دقت ساعة الحجز ، دقت ساعة الإستلام ( كيا ريو سيدان )

[hossam_elwani]

الف مبروك عليك دى الفئه الكام كده ؟؟

[Shmoab]

مبروك، انا ان شاء الله نويت اشتريها بس ان شاء الله هجيبها من حنوره موتورز

[mazharsafwat]

الف مبروك يا فندم , لكن ماقولتلناش ليه هاتغير الكارينز (معلومات بروفيلك بتقول ان معاك كارينز 2011) هل وجدت عيوب لان معلوماتى ان كارينز عائلية جدا وواسعة جدا وفئة تانى خااااالص عن الريو والعائلة هاتحس بفرق يمكن انت ماتحسوش لانك اللى بتسوق فكابنتك هاتتغير والاوبشينز هايزيد فهاتحس باختلاف للافضل لكن الاسرة انطباعاتها ايه خاصة فى الجلوس فى الصالون الخلفى؟؟ ياريت ياريت تقول لينا عن الانطباعات دى لانى فى نفس الموقف .
ومرة تانية مبروك ويارب تكون سيارة السعد عليك وعلى الاسرة

[abohend]

ألف مبروك مقدما

في البداية احب أتوجه بخالص الشكر والتقدير والعرفان لجميع اعضاء منتدي نايل موتورز الكرام بوجه عام ولقسم كيا بوجه خاص ، قد ايه استفدت منكم وربنا يجازيكم خير ، مش عايز اذكر اسماء عشان مانساش حد :) ،
الحمد لله الذي بنعمته تتم الصالحات ، ربنا وفقني وحجزت كيا ريو سيدان وكيل dab&abs
بصراحة ياجماعة قرار شراء سيارة صعب جداً والأصعب اختيار السيارة وعشان اخوكم مابيحبش يحتار كتير فكرة بشكل عملي وقولت يا واد يا ابوحميد هات ورقة وقلم واكتب احتياجاتك من العربية وميزانيتك وكتبت مايلي :-
- الميزانية : من 130000 : 140000
- الاحتياجات : سهولة صيانة ، انتشار قطع الغيار مع مراعاة ان سعرها يكون مناسب ، ثبات الي حد ما يكون معقول (انا مش غاوي جري) ، يكون ليها مركز صيانة معتمد في جنوب سيناء او حتي السويس لأني مقيم اقامة دائمة في جنوب سيناء فمش معقول كل اما احب اعمل صيانة هضرب مشوار لحد القاهرة :( أخيرا ودي اهم حاجة وبما ان اخوكم اخصائي سلامة وجودة بشركة طيران فكان اهم حاجة عندي ان العربية يكون فيها وسائل آمان abs & ebd& immobilizer
اتفرجت علي عربيات كتير ولقيت كل اللي انا محتاجه في الكيا ريو ،
-دخلت علي الحيرة الثانية (اجيبها هاتشباك وله سيدان) روحت نازل متفرج عالاتنين وحسمت القرار لما شوفت شنطة الهاتشباك ولقيتها صغيرة جداً وتكاد تكون مش موجودة
- دخلت علي الحيرة الثالثة (اجيبها وكيل له خليجي) ، بصراحة كنت ميال للخليجي بس مالقتهاش اصلاً غير فئة اولي مافيهاش abs وفئة تانية فوق ال 140000 ولسه هاشتريلها ضمان فخرجت بره الميزانية قولت خلاص خلينا في الوكيل سعرها الرسمي 141500 وممكن تخلص علي 140000 قولت طب ياربي ماينزلش عليها عرض وترخص شوية دا كانت السنة اللي فاتت ب 135000 بس كانت متنفضة مافيهاش اي كماليات وله حتي جنوط تقريبا ، المهم بفتح جريدة الاهرام لقيت عليها خصم 4000 جنيه وسبحان الله الخصم عالسيدان بس :) قولت مابدهاش بقي ونزلت لفيت علي كام معرض وحجزت من سمير ريان اللون الموكا والسعر كام بقي 137000 فرق 2000 جنيه عن موديل 2014 بس زيادة ايه بقي ياسيدي ( جنوط اسبور 15 - فوجات - طارة مالتي ) يابلاش ههههههه :)
إن شاء الله هستلم بكرة او بعد بكرة بالكتير دعواتكم بقي واي نصائح ماتبخلوش بيها علي اخوكم ونصيحة لأي حد محتار بين كذا عربية حدد اولا ميزانيتك ثم احتياجاتك وصلي استخارة وهتلاقي العربية هي اللي بتناديك ههههههههههه بالتوفيق للجميع

