الي كل مالكي السيراتو الجديده

[borio1704]

شكرا ل مشاركتك

بس رايك اجيبها وكيل ولا خليجي افضل ولا الاتنين واحد

مش قادر أفتي بصراحة لإني عايش في السعودية.. ومن ساعة ما السيراتو الجديدة نزلت وأنا بره مصر

بس اللي شايفه من المواضيع هنا في المنتدى إن المصري فئاته أحسن.. وبالتالي تقدر تنزل بالفئة وتاخد حاجة كويسة بردو حسب احتياجاتك.


خليك في الوكيل.. على الأقل انت كده عارف مصدر العربية ومعندكش مشاكل في الضمان كمان.



...

[borio1704]

انا مش فاهم النقطه دى, الكورولا بـ 227 الف يعنى اغلى من الأسترا !!!!

أغلى من أنهي آسترا؟؟؟ البيزك؟؟


عموما.. أنا شخصيا ما بعتبرش الأوبل ألماني 100%.. لإن الفكر المسيطر عليها هو فكر جنرال موتورز.. ودول أجارك الله منهم.


ألماني بجد يعني فولزفاجن.. أودي.. مرسيدس.. Bmw.. بورش

شوف دول أسعارهم كام



...

[mr.moustafa]

السيراتو ممتازة في كل حاجة حتى سعر قطع الغيار نسبيا عادية مش غالية

[shiko85]

أغلى من أنهي آسترا؟؟؟ البيزك؟؟

لا مش الأنجوى هى اغلى من الكوزمو كمان

[echo7]

هو غريب شوية إن حضرتك تكتب عنوان الموضوع "إلى مالكي السيراتو الجديدة".. وكل اللي ردوا محدش منهم معاه العربية!!!!

طيب..

عموما.. العربية مميزة جدا في إمكانياتها... ومقارنة بالعربيات اللي في نفس الفئة بتاعتها دلوقتي ممكن نقول إنها تعتبر من أفضل الخيارات حاليا

يعيبها من وجهة نظري الآتي:

علشان تستمتع بيها فعلا وتحس إنها مميزة لازم تجيب الهاي لاين أو الفئة اللي قبلها مباشرة.. يعني مضطر تدفع زيادة كتير شوية

استهلاك البنزين فيها أعلى شوية من منافسينها .. بس هو هو نفس استهلاك الإيلانترا .. لإنهم نفس العربية في الآخر.

الفوانيس الليد فعلا غالية جدا .. بس ليهم رونق لا يعلى عليه.. والغاوي ينقط بطقيته

في المقابل... مزاياها كالتالي:

موتور قوي بالنسبة للفئة بتاعته 130 حصان

قاعدة عجلات هي الأطول في فئتها... يعني مسافة كبيرة جدا للجالسين في الخلف

العفشة متوازنة بشكل كبير... يعني مش ناشفة زي الشكل القديم... ولا طرية تحسسك إنها سايبة

ثبات العربية أنا شخصيا بعتبره كويس جدا.. بس أكيد ليه حدود... يعني أنا مثلا بمشي 120 ومش بحس إني أصلا ماشي بسرعة.. وجربت أوصل لحد 160 ومفيش أي إحساس بالقلق (على الطوالي طبعا)

الفئات العالية فيها شوية أوبشنز مش موجودة في أي عربية منافسة.. كفاية نقل السرعة من الدركسيون والباور اللي تقدر تتحكم في قوته.. وكمان الكراسي المكيفة والتكييف الخلفي... ولا حاجة من دي موجودة عند أي عربية منافسة ليها في مصر.

طبعا.. عوامل السلامة فيها كويسة جدا .. بس في الفئات العالية بس... عندك ESP .. ABS.. وكمان 6 إيرباجات

أنا شخصيا معايا فئة الـex.. بس هي هنا مختلفة عن الموجودة في مصر (أقل منها كتير للأسف).. ومع ذلك مبسوط بيها جدا.. ولو كانت الأمور مستريحة ماديا أكتر شوية كنت أكيد هجيب الهايلاين.


توكل على الله وهاتها.. مش هتندم



...

