اشتريت كيا ريو 2015

[anasshady]

السلام عليكم ورحمة الله وبركاته
اشتريت كيا ريو 2015 الخليجي المفروض تكون اعلى فئة
فتحة سقف و سينسور خلفي و فوجات امامية و2 ايرباج و مفتاح بصمة وبلوتوث وتحكم في الطارة وجنط 17
كنت عايز اعرف في ريو خليجي فيها ليدات في الفوانيس الامامية والخلفية ولا لأ ؟
وهل السعر اللي اشتريت بيه كويس ولا لأ 143 الف ؟
وموضوع الايموبلايز اعرف هو موجود في العربية ولا لأ ازاي ؟
والف شكر ليكو على اهتمامكو

[Mohamed_Ayman]

ألف مبرووك

- معتقدش فى ريو ليدات بس مش متأكد
- السعر كويس
- علامة مفتاح أصفر بتنور فى التابلوه

[a.said.awaada]

الف مبروك عليك يا باشا ..الليدات كانت بتنرل في التوب لاين 2014 و معدتش بتنزل ...والسعر ممتاز ..جايبها منين

[anasshady]

ألف مبرووك

- معتقدش فى ريو ليدات بس مش متأكد
- السعر كويس
- علامة مفتاح أصفر بتنور فى التابلوه

اه في علامة عربية وفيها مفتاح اصفر في التابلوه

[anasshady]

الف مبروك عليك يا باشا ..الليدات كانت بتنرل في التوب لاين 2014 و معدتش بتنزل ...والسعر ممتاز ..جايبها منين

الله يبارك فيك يا باشا انا جايبها من معرض القرش فرع الميرغني

[M.A.E]

يا باشا الف الف مبرووووووك ....ربنا يرزقك خيرها و يكفيك شرها ....

انا بصراحه مش عارف اي حد بيقرر يجيب عربيه بيوصل للقرار ازاي ...انا ليا يجي 6 شهور عاوز اجيب عربيه و

محتار حيرة السنين ..كل يومين بحاله ...

انا ليا عند حضرتك سؤالين ..بس معلش استحملني عشان انا لسه جديد في المنتدي ودي اول مشاركه

ليا... .....

1- حضرتك اشمعنا اخترت الريو... انا مؤخرا محتار جدا بينها و بين ال 301 الهاي لاين ....

2-اانا بصراحه مش عارف ايه حوار الخليجي و التوكيل ... بس اللي ملاحظه ان الخليجي بيبقي فيه امكانيات

اكتر و سعر اقل ... بس مفيش عليه ضمان .. ومش عارف دي تعتبر مغامره و لا ايه؟؟؟

معلش هاتقل عليك بس يا ريت متتاخرش عليا في الاجابه عشان انا دماغي هاتتفرتك من الحيره...لدرجة ان

انا قلت هاشتري اي حاجه و خلاص عشان اخلص من الصداع ده

[anasshady]

يا باشا الف الف مبرووووووك ....ربنا يرزقك خيرها و يكفيك شرها ....

انا بصراحه مش عارف اي حد بيقرر يجيب عربيه بيوصل للقرار ازاي ...انا ليا يجي 6 شهور عاوز اجيب عربيه و

محتار حيرة السنين ..كل يومين بحاله ...

انا ليا عند حضرتك سؤالين ..بس معلش استحملني عشان انا لسه جديد في المنتدي ودي اول مشاركه

ليا...:zb_sor1[1]: .....

1- حضرتك اشمعنا اخترت الريو... انا مؤخرا محتار جدا بينها و بين ال 301 الهاي لاين ....

2-اانا بصراحه مش عارف ايه حوار الخليجي و التوكيل ... بس اللي ملاحظه ان الخليجي بيبقي فيه امكانيات

اكتر و سعر اقل ... بس مفيش عليه ضمان .. ومش عارف دي تعتبر مغامره و لا ايه؟؟؟

معلش هاتقل عليك بس يا ريت متتاخرش عليا في الاجابه عشان انا دماغي هاتتفرتك من الحيره...لدرجة ان

انا قلت هاشتري اي حاجه و خلاص عشان اخلص من الصداع ده

انا هقول لحضرتك حاجة انا لما بفكر اشتري اي عربية بشوف الاول سوقها في البيع والشراء اخباره ايه واكيد الكيا في البيع احسن بكتير من البيجو
تاني حاجة قطع غيار البيجو اعتقد انها دايما عالية اوي عن تجربتي مع 307
ثالث حاجة الريو شكلها حلو بصراحة وامكانيتها معقولة جدا
والكيا عامة قطع غيارها موجوده في كل الاماكن
بالنسبة لموضوع الوكيل و الخليجي حضرتك ممكن تشتري ضمان ب 2500 لمدة 3 سنوات او 60 الف كيلو (انا عن نفسي عملت كده)
واعتقد بين الخليجي الهاي لاين والوكيل الهاي لاين الفروق في الكماليات مش كتير ممكن الوكيل فيها فرض جلد والتانية مفهاش ومش عارف ايه تاني بصراحة بس فرق السعر بينهم كبير اعتقد في حدود 9000 جنيه انا حبيت الخليجي اكتر و الثبات بتاعها حلو جدا علشان الهاي لاين جنط 17 وفيها كل الاوبشن
ده رأي واكيد باقي الاعضاء عندهم خبره اكتر مني ممكن يفيدونا برده بارأهم
اسف لو كنت طولت عليك

[yasser27488]

الف مبروك
و سعرها ده حتى قليل عن اللي شوفتها عندي فبورسعيد عامله 146

[M.A.E]

يا باشا الف شكر علي سرعة الرد...

