مش عارف دي مشكله في الاسبورتاج ولا لا

[medoragab]

في حاجه في العربيه و مش عارف هيا كده ولا ايه الحكايه. .
بعد سرعه الستين الدريكسيون لو جبته سنه يمين و سيبت الطاره الطاره ترد تاني بس العربيه تفضل ماشيه يمين برده لازم اجبها سنه شمال بنفس المقدار عشان تعدل نفسها و كذلك لو جبتها سنه شمال. .. رحت صيانه القلعه مهندس الاستقبال شرحلي طريقه عمل الباور الكهرباء قبل تجربه العربيه وأنه بعد سرعه 58 في وحده تحت الدريكسيون بتقل الطاره و هيا الي بتعمل السنه اليمين أو الشمال وقالي عشان نطمن
حعملك ضبط معايره للطاره علي الجهاز و نشوف الزوايا ..
وفعلا جاب الجهاز و عمل ضبط معايره للطاره و بعد كده دخل العربيه علي جهاز الزوايا..
و لما خلص قالي الزوايا مظبوطه بس هيا العربيه كده و حاول تتاقلم علي الباور الكهربا. ....
مش عارف ممكن أكون عشان مش بسوق براحتي عشان فتره التليين عشان كده واخد بالي بأدق التفاصيل بالإضافه الي ان العربيه عاليه بالإضافة اني لسه هايب العربيه ...
مش عارف

[medoragab]

ايه يا جدعان 106 مشاهده و مش سامع غير صوت صرصور الحقل ...

[gasser72]

لا ديه عندك انت بس بيتهيالى تروح على التوكيل افضل انا مش بتعمل كدة عندى

[mada_512]

ايه يا جدعان 106 مشاهده و مش سامع غير صوت صرصور الحقل ...

انا معايا النترا و باور كهربا و مبتعملش كده دع ممكن يكون عيب في علبة الدركسيون و انت اكيد في الضمان فمتسيبش حقك

[adel1212]

هي العربيات العالية الطارة مش بترد لوحدها زي السيدان لازم تساعده شوية
الغريب انك بتقول ان الطارة بترد تانى بس العربية بتحدف يمين وده مش طبيعي لازم تراجع التوكيل في اسرع وقت
1000 مبروك للعربية يا رب تشوف فيها ايام سعيدة
تحياتي

[Sameh samy]

اية يا جماعة في اية
عربيتك مافيهاش حاجة متلعبش فيها انت جبت سنة يمين والطارة ردت مكانها بس العربية بقت ماشية عدل والعدل بتاعها مبقاش هو عدل الطريق لانك لسة موجهها يمين من لحظات

[محمد درغام]

اية يا جماعة في اية
عربيتك مافيهاش حاجة متلعبش فيها انت جبت سنة يمين والطارة ردت مكانها بس العربية بقت ماشية عدل والعدل بتاعها مبقاش هو عدل الطريق لانك لسة موجهها يمين من لحظات

برافو عليك.. بالضبط كده

[medoragab]

الحمد لله يا جماعه المشكله اتحلت ...
العيب كان فيا انا . .. انهارده سافرت بيها مشوار 250 كيلو و في نص الطريق قررت امشي بطبيعتي و اطنش موضوع التليين ... وبالفعل بدأت أشد بالعربيه و مشيت فتره كويسه لقيت نفسي فعلا مسيطر علي العربيه لأن تركيزي ذاد. علي الطريق و قل خالص اتجاه العربيه .. تقريبا لما كنت ماشي 80 أو 90 أو 100 و حرصي علي معديش لفات الماتو عن 3000 كان مخليني مطرب بعض الشيئ بالإضافه أن العربيه عاليه عن الأرض و سواقتها مختلفه عن العربيه السيدان ..
انا اصلا من النوع الي لو سوقت بهدوء ممكن انام .
و بعد فتره سواقه رجعت تاني عشان أسوق براحة عشان فتره التليين لقيت نفسي مركز مع الطاره تاني و الطريق و بشوف أدق التفاصيل الي هبا فعلا لما بركز مع العربيه و اسيب تركيزي مع الطريق بحس أن العربيه بتعوم مع العلم بسيب الطاره خالص بلقيها ثابته ولا يمين ولا شمال و لما ارجع أركز مع الطريق و أسوق براحتي باقي العربيه ثابته و زي الفل ...
آسف يا جماعه عملتلكم وش و اتضح العيب فيا. ..