اعلان تحذيرى لكيا ايجيبت من الخليجى - ما هو تعليقك

[aouelfotouh]

مش عارف بس اكيد هتفرق فى السعر جامد غير الاوبشنز الذيادة
انا جبتها من معرض اسمه سلطان مدينة نصر فى القاهرة و اشتريت ضمان سنتين من تريبل ايه

من سلطان اتو عند النادى الاهلى ربنا يباركلك فيه سعره حلو

[prooo]

يعني بدل ميقولوا الكلام ده يشوفوا الناس بتروح للخليجي ليه ....... عشان بتروحوا تجيبوا اعفن واقل مواصفات للعربيه ..... مع انهم لو جابوا العربيه بمواصفات خليجي او اعلى هتتباع برده وهيبقى في نفس المكسب .... بس العقليه دي مش موجوده للاسف .... التوكيلات كلها ماشيه بمبدأ ليه ابيع حاجه نضيفه واكسب منها لما اممكن ابيع حاجه من تحت السلم واكسب منها اكتر وكتر

[nagy wassef]

من سلطان اتو عند النادى الاهلى ربنا يباركلك فيه سعره حلو

متشكر جدا ربنا يخليك
هو سعره معقول جدا

[Mohab555]

يالا بالهنا و الشفا ... هما الى خسرانين من الموضوع مش هيكسبوا حاجة و الناس مش هتبطل تشترى خليجى
قمه الغباء انك تغطى على فشلك فى جذب الناس لعربياتك ... فتهددهم !!! يا عم طور من نفسك شوف الناس عاوزه ايه و اعمله ماهو لو لقيت الى انا عاوزه فى عربيات التوكيل هروح اجيب خليجى ليه !!!!

[Waleed_aboammar]

يا جماعة من كام سنة كنت ساكن في جسر السويس و كنت مروح و لقيت عند ورشة تكييف كذا عربية بيكانتوا زيرو و كانوا باينين انهم لسه جايين من الميناء حتى بالتراب اللى عليهم. أنا كنت مستغرب ايه اللى موديهم عند ورشة تكييف بره التوكيل ده لو حتى هتشحن فريون يبقى برده في التوكيل مش في ورشة في الشارع طالما عربيات جديدة. بعدها لاقيت كذا موضوع عن الخليجى اللى بيستوردوه ناقص كماليات عشان الجمرك يبقى قليل و كمان سعر العربية يبقى اقل من المنبع و بعدين يركبلها الحاجات الناقصة هنا بارخص من الاصلى و في الاخر تتباع ارخص من التوكيل و هيكسب ان الناس هتجرى عليه لانه ارخص من التوكيل. فلازم يا جماعة اللى يشترى بره التوكيل ياخد باله كويس جدا و ياخد ضمانات كفاية ضد عيوب الصناعة عشان العربية في مصر هي ثانى اهم استثمار

[ENG\AHMED]

يا جماعة من كام سنة كنت ساكن في جسر السويس و كنت مروح و لقيت عند ورشة تكييف كذا عربية بيكانتوا زيرو و كانوا باينين انهم لسه جايين من الميناء حتى بالتراب اللى عليهم. أنا كنت مستغرب ايه اللى موديهم عند ورشة تكييف بره التوكيل ده لو حتى هتشحن فريون يبقى برده في التوكيل مش في ورشة في الشارع طالما عربيات جديدة. بعدها لاقيت كذا موضوع عن الخليجى اللى بيستوردوه ناقص كماليات عشان الجمرك يبقى قليل و كمان سعر العربية يبقى اقل من المنبع و بعدين يركبلها الحاجات الناقصة هنا بارخص من الاصلى و في الاخر تتباع ارخص من التوكيل و هيكسب ان الناس هتجرى عليه لانه ارخص من التوكيل. فلازم يا جماعة اللى يشترى بره التوكيل ياخد باله كويس جدا و ياخد ضمانات كفاية ضد عيوب الصناعة عشان العربية في مصر هي ثانى اهم استثمار

طيب وايه رأيك فى العربيات اللى بتتسمكر وتترش فى التوكيل وتتباع زيرو
والعربيات اللى فى التوكيل اللى بيتاخد منها قطع غيار ويرجع يعوضها تانى
ولا العربيات اللى بتدخل التوكيل تعمل صيانة ويتقلب منها او يتبدل منها حاجات

احنا فى بلد بلا رقابة والمادة هى الحكم