عيب صناعة فى الكيا ريو الخليجى!!!!!!

[shawcky1]

السلام عليكم اولا
انا كنت لسة فى موضوع قريب بستفسر منكم عن صوت خشونة فى كيا ريو خليجى لسة شاريها و عاملة 6000كم
الصوت بصراحة كان مدايقنى و روحت التوكيل اللي انا كنت كاشف فيه على العربية
و بالمناسبة انا كاشف على العربية 200كم قبل ما اكتشف الصوت
اهو التوكيل اسمه الرواس فى ٥ شارع النيل فى العجوزة و منصحش اى حد يروحه
قالولى هناك ان العربية محتاجة تغير فيها كلاتش كومبريسور و لما سألت عن العيب قالولى ده عيب منتشر فى الريو الخليجي و التكلفة الإجمالية هتبقى 1750جم
شاملة الكلاتش 1250جم، ٤اورنجات و المصنعية
اول حاجة قولتها بعد ما اتصدمت من المبلغ العيب ده ما ظهرش ليه و انا بكشف؟؟؟؟
قالولى البلية بتضرب فى ثانية و العيب دة مكنش موجود
المهم ما جدلتش معاهم كتير و مشيت
لما رجعت كلمت كيا موتورز و عملت شكوى و المفروض هيردوا علية بكرة
هال فى رأيكوا كيا هيعملى حاجة و لا؟؟؟؟؟
انا انشاءالله لو التوكيل ماستجبش هبعت لكيا كوريا
مستنى رأيكوا يا شباب

[shawcky1]

اه نسيت اضيف حاجة مهمة
العيب ده موجود فى الخليجى كله و متكرر عند الرواس على حسب كلامهم

[aymanshebl]

يا ريت تكشف عند حد تانى ممكن تكون اشتغالة و يعنى ايه عيب فى الخليجى كله؟؟؟؟!!!

[shawcky1]

يا باشا ده مركز خدمة معتمد
و العيب بيقولوا ان هو موجود فى معظم الخليجى و عربيات كتير ظهر فيها العيب ده

[prooo]

النصيحه مره تانيه برجاء الابتعاد عن المركز ده لانهم شكلهم نصابين ..... عندك السبع او توكيل كيا الرئيسي ..... وبالنسبه للاستاذ اللي بيقول ده عيب منتشر في الريو الخليجي .... هو حضرتك جبت الكلام ده منين ... الكلام ده ليس له اي اساس من الصحه لا في الخليجي ولا في الوكيل

[Tmhami]

أنا أول مره أسمع أن الريو سواء الوكيل أو الخليجى فيها عيب فى الكمبريسور
أنا معايا ريو وكيل عامله 45000 كم و مفهاش الكلام ده الحمد لله
جرب تروح لأبو رواش أو القطاميه أتاكد قبل متعمل أى حاجه

[Mohab555]

روح كيا الفرع الرئيسي فى ابورواش او روكسى و شوف ايه الكلام ... المراكز نصابين