مشكلة في ثبات كارينز 2014

[MinaMonir]

سؤال للسادة الافاضل خبراء نايل موتورز و مالكي كارينز الجديدة
الحمدلله ربنا كرمني و اشتريت كارينز 2014 هاي لاين كسر زيرو عاملة 8000 كيلو وطبعا كشفت في التوكيل بالمقطم و التقرير ان العربية تمام بدون اي مشاكل و طبعا بدون اي دهانات
المشكلة عندي ان بحس ان العربية بعد سرعة 100 بتعوم بطريقة ملحوظة جدا لدرجة لو سبت الدريكسيون ممكن تحدف يمين او شمال
ولو عديت من جنب اي عربية في الطريق سواء في نفس اتجاهي او الاتجاه المعاكس بحس بخلخلة هوا جامدة جدا في العربية ودا حصل في اكتر من طريق وفي ظروف رياح متنوعة ( هوا شديد او مفيش هوا خالص) والكاوتش مظبوط نيتروجين عند فيت اند فكس علي 33 زي ما مكتوب علي القايم بتاع العربية
مع ملاحظة اني جربت كل اوضاع الباور ( sport & normal & comfort)
وعشان تتضح الصورة تماما لحضراتكم ان انا جربت انواع عربيات كتير و مختلفة فالحمدلله اقدر اعرف يعني ايه العربية بتعوم او مش متزنة
و اخيرا جبت كارينز الجديدة والحمدلله مقتنع بيها جدا من كلام حضراتكم
بس معكننة عليا المشكلة دي
برجاء التوضيح
هل دا طبيعي ولا المفروض اعمل ايه
وشكرا لاهتمامكم و لردودكم مقدما

[AhmedNaeem]

الكارينز معروفة بقلة ثباتها علي الطريق بس مكنتش متخيل انه للدرجة دي
ان شاء الله حد من الملاك للعربية يفيدك واكتر

[احمد فهمى]

لمعلوماتك كل ال suv عادي وميني والكروس اوفر وال 4x4 بعد ال 100 بيعوم حتي الجراند شروكي 2014 كلهم مش عرييات جري

[ayman_n]

السلام عليكم اخي الكريم
بالنسبة لثبات الكارينز لا غبار عليه و العريية ثابتة جدا
موضوع الأوضاع رياضي و ناعم و عادي ده بيظهر بس على السرعة فوق ال 60
بملاحظة الفرق في نعومة الدريكسيون و بين خفيف و تقيل
العربية دي فيها باور كهرباء وده ثابت جدا لو مفيش فيه عيوب
نصيحتي تروح التوكيل و تخليهم يجربوا العربية
في الغالب لو حاجة بسيطة بتكون علبة ديكور
و لو حاجة كبيرة بتكون وحدة التحكم الخاصة بالدار
و كده ولا كده لو العربية تحت الضمان يبقى كل حاجة سهلة
معلومة أن العربية دي آخرها معايا 178 كم تقريبا و ثابتة جدا على الطريق

[MinaMonir]

السلام عليكم اخي الكريم
بالنسبة لثبات الكارينز لا غبار عليه و العريية ثابتة جدا
موضوع الأوضاع رياضي و ناعم و عادي ده بيظهر بس على السرعة فوق ال 60
بملاحظة الفرق في نعومة الدريكسيون و بين خفيف و تقيل
العربية دي فيها باور كهرباء وده ثابت جدا لو مفيش فيه عيوب
نصيحتي تروح التوكيل و تخليهم يجربوا العربية
في الغالب لو حاجة بسيطة بتكون علبة ديكور
و لو حاجة كبيرة بتكون وحدة التحكم الخاصة بالدار
و كده ولا كده لو العربية تحت الضمان يبقى كل حاجة سهلة
معلومة أن العربية دي آخرها معايا 178 كم تقريبا و ثابتة جدا على الطريق

