النور بيرعش .. ايه السبب؟ سيراتو 2014

[الجنرال]

السلام عليكم ورحمة الله وبركاته

يا شباب انا لاحظت عندي حاجة حصلت مرتين:

1- مرة كنت ماشي وفاتح نور الشبورة بس .. وداخل طريق (بلف يمين) لقيت نور الشبورة زي ما يكون بيرعش (لم يغلق تماما بس كان بيرعش كده - يضعف ويرجع تاني)
الموضوع لم يستمر اكتر من ثانيتين .. لدرجة اني افتكرت ان في قطة عدت من قدام العربية بسرعة

2- امبارح جيت افتح الشنطة بليل علشان اخد حاجة منها .. لقيت لمبة الشنطة بترعش برضه .. بس المرة دي قفلت وفتحت تاني زي ما تكون مهزوزة مثلا ..


ولا نور الفوج رعش تاني .. ولا نور الشنطة رعش تاني ..

بس انا قلقان .. حد ممكن يفهمني ده ايه ده؟

العربية سيراتو الجديدة 2014 وماشية 19 الف كيلو

[lamada]

شيك على كابل الارضى مربوط كويس ولا لأ

[migoph]

تأكد من صندوق الفيوزات تأكد انهم كلهم داخلين صح اضغط عليهم

وكمان اتأكد من الارضي ومن كبلات البطاريه

ولو اتكررت اكشف كمبيوتر علي العربيه في التوكيل

خليجي ولا وكيل واي فئة

[ياسر يوسف]

مثلما قال الزملاء وايضا اكشف عن خرج الدينامو وشوفان كان اي سلك مكشوف وعايز تعزله ......انما لاتقلق الموضوع بسيط جدا وكل ما سبق للاطمئنان