استفسار || كيا بيكانتو

[mahmostus]

لو سمحت ياجماعة كنت عايز أسأل على بيكانتو 2013 اللى هى نفس شكل 2015
1.هل العربية فيها Airbag و ABS ولا لأ؟
الصفحة بتاعة كيا مش جايبين سيرة ال ABS , AIRBAGS
كيا مصر | بيكانتو

2.ايه نظام الاوتوماتيك بتاعها عشان هى 1200 cc فى السحب مع التكيف و هل التكييف بتاعها كويس؟
3. ايه نظام اسعار قطع الغيار بتاعتها؟
4. انا كنت عايز اجيب حاجة مستعملة و انا لسه جديد فى السواقة و دى اول عربية حجيبها فهل هى مناسبة عشان احتمال اخبطها و كده

و شكرا مقدما

[ENG.MaRk]

حلوة احتمال أخبطها ديه !!!
نصيحة يعني ممكن تجيب 128 أو شاهين مؤقتا تتعلم عليها كويس و بعد شوية تجيب كيا و نصيحة استني شوية قبل ماتجيب عربية جديدة عشان الجمارك هتقل بنسبة 60% أول 2015 علي العربيات الأوروبية و ده هيوقع سعر الكوري ... هات حاجة خفيفة مشي حالك بيها الكام شهر الجايين دول

[mahmostus]

امممم موضوع خفض الجكارك ده مفيش فيه تصريح رسمى و بعدين الكلام اللى زى ده كنا بنسمعه بقالنا كذا سنة لكن مفيش حاجة حصلت يعنى مفيش اخبار مؤكدة بالنسبة لموضوع الجمارك

[eslamsubaru]

انا معايا ال 2013 من شهر يناير 2014 اشتريتها من التوكيل اوتوماتيك أول فئة ... البيكانتو مفيهاش اير باج و لا اى بى اس فى كل فئاتها غير التوب لاين افتكر بس الأى بى اس مش موجود خالص حتى فالتوب لاين افتكر كده و ده ينطبق على 2014 كمان بس ال 2015 مش عارف بصراحة .

العربية ادائها ممتاز و هى 1248 سى سى 84 حصان على عربية صغيرة بيديك أداء رائع حتى مع التكيف .
التكيف بتاعها حلو جدا لأن نسبة حجم الصالون بالنسبة لقوة التكيف حلو جدا : فالصيف التبريد بياخدله 4-5 دقائق و الجو بيتعدل علطول فالمقصورة ..

طبعا العيب الوحيد اللى فيها الشنطة : حجمها مش كبير قوى أخرها شنطة سفر كبيرة واحدة و بالعافية معاها هاند باج و شوية اكياس ( يعنى هى مش للسفر خصوصا العائلات الكبيرة الأكثر من 3 افراد) انما الجلوس بالعربية مريح حتى بالنسبة للكنبة الخلفية تاخد 2 كبار مستريحين جدا و لو 3 هيقعدوا مرتاحين بس لازقين فى بعض.

بالنسبة لقطع الغيار شوف الموضوع ده انا عامله و فيه الأسعار من التوكيل بالضريبة :

http://www.nilemotors.net/Nile/419046-2013.html

بالنسبة لموضوع انك لسه هتسوق و هتخبط : فانا شايف انك فعلا هتحتاج عربية قديمة افضل الأول تتبهدل تحت رجلك و بعد كده تغير للبيكنتو مثلا لأن القطع الخارجية فالكورى مبقتش رخيصة زى زمان ... يعنى الخبطة هتزعلك .
و ربنا يوفقك للأصلح.

[محمودمحمدخطاب]

انا معايا ال 2013 من شهر يناير 2014 اشتريتها من التوكيل اوتوماتيك أول فئة ... البيكانتو مفيهاش اير باج و لا اى بى اس فى كل فئاتها غير التوب لاين افتكر بس الأى بى اس مش موجود خالص حتى فالتوب لاين افتكر كده و ده ينطبق على 2014 كمان بس ال 2015 مش عارف بصراحة .

العربية ادائها ممتاز و هى 1248 سى سى 84 حصان على عربية صغيرة بيديك أداء رائع حتى مع التكيف .
التكيف بتاعها حلو جدا لأن نسبة حجم الصالون بالنسبة لقوة التكيف حلو جدا : فالصيف التبريد بياخدله 4-5 دقائق و الجو بيتعدل علطول فالمقصورة ..

طبعا العيب الوحيد اللى فيها الشنطة : حجمها مش كبير قوى أخرها شنطة سفر كبيرة واحدة و بالعافية معاها هاند باج و شوية اكياس ( يعنى هى مش للسفر خصوصا العائلات الكبيرة الأكثر من 3 افراد) انما الجلوس بالعربية مريح حتى بالنسبة للكنبة الخلفية تاخد 2 كبار مستريحين جدا و لو 3 هيقعدوا مرتاحين بس لازقين فى بعض.

بالنسبة لقطع الغيار شوف الموضوع ده انا عامله و فيه الأسعار من التوكيل بالضريبة :

http://www.nilemotors.net/Nile/419046-2013.html

بالنسبة لموضوع انك لسه هتسوق و هتخبط : فانا شايف انك فعلا هتحتاج عربية قديمة افضل الأول تتبهدل تحت رجلك و بعد كده تغير للبيكنتو مثلا لأن القطع الخارجية فالكورى مبقتش رخيصة زى زمان ... يعنى الخبطة هتزعلك .
و ربنا يوفقك للأصلح.

بالنسبة لموديل 2015 ما فيهاش لا إيرباج ولا abs في أي فئة من فئات الوكيل ... أنا استلمت العربية من أسبوعين تقريبا و عملت بيها 900 كيلومتر ... ما شفتش منها حاجة و حشة لحد دلوقت

[mahmostus]

متشكر جدا لكل الناس اللى ردو و جزاكم الله خيرا
و متشكر جداياأستاذ اسلام على النصيحة انا فعلا كذا واحد نصحنى اجيب حاجة صغيرة عشان متكلفنيش
لو عندك فكرة او ممكن ترشحلى حاجة ابتدى بيها؟