طلب مشوره وراي بخصوص كارينز 2015

[Rabea Tabanga]

الأخوه الافاضل
السلام عليكم ورحمه الله وبركاته
بإختصار انا بفكر اشترى كيا كارينز 2015 من هنا فى السعوديه علشان انزلها مصر
سؤالى لحضراتكم ولجميع الاخوه الافاضل
اللى مقلقنى منها هوه انى حاسس انها منخفضه شويه
ومش اقصد هنا سقف السياره ولكن اقصد ارتفاعها عن الارض لغايه العفشه
ناس قالولى هتتبهدل مع المطبات فى مصر
طبعا عندنا هنا نوعين
الاول اتوماتيك استاندر وده عامل تقريبا 73 الف ريال
والنوع التاني اتوماتك فل بس من غير فتحه سقف وكراسي جلد وده عامل حوالى 81 الف ريال
اتمنى الافاده ولكم مقدما منى جزيل الشكر والتحيه والتقدير
تحياتى

[Rabea Tabanga]

معقوله يا شباب مفيش ولا رد

[ashouhdy]

سعرها في مصر هو هو سعرها عندك

دة كمان لو جبتها من عندك حتبقي اغلي بأضافة الجمارك

[Rabea Tabanga]

سعرها في مصر هو هو سعرها عندك

دة كمان لو جبتها من عندك حتبقي اغلي بأضافة الجمارك

شكرا اخى الكريم على الرد
بس انا لو استعملتها هنا لفتره جمارجها هتقل شويه عن كل سنه استخدام
دا غير انى محتاجه هنا الفتره ديه
انا كنت بسال عن السياره ومدي مناسبتها للشوارع فى مصر
لانى بفاضل بينها وبينها الجراند تايروس على اساس ان اسرتى عددها كبير
ومحتاج سياره عائليه
شكرا مره تانيه على الاهتمام
تحياتي

[ashouhdy]

الكارينز فئة انضف كتير عن التريوس

بس الشكل الجديد حتعاملة ذية ذى العربية السيدان بالضبظ

والشوارع مش ذى ما انت متخيل يعنى :)

ثبات الكارينز والرفاهية والوسع كلة ليها عن التريوس

التريوس ناشفة و مش ثابتة



سعر الكارينز هنا ال1600 تقريبا نفس سعر السعودية

الفرق بسيط حوالى 10تلاف الى 15 الف

شوف جماركها كام الاول و زودهم على فرق السعر وشوف حتظبط معاك ولا لأ

وربنا يوفقك

[Rabea Tabanga]

الكارينز فئة انضف كتير عن التريوس

بس الشكل الجديد حتعاملة ذية ذى العربية السيدان بالضبظ

والشوارع مش ذى ما انت متخيل يعنى :)

ثبات الكارينز والرفاهية والوسع كلة ليها عن التريوس

التريوس ناشفة و مش ثابتة



سعر الكارينز هنا ال1600 تقريبا نفس سعر السعودية

الفرق بسيط حوالى 10تلاف الى 15 الف

شوف جماركها كام الاول و زودهم على فرق السعر وشوف حتظبط معاك ولا لأ

وربنا يوفقك

فعلا كتير قالى نفس الكلام ده عن التايروس وده سبب انى فضلت الكارينز عنها وخاصه ان اللى
معايا دلوقتى كارينز 2005 وماشيه 150 الف كيلو وحالتها كويسه بس طبعا هيا 2000 سي سي الشكل اللى منزلشي في مصر

شكرا ليك على الاهتمام وربنا يباركلك يارب
واللى فيه الخير يقدمه ربنا

[abozeiad1000]

توكل على الله ، انا جيبتها من حوالى 5 شهور بسم الله ما شاء الله سياره عائليه من الدرجه الاولى و ثباتها ممتاز جربتها لغاية 160 ك ممتازه ف الثبات و علوها فى المطبات زيها زى السيارات السيدان وتعاملها كذلك لانها مش جيب لكن الحمد لله الى الان لم تحك منى فى اى مطب هنا فى السعوديه لكن مصر فيه مطبات لو ترله هتحك فيها فربنا يصلح احوال البلد و يكتبلك الخير .

[bato]

عربية اكثر من رائعة انا مقبل على شرائها بس محتار بين لونين الفضى او جلاكسى برون حد يفيدنى اللون الانسب وخصوصا هستعملها هنا شوية فى السعودية وبعدها هنزلها مصر

[Rabea Tabanga]

اشكركم جميعا على تشريفكم وملاحظاتكم وتعليقاتكم
الحمد لله اشتريتها خلاص اللون الفضى الفئىه الاولى فى الاوتوماتيك
بسم الله ما شاء الله السياره جميله من الداخل وفخمه جدا
ودلوقتى بلبس ليها مقاعد جلد وارضيه بلاستيك علشان البهدله
ربنا يبارك للجميع يارب واشكركم مره تانيه على الاهتمام

تحياتي