عاوز اشتري ساعه

[MoHaMeD MKM]

السلام عليكم

سيارتى سيراتو 2009 الشكل القديم ...

الموضوع وما فيه ان الساعه الي موجوده فى الطبلو مش موجوده عندى لما اشتريت السيارة كانت متشاله منها وقلت اجيب واحده جديده وسئلت عليها فى التوكيل لقتها ب 800 جنيه وقولت طبعا عنها ماركبت ففكرت اجيبها استيراد من الحرفين بس محدش هناك رضيه يبيعها لوحدها وكله بيقول بابيع الطبلو كله مع بعضه ... انا هاحط صورة الساعه وصورة السيارة وياريت لو حد يعرف يوفرلي بديل ليها يركب مكنها ياريت يقولي

[shiko85]

وعليكم السلام ورحمة الله وبركاته

دور على ebay او اشترى الوش كامل بتاع التكييف بالساعه
او الوش بتاع نيو اكسنت او النترا hd او اللى قبلها او ريو بس الأضاءه هتكون مختلف (لو عندك اخضر يبقى نيو اكسنت 2006 تقريبا) لو ازرق يبقى النترا hd
فيه حلول تانيه بس مش عمليه و شكلها مش هيكون كويس

[mr.moustafa]

طيب متابع

[shiko85]

هى الساعه دى ؟؟

[MoHaMeD MKM]

دي صورة العربية والصوره التانيه للساعه
شكرا ياجماعه على التفاعل

[MoHaMeD MKM]

وعليكم السلام ورحمة الله وبركاته

دور على ebay او اشترى الوش كامل بتاع التكييف بالساعه
او الوش بتاع نيو اكسنت او النترا hd او اللى قبلها او ريو بس الأضاءه هتكون مختلف (لو عندك اخضر يبقى نيو اكسنت 2006 تقريبا) لو ازرق يبقى النترا hd
فيه حلول تانيه بس مش عمليه و شكلها مش هيكون كويس

لو جبت بتاعة الاكسنت او الالنترا هتكون بكام تقريبا ؟؟

معلش انا اسف ولو في حلول تانيه ممكن زى ايه ؟

[shiko85]

لو جبت بتاعة الاكسنت او الالنترا هتكون بكام تقريبا ؟؟
انا مش عارف الأسعار (بس هتلاقيها مع الوش الكامل بتاع التكييف) و فيه كمان بتاعت الفيرنا و الأكسنت القديم و اللانوس
يعنى لو دورت على ساعات عربيات تانيه هتلاقى ارخص و اكتر و كلهم بيشتغلوا بنفس الفكره
معلش انا اسف ولو في حلول تانيه ممكن زى ايه ؟
تركب ساعه عاديه (بتتوصل على الولاعه او الكهربائى يعملها وصله مباشره بعيد عن الولاعه) و فيه منها اللى بحجاره (مش عمليه طبعا)
الساعات دى منها الكويس شكلا والسئ و للأسف المنتشر هو السئ
موجود فالتوفقيه الساعات دى اشكال كتير فيه منها المضئ و فيه منها العادى (بس زى ما قولت لحضرتك السئ هو اللى منتشر اكتر)
فيه اشكال زى دى















و فباب اللوق كنت بشوف ساعات ديجيتل بتشتغل بـ 12 فولت عند رام بتاع اللأكترونيات او النخيلى تقريبا
(فرأى الشخصى هى افضل اختيار لانها هتركب فمكان الساعه الأصليه - مضيئه - و ان شاء الله سعرها معقول)
(الأسعار مش عارف كام تحديدا لكن مش هتكون غاليه لان المكونات رخيصه)
على النت السعر حوالى من 10 لـ 13 دولار
اغلى واحده كانت (ساعه + درجه حراره) اول صوره دى كانت بـ 13 دولار و الباقى فحدود الـ 10 او 11 دولار



باقى اشكال الساعات

[ahmedspc]

الله عليك وعلى الأفكار التي ﻻ يمنعها حدود للابداع وشكرآآ ااا على المعلومات القيمة

[MoHaMeD MKM]

