في رعشة في العربية (كيا سيراتو 2010)

[mohamed ashry]

في رعشة في العربية بحسها لما الطريق يقف يكون الفتيس علي d واكون دايس فرامل و في رعشة بردو لما ارجع دراع النور وانا واقف
ولما رحت التوكيل علشان صيانة 80 الف مفيش حاجة اتصلحت ولسا الرعشة موجودة
مع العلم اني لو العربية ماشية مفيش رعشة وحتي لما ارجع دراع النور مفيش رعشة طالما العربية بتتحرك

[Dr.M_baz]

اعتقد الوضع ده عادي كل السيراتو كده ....اثناء الوقوف كل تحميل على الموتور بيظهر انما مع المشي العزم بيزيد و تختفي اثار التحميل الزائد.

Sent from my SM-N9005 using Forum Runner

[haygen]

السلام عليكم

مشكله قريبه من نفس مشكلتك حصلت مع واحد صاحبي معاه سيراتو

تعالي كده عند الشكمان وشوف هل هتسمع الرعشة او البرجلة في العربية علي السلانسية ؟؟

ياريت لما تكون في التوكيل اطلب مراجعة الموبينة (الكهربا) يمكن تكون فاصلة وكمان ضفيره العربية ممكن تكون ضعيفة وتطلب تغييرها بالكامل ... ولو قالك هنقوي الضفيره وانت ف الضمان ارفض واطلب تغيير الضفيرة كاملة

تحياتي

[medoragab]

نفس المشكله في عربيا اخويا ... المكانيكي قاله ان في قاعده الماتور مهويه شويه و قاله متغيرهاش . العربيه لسه مكمليتشي 35 الف كيلو و انا شاكك في كلام المكانيكي .

[عبدالله برعى]

لو البطارية اقل من 70 يبقي ذلك هو السبب

[M.Radwan]

قواعد الموتور أو قواعد الشكمان هي السبب غالبا