أفضل معرض لشراء السيراتو الخليجى

[محمد عز]

السلام عليكم

حده عنده فكره عن أحسن المعارض اللى بتبيع السيراتو الخليجى

ولو حد عنده فكرة عن الاسعار الحالية بالمواصفات يبقى كتر خيره

انا بدور على رينج 160 الف

[medo_sirion]

ممكن تجبلك حاجه كسر زيرو توب لاين بالمبلغ ده

[ENG.MaRk]

مابلاش سيراتو أصلا

[migoph]

مابلاش سيراتو أصلا

ليه بلاش سيراتو

[محمد عز]

مابلاش سيراتو أصلا

للأسف 160 الف متجبش عربية عليها القيمة غير سيراتو او النترا

بما ان النترا هتتغير السنة الجاية فالسيراتو افضل

اما الكورولا والمازدا والاسترا بيبتدوا من 180 الف

والهوندا سيفيك بتبدا من 195 الف

فالمتاح في فئة الكومباكت في رينج ال 160 ، 5 عربيات

النترا ، سيراتو ، فلوينس ، كروز ، لانسر شارك

الكروز هتتغير السنة الجاية وإعادة البيع مش قوية نتجية سمعة مش قد كده عن موديل 2010 عن الموتور والفتيس ، هما اتغيروا بس ثقافة الشعب المبنية عن الفتى والسمع من ناس جهلة عاملين نفسهم أبو العريف هي السبب ، والصالون الداخلى مش بنفس وسع السيراتو

الفلوينس لا غبار عليها بس برده الشكل هيتغير وسعر إعادة بيعها مش بنفس قوة الكيا سيراتو

لانسر شارك عربية شنطتها ضيقة وعزلها مش حلو وغير انها المفروض كانت تتغير السنة ده ومستوبيشى اجلت تغييرها سنتين كمان

[محمد عز]

ممكن تجبلك حاجه كسر زيرو توب لاين بالمبلغ ده

للأسف انا مش بحب اشترى مستعمل

ده غير استهبال الأسعار في المستعمل بالذات في مصر

[ashouhdy]

السيراتو حتلاقيها في كل معرض بسعر مختلف و كماليات مختلفة وانت اللي بتختار

[aelsayed74]

فيه جابر عبد الشهيد فى ش الانصاري خلف بنزينه موبيل اللى فى ش الخليفة المأمون وهوا مستورد خليجى بس اتاكد من رقم ال vin علشان تكون خليجى مش عراقى وبسمع كمان سلطان مستورد خليجى ودا فى ش النادى الاهلى