عربيتى سيراتو 2015 اتحكت من الجنب ساعدووووووووووونى !!!!!!!!

[ahmed hasanin]

يا جماعة محتاج اسشارتكم انا عندى سيراتو 2015 فى السعودية وجبتها من 4 شهور تقريبا ومن اسبوع كنت رنها تحت البيت وبعدين نزلت لقيتها محكوكة من الباب الشمال بتاع السواق كانها حكه مسمار او طفل بيلعب بعجلة حكها . وفى جزء 5 سم كده محفور جامد وباقى الخدش مبين البوية البيضة اللى تحت . عربيتى لونه فضى ميتالك وانا متضايق جدا عشان العربية لسه جديدة تنصحونى بايه لان محتار اصلحها ولا لأ وناس كتير خوفونى من القلم السحرى والبوليش وانا كل لما اشوفها كده اتضايق واريف .

انصحونى اعمل ايه بالله عليكم

[yasser100]

احسن حاجه روح اعملها و ادهن الباب كله ما فيش مشكله . البويه لسه جديده و فرصه انه مش هايكون فيه فرق لون احسن لما تكون قديمه و مش هايكون فيه معجون و ﻻ حاجه . و اخلص من الموضوع ده تماما و ﻻ بوليش و ﻻ قلم .

[ahmed hasanin]

شكرا ليك yasser100 وجزاك الله خير

[john55]

انا كانت عندي نفس الحكه بس في نصف الباب اشتريت استيكر شكله حلو ولزقته علي جانبي العربيه واتحلت المشكله لكن لو عند حضرتك مينفعش يتعمل الافضل ترش الباب في التوكيل علشان اللون وشكرا

[ahmed hasanin]

الف شكر john55 بس ممكن تقولى لون عريبتك ايه والستيكر ده اجيبه منين وشكرا مقدما

[john55]

انا اولا عربيتي اكسنت ار بي لونها نبيتي دم غزال جبتلها استيكر لونه اسود من اي محل اكسسوارات واشكاله زي ا للي بتبقي في العربيات الفورميلا بتاعت السبق هتلاقي اشكال كتير شوف اللي ينسبك ويمشي مع مكان الخدش والزقه شمال ويمين علي جانبي العربيه شكله حلو وبيدي شكل اسبور للعربيه و شكرا

[ahmed hasanin]

الف شكرا يا غالى بس ممكن معلش لو هتقل عليك تبعتلى صورة الستيكر ده ؟

[ahmed hasanin]

الف شكرا يا غالى بس ممكن معلش لو هتقل عليك تبعتلى صورة الستيكر ده ؟

[saif2010]

لا ترش العربية سعرها هينزل اكثر من 15 الف بعد الرش ولو عاوز ترش روح الحرفيين التوكيل هيبان الرش ومش هيطلعلك اللون

[ahmed hasanin]

شكرا ليك اخ saif 2010 بس انا مقيم فى الدمام فى السعودية . انا ممكن احاول بالقلم السحرى ده وخلاص وامشى بيه على الخدش عشان يدارى اللون وقدام بقا كمان كام سنة باذن الله ابقا ارشها كله رشة نضافة لما اللون يبهت ايه رأيك ؟

[borio1704]

أنا في جدة.. نفس مشكلتك حصلت معايا من يومين...

بس اللي عمله في العربية واحد تحس إنه مريض نفسيا.

عملي كام خربوش في الجنب الشمال في الرفارف والبيبان.. وجه جنب أوكرة الباب بتاعي عمل فيه كام خربوش جنب بعض كإنه كان عايز يشيل البوية خالص...

وأنا محروق دمي من ساعتها... وكل ما أجي أركب العربية عيني تيجي عالأوكرة أتعكنن أكتر.

العربية لونها أبيض لولي.. والخرابيش مش بتبان في الليل.. إنما الصبح واضحة جدا.
ومش عارف دلوقتي أروح أعمل بوليش ولا أرش الجنب الشمال ولا أعمل ايه

حسبي الله ونعم الوكيل!!



...