استهلاك البنزين في سبورتاج مع خاصيه eco

[medoragab]

العربيه هاي لاين و مستملها من أبو رواش عامله 17 كيلو و ساعه الاستلام السيلز بدأ يشرحلي
عن إمكانيات العربيه و ان بها خاصيه eco و عند تنشطها ستظهر في لوحه العدادات كلمه eco بالاخضر وده
معناه انك سايق بصوره موفر وعند اختفائها فأنت بتسوق بصوره غير موفره
... المهم اخدت بعضي و طلعت علي أقرب بنزينه فولت و صفرت العدادات و طلعت علي البلد
ياعني حوالي 200 كيلو و طبعا من كتر الاوبشنز في العربيه وإني بحاول اجرب كل حاجه وانا ماشي
فنسيت موضوع eco خالص بس كانت سواقتي متوسطه و مزتدش عن 100 كيلو / ساعه عشان التليين ..
و بعد ما روحت بحمد لله ببص علي متوسط الإستهلاك لقيته 8.3 لكل 100 كيلو ..
بعدها بيوم خبط مشوار حوالي 60 كيلو و لغيت خاصيه eco و مشيت بنفس الأسلوب السابق بالظبط
و لما رجعت لقيت متوسط الاستهلاك زاد الي 10.6 لكل 100 كيلو مع العلم اني لم أشعر بأي فرق
في العربيه بالنسبه في الاستجابه أو السحب. .
بالإضافه اني كنت مشغل التكييف في الحالتين وعلي نفس درجه الحراره..

حد عنده معلومات اكتر عن eco عشان نستفيد

[sewefy]

بس كويس انها فيها نظام توفير البنزين انا اول فئة 2012 ومافاش نظام ايكو

[TAFO]

نظام ال eco ده بيفرق معاك فى دوس رجلك على البنزين, يعني لو انت مفعلها و حرقت جامد و تقلت رجلك هتلاقيها راحت, مش بتأثر علي السحب بس بتأثر على التكييف, من غيرها التكييف اضعف بس مش هتحس بضعفه, و متحسبش متوسط الاستهلاك زي ما موجود عندك في الشاشة عشان مش دقيق, مفيش ادق ولا احسن من الورقة و القلم

[Tmhami]

ال eco فيه منه نوعين
الأول زى الى موجود فى الريو و ديه مجرد لمبه خضراء بتكون منوره و ده فى حاله أن رجليك خفيفه على دواسه البنزين أو بمعنى أصح أنك مش يتحرق فى النقلات
و أول لما رجلك تيقى تقيله على دواسه البنزين علامه ال eco الخضراء بتختفى
و طبعا الخاصيه ديه ممكن تقفلها أو تشغلها عادى
بس هى ملهاش أى تأثير على التكييف أو سحب العربيه يعنى مجرد مؤشر فقط لطريقه السواقه
و طبعا لو أنت كنت حريص أن اللمبه تكون منوره على طول فده معناه أنك بتوفر بنزين

النوع التانى زى ألى موجود فى كيا سول 2015 و ده عباره عن زرار فى الطابلوه لما بتدوس عليه لمبه ال eco بتفضل شغاله على طول و ده معناه أن العربيه سحبها حيقل شويه (مش محسوس أوى) مقابل تحسين لأستهلاك البنزين
و المبه مش حتختفى غير لو دوست على الزرار تانى

أنا مش عارف أيه النوع الى موجود فى السبورتاج ؟

[medoragab]

في سبورتاج بتكون في الطابلوه في الشاشه الوسط بيت العدادات كلمه eco بالحجم الكبير و من زار التراب ممكن تخليها on or off
و في حاله تفعيلها بتظهر علامه eco خضراء بس لو دوست جامد علي البنزين أو وقفت خالص بتختفي غير كده بتكون منوره أخضر علي طول

[Abu El Fadl]

حتي مع نظام ال Eco برضه الاستهلاك عالي جدا ...

بس كويس انها فيها نظام توفير البنزين انا اول فئة 2012 ومافاش نظام ايكو

في معظم الأحوال انت مضطر تدوس بنزين علشان تهرب من الزحمة ....وكمان التسارع اللحظي تعبااااان جدا ...أنا معايا باسات من أول دوسة العربية تشب وتنطلق كالصاروخ ومن غير السبورت مود ....بصراحة ألوم علي السبورتاج في الكيك داون وفي البنزين ...أما موضوع البنزين ال 95 فهو لم يفرق ابدا في العزم ...لكن لو عايز فرق بسيط ممكن تلاحظوه لو لغيت الايكو وفولت 95 ( فرق بسيط جدا في التسارع ) مع أربع أضعاف الفلوس المدفوعة

[abo_anas]

متابع