متفق معاك في كل الي قلته بس لا يوجد esp والايرباج 2 فقط مش 6 والكراسي غير مكيفه.استهلاك البنزين مش عالي الا لو رجليك تقيله علي البنزين.انا شاري اس اكس بفتحه سقف وعامل بالعربيه 680 كيلو والاستهلاك 8.5 لتر لكل 100ك

[migoph]

متفق معاك في كل الي قلته بس لا يوجد esp والايرباج 2 فقط مش 6 والكراسي غير مكيفه.استهلاك البنزين مش عالي الا لو رجليك تقيله علي البنزين.انا شاري اس اكس بفتحه سقف وعامل بالعربيه 680 كيلو والاستهلاك 8.5 لتر لكل 100ك

بقولك
عربيتك sx خليجي ولا وكيل
وايه رايك فيها

لاني ناوي عليها باذن الله

معاك من امته و كنت جايبها بكم

وشكرا

[الجنرال]

برجاء المشاركه لاني محتار اجيبها ولا اخليني زي ما انا معايا سيراتو ٢٠١٠

انا معايا السيراتو الجديدة اللى انت عايز تجيبها .. واخويا معاه السيراتو الشكل اللى قبلها

نصيحة لوجهة الله بجد ومن غير مجاملة .. مفيش فرق بين اللى معاك والشكل الجديد غير في بعض الكماليات البسيطة اللى ممكن تتنازل عنها في مقابل انك متدفعش كتير جدا

بمعنى

لما بركب عربية اخويا .. واركب عربيتي .. مفيش اي فرق نهائي غير في الشكل .. والعفشة ناعمة حاجة بسيطة

غير كده .. مفيش اي تجديد في العربية وهتحس ان مفيش فرق

نصيحة بجد .. خليك فى العربية اللى معاك لو مش مضايقاك

ولو عايز تغير ومستعد تدفع رقم كبير .. غير وهات حاجة تانية غير السيراتو

[alrazy]

عاوز من فضلكم كل الي معاه السيراتو الجديده يشارك

عاوز اشتري سيراتو ٢٠١٥

رأيكم في السياره دي ايه

اجيب خليجي ولا وكيل هل الخليجي فعلا افضل كمان معظم الخليجي مكتوب علي القايم بتاع الباب انها سعودي
وبالكشف علي رقم ال vin بتطلع عماني او عراقي ،،،،،،

،، ناوي علي الفئه هاي لاين او الي قبلها

برجاء المشاركه لاني محتار اجيبها ولا اخليني زي ما انا معايا سيراتو ٢٠١٠

معلش يا باشا هي العماني اي كلام ولا ايه لاني سمعت انها اعلي فئة في الخليجي

[Mohamed Bander]

بص علي الفلوانس

[migoph]

معلش يا باشا هي العماني اي كلام ولا ايه لاني سمعت انها اعلي فئة في الخليجي

الي عرفته ان السعودي والكويتي اعلي حاجه في الخليجي هذا والله اعلم

[saint2011]

السعودى والكويتى والعمانى دول مواصفات واحدة عشان مجلس تعاون خليجى

[Hosam_Optrawy]

هات وكيل الفئه القبل الأخيره سعرها حاليا 178

[echo7]

بقولك
عربيتك sx خليجي ولا وكيل
وايه رايك فيها

لاني ناوي عليها باذن الله

معاك من امته و كنت جايبها بكم

وشكرا

عربيتي sx srfوكيل الفئه الي قبل التوب لاين وشريها من شهر 182.5 لسه معملتش صيانه 1000 كيلو . العربيه رائعه و كويسه وموفره في البنزين لو انت من النوع الي مش بتاع شد ورجلك تقيله علي البنزين. مفيش اي عيوب ظهرت عندي في العربيه وعلي الرغم من الجنط 17 انا مبتعبش منها ذي عربيتي الي فاتت بس لازم تكون حزر جدا في الطرق المكسره و المطبات

[migoph]

عربيتي sx srfوكيل الفئه الي قبل التوب لاين وشريها من شهر 182.5 لسه معملتش صيانه 1000 كيلو . العربيه رائعه و كويسه وموفره في البنزين لو انت من النوع الي مش بتاع شد ورجلك تقيله علي البنزين. مفيش اي عيوب ظهرت عندي في العربيه وعلي الرغم من الجنط 17 انا مبتعبش منها ذي عربيتي الي فاتت بس لازم تكون حزر جدا في الطرق المكسره و المطبات

ربنا يبارك لك فيها و يحفظك

وعقبال ال ١٠٠٠٠٠ كيلو

[migoph]

عربيتي sx srfوكيل الفئه الي قبل التوب لاين وشريها من شهر 182.5 لسه معملتش صيانه 1000 كيلو . العربيه رائعه و كويسه وموفره في البنزين لو انت من النوع الي مش بتاع شد ورجلك تقيله علي البنزين. مفيش اي عيوب ظهرت عندي في العربيه وعلي الرغم من الجنط 17 انا مبتعبش منها ذي عربيتي الي فاتت بس لازم تكون حزر جدا في الطرق المكسره و المطبات

استفسار بما انك معاك وكيل sx
فيها زينون ولا نور عادي

اوضاع القياده لما بتغيرها رياضي و مريح و عادي وقت ما بتغيرها من التاره بتظهر علي شاشه الطبلون ملونه اصفر واخضر و كده بقصد الوضع وقت ما بتغيره

وشكرا