هاغير تيل وطنابير خلفي ( كلاكيت تاني مرة )

[mse920]

أنا كان عندي مشكلة التيل والطنابير الخلفي سيراتو 2015 ورحت التوكيل وتم تغيرهم بالفعل بعد عذاب
وبعد الف كيلو من التغير الصوت رجع تاني وبعدين رحتلهم تاني وبعد الكشف تم صنفرة التيل والطنابير ومردوش يغيرو ومش وبعدها باسبوع رحت تاني وبعد مناقشات طويله تم الموافقه علي تغيرهم تاني وتم الحجز لما القطع توصل المفروض يكلموني ( دعواتكم )

العربية موديل 2015 ورحت التوكيل لغاية دلوقتي 5 مرات بالذمة دا يرضي مين

[amr_8800]

لو سمحت هي العربيه عامله كام الف كيلو ?????

[Mecha]

هي بيجمعوها هنا ولا مستورده كوري

[migoph]

طب سؤال
العربيه وكيل من كلامك
اي فئه ?
يعني الطنابير الخلفيه حلة ولا سكينه
وماشيه كم كيلو

كمان هل انته متاكد انهم غيروهم اول مره
لان ليه صديق كان معاه كرولا وكان عنده مشكله في الطنابير و التوكيل قاله انهم غيروهم
واكتشف بعد 1500 كيلو انهم مغيروش حاجه بس صنفروهم

الله معك

[migoph]

هي بيجمعوها هنا ولا مستورده كوري

ههههههه
لا مستورده كوري
والمشكله دي موجوده خليجي و وكيل
والظاهر اصلا في مشكله مصنعيه في الطنابير والتيل الي شركه كيا بتستعمله

والله حاجه تزهأ
لما يكون شاري عربيه زيرو وكل شويه كده

[hany63]

أنا كان عندي مشكلة التيل والطنابير الخلفي سيراتو 2015 ورحت التوكيل وتم تغيرهم بالفعل بعد عذاب
وبعد الف كيلو من التغير الصوت رجع تاني وبعدين رحتلهم تاني وبعد الكشف تم صنفرة التيل والطنابير ومردوش يغيرو ومش وبعدها باسبوع رحت تاني وبعد مناقشات طويله تم الموافقه علي تغيرهم تاني وتم الحجز لما القطع توصل المفروض يكلموني ( دعواتكم )

العربية موديل 2015 ورحت التوكيل لغاية دلوقتي 5 مرات بالذمة دا يرضي مين

هوا حضرتك بتسمع صوت تزييق ينرفز حتى و انت مش دايس فرامل على السرعات البطيئه ؟

[mse920]

معلش أسف علي التأخير فى الرد
أنا عربيتي وكيل موديل 2015
والمشكلة ظهرت عندي عند 4000 كيلو وقالو فى التوكيل انهم غيرو التيل والطنابير الخلفيه عند 6000 كيلو
وبعدين المشكلة ظهرت تاني عند 7500 كيلو وبعد مشاورات وشد وجذب تم الاتفاق علي التوكيل مرة ثانية ولم يتم التغير حتي الان علشان القطع مش موجودة علي حد كلامهم
الصوت بيظهر احيانا لما بدوس فرامل للتهدئه ( يعني لما بكون هاعدي مطب مثلا ) إنما علي السرعات مبسمعش الصوت

[zoom2zoom]

عربيه زباله والله العظيم
انا معايا ال 2014 خليجي وبعد 500 كيلو التيل اللي ورا عمل نفس اللي انتا بتقول عليه وياريت صوت تصفير بس دا كمان احيانا باجي ادوس فرامل احس اني بفرمل بمقطوره وصوت غبي وفرامل العربيه عالطريق في السرعات تحس انها هتتقلب بيك
انا غلطت اني اشتريت العربيه دي ومنصحش حد بيها هي اه حلوه في الاوبشن والشكل وكده لكن مضمون زباله

[hany63]

عربيه زباله والله العظيم
انا معايا ال 2014 خليجي وبعد 500 كيلو التيل اللي ورا عمل نفس اللي انتا بتقول عليه وياريت صوت تصفير بس دا كمان احيانا باجي ادوس فرامل احس اني بفرمل بمقطوره وصوت غبي وفرامل العربيه عالطريق في السرعات تحس انها هتتقلب بيك
انا غلطت اني اشتريت العربيه دي ومنصحش حد بيها هي اه حلوه في الاوبشن والشكل وكده لكن مضمون زباله

ادي عيب الخليجي
طبعا مفيش ضمان و انت خايف تغير التيل ليطلع العيب من حاجه تانيه
حضرتك مبدئيا هتروح لحد بيفهم و يصنفر التيل و يصنفرالطنابير من الصدا و تجرب
ما راحش الصوت هتجيب التيل الاصلي ولو رجع هتجيب جوز طنابير و امرك لله
ملحوظه الحركه دي ظهرت معايا في ال ٥٠٨ و انا حاليا لسه مغير التيل في الضمان و تحت التجربه عشان نشوف هنحتاج نغير طنابير ولا لاء
وده ميعتبرش عيب يقفلك من العربيه و لو دخلت جروب اوبل على الفيس هتلقى برضه ناس بتشتكي من الحركه دي