بس المشكله اني قريت مقارنات علي المنتدي هنا بين الريو و ال 301 و اغلبها كان لصالح ال 301 .. بس انا بصراحه شكلها

من جوه مش عاجبني اوي " التابلوه و العدادات " ...ممكن تكون من بره شكلها افخم بس من جوه بصراحه لا..

الحاجه التانيه ان انا من سوهاج و كل صيانه البيجو في التوكيل و المراكز المعتمده بالنسبه لي سفر .زز ممكن الكيا

نفس الحكايه بس الكيا اعتقد انها ابسط من البيجو في الصنايعيه بقوا يفهموا فيها...

بس بصراحه مشكلتي مع الريبو الهاتش باك اني حاسس ان الكنبه اللي ورا ضيقه شويه ..بالاضافه ان فيه كلام عن

الثبات بتاعها ع السرعات العاليه ... ايه راي حضرتكفي الكلام ده ...

و مره تانيه شكرا جدا علي سرعة الرد...

[anasshady]

يا باشا الف شكر علي سرعة الرد...

بس المشكله اني قريت مقارنات علي المنتدي هنا بين الريو و ال 301 و اغلبها كان لصالح ال 301 .. بس انا بصراحه شكلها

من جوه مش عاجبني اوي " التابلوه و العدادات " ...ممكن تكون من بره شكلها افخم بس من جوه بصراحه لا..

الحاجه التانيه ان انا من سوهاج و كل صيانه البيجو في التوكيل و المراكز المعتمده بالنسبه لي سفر .زز ممكن الكيا

نفس الحكايه بس الكيا اعتقد انها ابسط من البيجو في الصنايعيه بقوا يفهموا فيها...

بس بصراحه مشكلتي مع الريبو الهاتش باك اني حاسس ان الكنبه اللي ورا ضيقه شويه ..بالاضافه ان فيه كلام عن

الثبات بتاعها ع السرعات العاليه ... ايه راي حضرتكفي الكلام ده ...

و مره تانيه شكرا جدا علي سرعة الرد...

انا شايف الكنبة اللي ورا معقولة لما ناس بتكون راكبة معايا بيكونوا مستريحين
وبالنسبة للثبات العربية الثبات بتاعها كويس جدا انا جربتها على غرز فوق 150 كانت كويسة جدا
وكمان الجنط عندي 17 وده مساعد جدا على الثبات كمان

[smalltoto10]

ثبات العربية ممتاز انا معايا وكيل اول فئة جنط 15 حديد بطاسة وعملت غرز فوق الـ 150 من غير اى خوف مبالك من الجنط الـ 17

عامه انا شايف ان الوكيل هيبقا احسن ف موضوع الاستهلاك انا لسه معملتش صيانة الالف واستهلاك البنزين 8 لتر / 100 كيلو واعتقد ده حلو بس فى المقابل السوفت وير مخلي العربية نايمة شوية معاك لازم تتقل رجلك شوية صغيرة ع البنزين لو عاوز تمشي بسرعة غير كدا العربية بتاخد الرابع بدري اوي وبتنام

[mr.moustafa]

مبرووووووك من الاعماق والى الامام وبالتوفيق يارب

[Mohamed_Ayman]

اه في علامة عربية وفيها مفتاح اصفر في التابلوه

يبقى كدا تمام

[darwich.1024]

الف مبروك علي العربية وربنا يباركلك فيها

السؤال هنا ! الضمان لما بتشتريه ب 2500 بيحصل ايه ؟ يعني بيعملوا كشف علي العربية الاول ويقولوا ليك كدا العربية تمام مفيهاش مشاكل واحنا هانديك ضمان ولا العملية بتمشي ازاي ؟
وهما بيساعدوك في ايه عشان انا شايف ان حتي الوكيل محدش بيعرف ياخد منه حق ولا باطل :) !!

اخر سؤال بالنسبة للتأمين ؟ انا اخويا معاه عربية ومأمنش عليها وبيقولي ان الموضوع دا سرقة عشان بردو محدش بيعرف ياخد حق ولا باطل من شركات التأمين وانا شوفت كذا حادثة والناس بتستعوض ربنا فيها ؟

[prooo]

الف مبرووك وربنا يديك خيرها ويكفيك شرها ........ واي استفسار انا في الخدمه ..... ملحوظه بس ثبات الهاتش باك بيبقى اعلى من ثبات السيدان في عربيه عموما .....