استاذ ايمن
اولا الف شكر علي رد حضرتك الاكثر من رائع و معلومات حضرتك المفيدة جدا انا عندي العربية بالفعل تحت الضمان وانشاءالله هحجز ميعاد و اروح التوكيل
انا بس كنت عايز اتاكد ان العربية ثابتة ولا هي أساسا مش ثابتة و الحمدلله حضرتك اكدتلي علي ثبات العربية وان عربيتي فيها شيء مش طبيعي عشان لما اروح التوكيل اكيد حضرتك عارف ان الرد الطبيعي بتاع كل توكيلات العربيات في مصر ان دا طبيعي والعربية مفيهاش مشكلة.
بس بعد تأكيد حضرتك علي ثبات العربية الواحد يقدر يتكلم معاهم بقلب جامد.
وبالنسبة لمعلومة ان العربية اخرها 178 كم/ ساعة. بالفعل انا كنت جربتها وكان اخرها قبل ال180 بحاجة بسيطة جدا و دي سرعة كويسة جدا مش محتاجين اكتر منها.
مرة تانية بشكر حضرتك جدا على اهتمامك و ردك الرائع

[ashouhdy]

ثابتة جدا !

ثبات لا غبار علية !!

لا اله الا الله !

طب خلي بالكم ! فعلا احساس الثبات نسبي من فرد للتانى وعلى حسب ركوبتة

[eng.m7md.ali]

اظبط زوايا اعتقد هيا السبب .. لكن مفتكرش الكارينز بالثبات اللي الاستاذ ايمن بيتكلم عنه

[J A G U A R]

غالبا محتاجه ظبط زوايا

كل انواع العربيات العاليه ثباتها على قده
وده عن تجربه مع دودج رام على سرعه 140 كانت بترقص ع الطريق مش بتعوم

[bassem_foda]

اولا ربط عفشة السياره عند حد بيفهم

[houseiny]

مش عارف بصراحة بس انا معايا الكارينز مافيهاش مشكلة الثبات دي بالعكس ثباتها كويس ، حضرتك بس حاول تحافظ على تربيط العفشة وظبط ضغط الاطارات ، يمكن عشان عندي الجنط 17 فالموضوع مختلف والكاوتش 225/ 45/ 17 ، بس الثبات كويس لحد 150 بعد كده بتتهز ، بس الكارينز عربة واطية مش عالية اوي عشان ثباتها يكون قليل ، حضرتك بس ربط عفشة ، واظبط نيتروجين 33 دايماً ، واظبط زوايا وخليهم يقيسو العربية من تحت ممكت تكون خدت مطب محترم على سرعو اثر على زاوية الكامبر او اي حاجة ، بس موضوع الحدف ده يا ما ضغط هوا يا اما زوايا، ان شاء الله حاجة بسيطة

[hi_nmr]

باشا عربيتك فيها مشكله بس متقلقش بسيطه
ازاي 100 تعوم استحاله وكل اللي بيقول ان ده طبيعي معلش كلامكم غير صحيح اكيد الطريق او العربيه فيها مشكله , انتم متخيلين شركات العربيات بتصرف مليارات عشان تصميم العربيه وخلافه عشان السرعات العاليه والثبات والامان ولو مفيش المواصفات دي في اوروبا وامريكا مش هيركبوا عربيات بقي بس المشكله نيجي في مصر نقول العربيه عادي تعوم علي 100 مش منطقي ابدا ابدا باماره ايه والله حرام اللي بنعمله في نفسنا ده
ربط عافشه يا باشا وادعيلي حصلت معايا وبعد دوخه وبالصدفه اتحلت لما ربطت العافشه
تاني مره بقولك متصدقش موضوع 100 كيلو وتعوم دي ربط عافشه مشكلتك هتتحل ان شاء الله

[elenawy]

استاذ ashouhdy انت كنت عامل فى المنتدى موضوع تجربة قياده للكارينز و كنت مبهدل فيه العربيه ازاى بتقول انها ثابته جدا

[ashouhdy]

استاذ ashouhdy انت كنت عامل فى المنتدى موضوع تجربة قياده للكارينز و كنت مبهدل فيه العربيه ازاى بتقول انها ثابته جدا

انا كاتب فين انها ثابتة جدا ؟@@

[elenawy]

ثابتة جدا !

ثبات لا غبار علية !!

لا اله الا الله !

طب خلي بالكم ! فعلا احساس الثبات نسبي من فرد للتانى وعلى حسب ركوبتة

[ashouhdy]

ايوا دة اسلوب تعجب حضرتك :))