تركيب abs فى التوكيل

[nagy wassef]

عندى كيا ريو هاتشباك خليجى اول فئة
كلمت سألت على تركيب abs تبع AAA قالولى فى حدود 20000
انبسط قوى قوى قوى
جارى معاه تويوتا كرولا 1993 ركبه استيراد كلفه حوالى 4000 فقط
موديل 1993
طب اشمعنا انا؟
هل ممكن اجيبه من مكان عنده قطع غيار جديد و اركبه عند حد بيفهم؟
او لو ملقتش جديد اجيبوا استيراد؟ طب اركبه فين؟
طبعا لو كان معايا اجيب الفئة اللى فيها كنت ريحت دماغى بس الظروف
مفيش حل؟

[DEVIL333]

لاضافة abs
يتم تركيب كنترول – تركيب حساسات
نظام الفرامل بالكامل ويشمل تغيير مواسير الفرامل – تغيير صرة عجل امامى وخلفى – تغيير (وحدة تحكم) كنترول السيارة – تغيير لوحة العدادات – تغيير ضفائر الكهرباء

[khaledazizeg]

لاضافة abs
يتم تركيب كنترول – تركيب حساسات
نظام الفرامل بالكامل ويشمل تغيير مواسير الفرامل – تغيير صرة عجل امامى وخلفى – تغيير (وحدة تحكم) كنترول السيارة – تغيير لوحة العدادات – تغيير ضفائر الكهرباء

كلام حضرتك سليم وكمان مش اى حد يركبه عشان ماتعملش مشاكل وقرف معاك فنصيحه لو محتاجه اوى غير العربية احسن

[DEVIL333]

حضرتك تكلفة التركيب هتكون اغلى من سعر العربية انصح حضرتك بتغير السيارة افضل

[nagy wassef]

متشكر جدا لردودكم
طب اشمعنا جارى ركبه عادى

[تامر راغب]

الله أعلم بحالة الفرامل معاه
وماتنساش عربيته قديمة شوية
يعنى ممكن يرضى برزعها وشوية
مشاكل فيها انت مش هترضى عنها



ريح نفسك وياتخليك زى ماانت ياتبيع العربية

[nagy wassef]

مقدرش ابيعها داحنا لسه جايبنها دى 2015
بس انا مكنتش متخيل ان الفرق فى الفرامل كبير كده
انا اصلى بقالى مدة ماسقتش عربية بدون abs فا كنت نسيت
و انا اساسا معيش فرق الفلوس للفئة الاعلى لو كان معايا كنت جبتها من الاول
امرى لله
هاستنى لما الضمان يخلص (سنتين) بعد كده ابتدى انخرب عليه برا الضمان
اجيبه استيراد اكيد هيبقى ارخص
متشكر جدا لاهتمامك

[mr.moustafa]

تركيب abs لعربية مش مصممة ليه اصلا بتبقى صعبة جدا و مكلفة جدا و بصراحة انا مستغرب ان التوكيل بيعملها !! انت سألت فين بالضبط ؟؟؟
بالنسبة لصاحبك ممكن تكون عربيته كان فيها اصلا قديم و خربان او اتعملت شغل حبشتكة كده و ممكن يعمل مشاكل اكتر من فايدته

[nagy wassef]

سالت فى aaa
و بالنسبة لجارى عربيته ماكنش فيها اساسا ولا فى اى تويوتا كرولا فى مصر
دا واحد معرفته جبهوله من برا مصر و اتركب من الالف للياء
و بيقوللى شغال زى الحلاوة
حظوظ :)

[mr.moustafa]

سالت فى aaa
ايوه كده ، يعني مش التوكيل لأن التوكيل مستحيل يعمل كده
و بالنسبة لجارى عربيته ماكنش فيها اساسا ولا فى اى تويوتا كرولا فى مصر
دا واحد معرفته جبهوله من برا مصر و اتركب من الالف للياء
و بيقوللى شغال زى الحلاوة
ايه اللي جابه من بره ؟ تقصد جهاز abs نفسه ؟ طب انت لما سألت في aaa كانت التكلفة ديه للمصنعية بس ؟
حظوظ :)

[nagy wassef]

تكلفة الليلة كلها

[ashouhdy]

هو انت فاكر يا سيدى الفاضل ان aaa دة ضمان !!

خدعوك فقالوا

اسحب فلوسك واعمل تأمين شامل

[nagy wassef]

سيدى الفاضل: زميلى فى الشغل غير فى ضمان Aaa فتيس كامل Dsg
لسيارة جيتا 2010

[ashouhdy]

سيدى الفاضل: زميلى فى الشغل غير فى ضمان aaa فتيس كامل dsg
لسيارة جيتا 2010

عجيبة نفس الشركة رفضت تغيير نفس الفتيس لنفس العربية لزميلي برضوا وقالولوا خد فلوسك اللى دفعتها ضمان !!

مستحيل !

[nagy wassef]

هاهاهاها
ايه الصدفة السعيدة ديه؟
نفس الفتيس لنفس العربية!!!!!! سبحان الله
اكيد نفس لون العربية كمان
و اكيد راح فى نفس اليوم كمان Lol
و قالولوا مش هنغير حاجة و خد فلوس الضمان!!!!!!
لا تعليق
بقولك ايه: زميلى اسمه محمد هو دلوقتى فى الكويت كلمه اتأكد منه و متضايقش نفسك
رقمه 0096555297190
و لو زميلك مش عارف ياخد حقه معلش يبقى يشوف حد يجيبله حقه