الحمد الله...حجزت ريو هاتش باك هاى لاين لون موكا

[ooooosooooo]

الحمد الله ربنا كرمنى وحجزت النهارد من عند اباظة كيا ريو هاتش باك لون موكا هاى لاين 2015 وهستلم ان شاء الله السبت ....محتاج منكم النصيحة لما استلم اعمل تشك على اية دا اولا ثانيا انا هستلم العربية واطلع على شمس السروجى فى اسكندرية لعمل فرش جلد للسيارة هل دا يخرج السيارة من الضمان ولا عادى عشان سمعت فتوة فى كدا ثالثا العربية كنت سامع انها بتستهلك بنزين زيادة عن المعدل الطبيعى لها دا فعلا ولا كلام بردة استعمل بنزين 92 عادى واية هيا البنزينات المحترمة فى اسكندرية رابعا انا دخلت السيارة تامين مع الشركة وهيا بتتعامل مع المصرية التكافلي اية رايكم ....اسف للاطالة وشكرا وعقبال الجميع باذن الله

[mshmshm3]

الف الف مبروك
بص علي كل سنتيمتر في الصاج ميكونش فيها خدش
جرب النور و الفلاشر
و الكلاكس
وازرا الازاز
و بص علي الاستبن و عدة الكوريك
و شوف الاوبشن اللي فيها شغال ولا لا
و قبل ما تدور بص علي مية الردياتير وماتزودش مية و العربية مبطلة و سخنة اوعي
لما تستلم العربية يفضل تملا الكاوتش نيتروجين لو مش عايز راجع ضغط الهوا عشان هتلاقيه زيادة اوي و ممكن تلاقيه مظبوط
العربية مع واحد صاحبي هي مش بتستهلك بنزين كتير هي بستهلك بنزين كتير علي استهلاك عربية 1400 سي سي للبنزين
المشكلة بتتحل في التوكيل بسيطة جدا بس بتتحل نسبياً
الفرش مايطلعش العربية من الضمان لا
بالنسبة لشركة التأمين مش عارف
مبروك عليك العربية ربنا يديلك خيرها و يكفيك شرها

[adel1212]

بالنسبة للأستلام موجود في المنتدي مواضيع كتير راجعها وهات ورقة و قلم واكتب كل النقاط علشان فرحة الاستلام بتنسيك حجات مهما حولت تفتكر و ياريت يكون معاك واحد او اتنين كل واحد ليه مهمة يرجعها و لازم تستلم في ضوء النهار
و بالنسبه للفرش سيادتك جايب هاي لاين يعني فرش جلد عايز تعمل فرش ليه
تحياتى وتستلم على خير ان شاء الله

[ooooosooooo]

شكرا جدا بس العربية فعلا هاى لاين بس مفهاش فرش جلد للاسف

[Deshahcoka]

باشا انتا دفعت فرق استلام فوري ؟ و جبتها وكيل على كام معلش ؟

[ooooosooooo]

باشا انتا دفعت فرق استلام فوري ؟ و جبتها وكيل على كام معلش ؟

لاء مادفعتش حاجة زيادة هيا وكيل ب152000 هيا على فكرة موجودة انا سئلت عند طارق اسماعيل وعند اباظة ومتوفرة بس على حسب الون الى حضرتك محتاجة

[spidars]

طب علي كده الكروز احسن وبنفس السعر

[Mohab555]

الف مبروك اهلا بيك معانا فى نادى كيا و ملاك الريو
عاوزين نشوف كام صوره للعروسه اول لما تستلم متنساش

[ooooosooooo]

الف مبروك اهلا بيك معانا فى نادى كيا و ملاك الريو
عاوزين نشوف كام صوره للعروسه اول لما تستلم متنساش

أكيد ان شاء الله بس معلش أنا معنديش خلفية ارف الصور ازاى أنا أنة فية موضوع هنا ف المنتدى بتكلم ازاى ارف الصور بس مش عارف اجيبة

[Ayman_saad]

مبروك ياحوس
بسم الله ، ماشاء الله
ربنا يديك خيرها ويكفيك شرها ،
وبالصلاة علي النبي أحلي لون ،
ربنا يبارك لك فيها

[ooooosooooo]

مبروك ياحوس
بسم الله ، ماشاء الله
ربنا يديك خيرها ويكفيك شرها ،
وبالصلاة علي النبي أحلي لون ،
ربنا يبارك لك فيها

ربنا يخليك يامون يا ابو الواجب كلة ...وعقبال ما تجيب الى تتمناة يارب

[S O P H O S]

الف مبرووووك يا باشا

[Mohatfhd]

مبروك

[Mohamed_Ayman]

ألف مبرووك يا باشا
الفرش عادى مش بيطلع العربية من الضمان
مشكلة استهلاك البنزين كانت فى بعض موديلات 2012 واتحلت ، بس خد بالك طريقة السواقة بتفرق كتير ، دواسة البنزين حساسة جدا لو هتدوس جامد وكيك داون الاستهلاك هيكون عالى ، ربنا يوفق

[EYO]

مبروووووك ياباشا وادعيلي اركب نمر انا كمان اكون من عشاق الهاتش باك