متشكر جدا جدا جدا ياباشا وعلى المجهود الرائع وبجد رد اكثر من ممتاز وتقريبا انت سبتش حاجه مقوتهاش . .. بس انا اسف برضه المشكله عندى مش الساعه نفسها المشكل عندى المكان نفسه ... لان انا لما جبت العربيه مكنش موجود فيها الساعه فتخيل انت خرم كبير فى الطبلو الي هو مكان الساعه وفاضي والسلك الي ورا الطبلو كله بيان من الفتحه بتاعت الساعه فالمشكله مشكلة مكان اكتر من وجود ساعه فكان الحل انى اجيب الساعه واركبها مكنها مش اكتر .... وتانى بشكر حضرتك جداااا

[shiko85]

متشكر جدا جدا جدا ياباشا وعلى المجهود الرائع وبجد رد اكثر من ممتاز وتقريبا انت سبتش حاجه مقوتهاش . .. بس انا اسف برضه المشكله عندى مش الساعه نفسها المشكل عندى المكان نفسه ... لان انا لما جبت العربيه مكنش موجود فيها الساعه فتخيل انت خرم كبير فى الطبلو الي هو مكان الساعه وفاضي والسلك الي ورا الطبلو كله بيان من الفتحه بتاعت الساعه فالمشكله مشكلة مكان اكتر من وجود ساعه فكان الحل انى اجيب الساعه واركبها مكنها مش اكتر .... وتانى بشكر حضرتك جداااا

العفو, الشكر لله وحده
انا كنت فاكر المشكله ان الساعه هى اللى مش موجده
على فكره الموضوع مش صعب زى ما حضرتك متخيل الوصلات مش هتبان خالص و مش هتخرم فالتابلوه المفروض مكان الساعه مقفول بجزء بلاستيك و بيتشال عادى
عموما دلوقتى الحل هو شراء الوش الكامل بتاع التكييف
انا كنت سألت عن وش التكييف بتاع الفيرنا اللى فيه ساعه (علشان نعرف متوسط الأسعار)

حضرتك تقصد الوش بتاع التكييف و فيه ساعه, صح كده ؟؟
اللى هو ده ؟؟

ممكن اعرف حضرتك اشتريته بكام و منين ؟؟

دة عامل فى حدود 120 الى 150 كامل بكل حاجتة ومفاتيحة

[adelghanem]

معلش عندى فكره مش عارف صح ولا لا
مفيش تاجر بتاع سيارات حوادث
يكون عنده تابلوه مكسر بس الساعه
سليمه وتاخد الساعه بسعر معقول

[MoHaMeD MKM]

معلش عندى فكره مش عارف صح ولا لا
مفيش تاجر بتاع سيارات حوادث
يكون عنده تابلوه مكسر بس الساعه
سليمه وتاخد الساعه بسعر معقول

للاسف سئلت والله بس مفيش كله بيقولك الطبلو بالكامل يابلاش .. واكيد مش هجيب طبلو بالكامل علشان ساعه ....

[MoHaMeD MKM]

العفو, الشكر لله وحده
انا كنت فاكر المشكله ان الساعه هى اللى مش موجده
على فكره الموضوع مش صعب زى ما حضرتك متخيل الوصلات مش هتبان خالص و مش هتخرم فالتابلوه المفروض مكان الساعه مقفول بجزء بلاستيك و بيتشال عادى
عموما دلوقتى الحل هو شراء الوش الكامل بتاع التكييف
انا كنت سألت عن وش التكييف بتاع الفيرنا اللى فيه ساعه (علشان نعرف متوسط الأسعار)

وش التكيف بتاع الفيرنا ممكن يركب عندى ؟؟؟ ولو ينفع فعلا وبالسعر ده ؟ اجيبه منين ؟

[shiko85]

وش التكيف بتاع الفيرنا ممكن يركب عندى ؟؟؟ ولو ينفع فعلا وبالسعر ده ؟ اجيبه منين ؟

لا مش هيركب
انا كان قصدى نعرف متوسط الأسعار
150 جنيه لوش كامل بكل المفاتيح يعتبر رخيص و كمان علشان تتأكد ان فيه ناس بتبيع الوش فقط
فكرت تبدل الوش اللى من غير ساعه بوش تانى فيه ساعه و تدفع الفرق (فالحرفيين مثلا) ؟؟