطعه دي ومديها ثبات
بس ولله الالنترا برقبه لانسر 1300cc و خساره فيها كلمه ياباني
معلش حضرتك لما تضرب فرامل علي 100 في ملف و تلاقي العربيه بتعوم يبقي اسمه ايه و لما تبقي ماشي في مطر و انت بتاخد الدوار تلاقي العربيه عامت و لما تضرب فرامل جامد تلاقي العربيه بتصرخ و لما بتجري 150 في طرق الخليج النضيفه وتلاقي العربيه نطت من حاره لحاره و علي فكره مره بابا عمل بيها حادثه بسبب شويه ميه في الارض و العربيه قعدت تعوم منه لما يجبها يمين تقوم رايحه شمال وقام خابط في الحديد وهو من يومها قفل منها وجمركها وقفل منها اكتر واكتر وقام باعها في مصر من سنتين ب 78 الف
لما ركب الالنترا قالي خساره في لانسر دي كل قرش وياريتني كنت جبت الالنترا وقتها بس لاسف اتخدع في كلمه ياباني
بس طبعا مقدرش انكر مميزات لانسر زي الاعتماديه الرهيبه جدا دي استحملت مننا قرف و سافرنا بيها بري مرتين يعني اتمرمت و برضو كانت اصيله جدا والعربيه كانت ماشيه 140 الف وكل اللي غيرته حاجات استهلاكيه فقط

[El Prince]

1000 1000 مبروك

[J A G U A R]

اه يا باشا اثبت منها بمراحل بس من خلال بحثي في المنتدي اللي فهمته ان 1300 مفهاش حاجه في العفشه بيخليها ثابته عكس 1600 فيها القطعه دي ومديها ثبات
بس ولله الالنترا برقبه لانسر 1300cc و خساره فيها كلمه ياباني
معلش حضرتك لما تضرب فرامل علي 100 في ملف و تلاقي العربيه بتعوم يبقي اسمه ايه و لما تبقي ماشي في مطر و انت بتاخد الدوار تلاقي العربيه عامت و لما تضرب فرامل جامد تلاقي العربيه بتصرخ و لما بتجري 150 في طرق الخليج النضيفه وتلاقي العربيه نطت من حاره لحاره و علي فكره مره بابا عمل بيها حادثه بسبب شويه ميه في الارض و العربيه قعدت تعوم منه لما يجبها يمين تقوم رايحه شمال وقام خابط في الحديد وهو من يومها قفل منها وجمركها وقفل منها اكتر واكتر وقام باعها في مصر من سنتين ب 78 الف
لما ركب الالنترا قالي خساره في لانسر دي كل قرش وياريتني كنت جبت الالنترا وقتها بس لاسف اتخدع في كلمه ياباني
بس طبعا مقدرش انكر مميزات لانسر زي الاعتماديه الرهيبه جدا دي استحملت مننا قرف و سافرنا بيها بري مرتين يعني اتمرمت و برضو كانت اصيله جدا والعربيه كانت ماشيه 140 الف وكل اللي غيرته حاجات استهلاكيه فقط

انا عن نفسى افضل النترا عن لانسر
اكيد تقصد عمود الاتزان
طب على كده بقى 1600 هاتبقى اثبت من النترا ولا ايه ..

[Mohamedjetta]

انا عن نفسى افضل النترا عن لانسر
اكيد تقصد عمود الاتزان
طب على كده بقى 1600 هاتبقى اثبت من النترا ولا ايه ..

اعتقد مش فاكر لاني خبرتي في العفشه والحاجات دي قليله
مش عارف ولله يمكن اه ويمكن لا ..... انا حاسس ان ثباتهم زي بعض
انا ركبت اوبترا مره بتاعت صاحب اخويا وبسم الله ماشاء الله مشيت بيها بسرعه 180 كم/س و كانت بالنسبالي ثابته و انا كنت هجبها بس حسيت ان التابلوه فقير اويء و خامته وحشه و مفهاش اي كماليات و لا اي رفاهيه قومت جايب الالنترا و الحمدلله حلوه و ثباتها حلو بس مش زي الاوبترا يعني فارق ضئيل لصالح الاوبترا
انا كنت عامل موضوع في شيفروليه ان عربيه صاحب اخويا الفتيس بتاعها باظ و الحمدلله هو صلحه بس لاسف نسيت ادخل واطمن الناس في القسم
تحياتي

[J A G U A R]

اعتقد مش فاكر لاني خبرتي في العفشه والحاجات دي قليله
مش عارف ولله يمكن اه ويمكن لا ..... انا حاسس ان ثباتهم زي بعض
انا ركبت اوبترا مره بتاعت صاحب اخويا وبسم الله ماشاء الله مشيت بيها بسرعه 180 كم/س و كانت بالنسبالي ثابته و انا كنت هجبها بس حسيت ان التابلوه فقير اويء و خامته وحشه و مفهاش اي كماليات و لا اي رفاهيه قومت جايب الالنترا و الحمدلله حلوه و ثباتها حلو بس مش زي الاوبترا يعني فارق ضئيل لصالح الاوبترا
انا كنت عامل موضوع في شيفروليه ان عربيه صاحب اخويا الفتيس بتاعها باظ و الحمدلله هو صلحه بس لاسف نسيت ادخل واطمن الناس في القسم
تحياتي

الاوبترا ما شاء الله ثابته
وبالعكس التقفيل والخامات فيها اكثر من ممتازه
بس تابلوه النترا اشيك

ومبروك تصليح الفتيس