مبروك مقدما
ربنا يبارك لك فيها و يصرف عنك و عنها الحقد و الحسد و التخريب
حساباتك منطقية جدا و أظن الريو بالفعل أفضل إختيار ليك
أنا كنت في حيرتك بس ضعف الميزانية كانت هتجيب ريو فاضية خالص
بس هي فعلا عربية محترمة و منافس قوي في فئتها

[ahmedz310]

مبرووووووك من الاعماق والى الامام وبالتوفيق يارب

الله يبارك في حضرتك ويوفقنا جميعاً

الف مبروك
إختيار موفق جدا
الله يبارك فيك يا فندم
ربنا يبارك لك فيها ويكفيك شرها

اللهم آمين ، وربنا يبارك فيك

ألف مبروك يا باشا ، تفكير سليم ، ربنا يوفق ، وقلنا ايه الاخبار بعد التجربة ،

الله يبارك فيك وانشاء الله ابقي اقول انطباعاتي اول بأول

[ahmedz310]

بجد الف مبروك وربنا يديك خيرها ويبعد عنك شرها وشر الطريق
ماتنساش تتطلع صدقة عنها لله وتقرأ المعوذتين
عند الاستلام المفروض تستلم شهادة بيانات وصورة من الافراج الجمركى وعقد بيع من الوكيل للمعرض والمفروض فاتورة بالمبلغ وطبعا بص على العربية كويس قبل ماتستلم وان شاء الله يوفقك للخير

الله يبارك فيك ياباشا وانشاء الله اول حاجة اعملها بعد الترخيص الذبح وربنايتقبل ويبعد عنا جميعا شر العين والطريق

[ahmedz310]

بص يا سيدى بالنسبه للورق :
شهادة بيانات
صورة من الافراج الجمركى
عقد بيع من الوكيل للمعرض

بالنسبه للعربيه :
1- بص على العربيه كلها و شوف لو فى اى فروق فى اللون مثلا او حكات و شيل البلاستيك الابيض و بص تحته علشان بمجرد انك وقعت على الاستلام المعرض خالى المسؤليه عن اى شىء .. فشيل البلاتسيك الابيض و بص كويس على البويه و شوف اى خرابيش او تجاريح
2- بص على الجنوط و الكاوتش و اتأكد ان كله نفس النوع و النقشه و الاستبن معاهم
3- اركب العربيه وجرب التكييف .. شغل كل الانوار و الفوجات ونور الاستوب الخلفى
4- خد معاك فلاشه و جرب السى دى بتاع العربيه و اسمع الصوت
5- استلم مع العربيه الكاتلوجات و الضمان و اريال السقف .. و الطفايه و الولاعه .. و هتاخد هديه مع العربيه طقم دوسات ...
6- اول لما تطلع تفول العربيه علشان هتبقى فاضية خالص

و الف الف مبروك ... بكره صورلنا العروسه و انت بتسلم بقه متنساش

الف مليون شكر يا هندسة ربنا يبارك فيك ويجازيك عنا كل خير

[ahmedz310]

الف مبروك عليك دى الفئه الكام كده ؟؟

الله يبارك فيك يا استاذ حسام وربنا مايحرمنا من مواضيعك القيمة
بصراحة الريو دي فئتها كتير بس تقريبا دي الفئة الرابعة a/t ex dab abs

[ahmedz310]

مبروك، انا ان شاء الله نويت اشتريها بس ان شاء الله هجيبها من حنوره موتورز

موفق انشاء الله في الشراء ، وحاول ماتتأخرش عشان تلحق العرض هو تقريباً لحد آخر الشهر واحتمال يتمد واحتمال لا مافيش معلومة اكيدة

[ahmedz310]

الف مبروك يا فندم , لكن ماقولتلناش ليه هاتغير الكارينز (معلومات بروفيلك بتقول ان معاك كارينز 2011) هل وجدت عيوب لان معلوماتى ان كارينز عائلية جدا وواسعة جدا وفئة تانى خااااالص عن الريو والعائلة هاتحس بفرق يمكن انت ماتحسوش لانك اللى بتسوق فكابنتك هاتتغير والاوبشينز هايزيد فهاتحس باختلاف للافضل لكن الاسرة انطباعاتها ايه خاصة فى الجلوس فى الصالون الخلفى؟؟ ياريت ياريت تقول لينا عن الانطباعات دى لانى فى نفس الموقف .
ومرة تانية مبروك ويارب تكون سيارة السعد عليك وعلى الاسرة

الكارينز عربية حمايا بس بما اني بسوقها اكتر منه :) وكنت بروح معاه وهو بيعمل الصيانة وهو بيعمل اي حاجة فيها حتي وهو بيغسلها ههههههههههه فعشان كده كاتبها في البروفايل بتاعي وهي عربية عائلية من الدرجة الأولي لكن انا اسرتي صغيرة فلما ربنا كرمني فكرت في الريو وشايفها مناسبة ليا

[ahmedz310]

مبروك مقدما
ربنا يبارك لك فيها و يصرف عنك و عنها الحقد و الحسد و التخريب
حساباتك منطقية جدا و أظن الريو بالفعل أفضل إختيار ليك
أنا كنت في حيرتك بس ضعف الميزانية كانت هتجيب ريو فاضية خالص
بس هي فعلا عربية محترمة و منافس قوي في فئتها

الأخ الفاضل ابو هند ، الله يبارك فيك ، وشرفت بمرورك وكنت متابع مواضيعك القيمة في قسم بيجو لأن البيجو 301 كانت من ضمن اختيارتي بس طبعاً زي ماحضرتك عارف بيجو مالهاش مركز صيانة في جنوب سينا وكمان سهولة الصيانة وانتشار قطع الغيار حالياً في صالح الريو وعشان كدا استبعدت البيجو ودي حاجة ماتقللش ابداً من البيجو 301 كعربية

[ahmedz310]

الكارينز عربية حمايا بس بما اني بسوقها اكتر منه :) وكنت بروح معاه وهو بيعمل الصيانة وهو بيعمل اي حاجة فيها حتي وهو بيغسلها ههههههههههه فعشان كده كاتبها في البروفايل بتاعي واسف لوكان ده عمل لبس في الموضوع وجاري تعديل بيانات البروفايل بعد الاستلام انشاء الله وعموما الكارينز عربية عائلية من الدرجة الأولي لكن انا اسرتي صغيرة فلما ربنا كرمني فكرت في الريو ومافكرتش في كارينز مستعمل لأني لقيت الريو مناسبة ليا

[mhkorayem]

عجبني اسلوبك المنظم في تحديد اختياراتك بصراحه برافو عليك
ومبروك عليك مقدماً وتستلم على خير ان شاء الله

[ahm.mega007]

الف مبروك ياغالى يارب يمالهالك بركه ويحفظك من العين

[mazharsafwat]

مرة تانى الف مبروك واشكرك على الرد ومفيش لبس ولا حاجة لانى واقع فى نفس الحيرة الريو سيدان عاجبانى وعاجبنى الاوبشينز فى الهاى لاين مع السعر وبفكر انى اغير الكارينز بالرغم من ان الكارينز واسعة وصالون مريح لكن مفيش الاوبشينز مثل الريو لانها كارينز الفئة الاولى فى الاوتوماتيك (جنط 15 وكاسيت سى دى وطبعا تكييف وباور وسنتر وفاميه خلفى وفوجات وانا مركب ليها انذار ووحدتين رفع ) ومع انها مريحة للاولاد كتير لكنها فقيرة فى الكماليات مما يوقعنى فى حيرة اضحى بالاتساع فى سبيل الكماليات ام العكس لذلك سالت حضرتك لماذا التغيير , لكن السؤال هو لو اسرة حضرتك 5 افراد مثلى وتوافر الفلوس الفرق بين الكارينز 2011 والريو سيدان هل كان ممكن تغير ؟ طبعا سؤال افتراضى وحضرتك جاوبت ان حجم الاسرة الصغير هو الذى وجهك الى الريو.