مقارنة بين الكيا كارينز 2015 ودايهاتسو جراند تريوس 2015

[yasserelshakwe]

اخواني الأعزاء
أنا اعقد مقارنة بين سيارتين اريد شراء واحدة منهم
كيا كارينز 2015 أو دياهاتسو تيريوس 2015
من واقع ملاحظتي سوف اقول مميزات وعيوب ما رأيته
الكارينز :
شكل خارجي جميل جداً - خامات من الداخل جميلة جداً - اكسسوارات في الداخل أيضاً جميلة جداً وايضاً 1600
الجراند تيريوس :
أوسع من الداخل عن الكارينز - العظم من الخارج امتن من الكارينز - ولكن الخامات فقيرة جداً - أعلى من الأرض عن الديهاتسو ولكن 1500 سي سي سعر الديهاتسو ارخص من الكارينز
فأنا ارجو من الخبراء الفاهمين في السيارات افادتي في أيهما اشتري ولكن برجاء بشكل عاجل جداً جداً لأنني ناوي اشتري العربية خلال شهر يناير
ولكم مني كل الود والحب والتقدير على سرعة تجاوبكم معي

[mohamedaghali]

السلام عليكم

اولا حضرتك لازم تحدد ايه احتياجك من العربية هل هو ال7 كراسى والاستخدام الشاق ولا عايز عربية كروس اوفر
مبدائيا انا هاكلمك عن الجراند تيريوس لانى امتلكها 2012 GL full option
عربية واسعة -قدرة استحمال عالية - موتور ناعم ومحترم بس طبعا مش بتاع جرى -جر خلفى وعفشة هايلة انا استخدامى للعربية كله مرمطة وبطلع بيها ارصفة عالية ومشتكتش منها
ال7 راكب بيكونوا مرتاحين مع وجود مساحة صغيرة فى الشنطة تاخد شنطة هاندباج
احساسها نفس احساس ال4*4 والجر الخلفى متعة
تكيفها ممتاز-لاكن مفيهاش الاوبشنز بتاعة الكارينز من مثبت سرعة لكن فى فئة فيها طارة مالتى وتكيف تتش وفوانيس لنس انا الفئة اللى معايا فيها دى فى دى
التوكيل ممتاز قطع غيارها متوفرة فى شارع دمشق ارخص من التوكيل بكتير

[yasserelshakwe]

اشكرك اخي الكريم علي سرعه الرد
وهل يتم وضع بنزين 92 ولا بنزين 95

[elenawy]

متابع

[yasserelshakwe]

اشكركم اخواني جداً على هذه المعلومات ولو عندكم مزيد من المعلومات عن قطع الغيار الخاصة بالكارينز وأين يتم صيانتها لأني لا احب صيانة التوكيل لأنها غالية ومبالغ فيها جداً
أنا ساكن في المعادي هل يتم اصلاحها عند ورش صقر قريش
وعندي استفسار لو سمحتم انا أشعر شوية ان الكارينز ( عفواً ) واطية شوية للأرض هل هذا شعور صحيح ولا مجرد خداع نظر
وبنزين 92 مناسب للكارينز ولا لأ
واشكركم جداً

[kazoza]

اشكركم اخواني جداً على هذه المعلومات ولو عندكم مزيد من المعلومات عن قطع الغيار الخاصة بالكارينز وأين يتم صيانتها لأني لا احب صيانة التوكيل لأنها غالية ومبالغ فيها جداً
أنا ساكن في المعادي هل يتم اصلاحها عند ورش صقر قريش عليك و على السبع في الزهراء او ممكن فرع التوكيلل ف ي القطامية وراء محمد زكي
وعندي استفسار لو سمحتم انا أشعر شوية ان الكارينز ( عفواً ) واطية شوية للأرض هل هذا شعور صحيح ولا مجرد خداع نظر اوطى من اللي قبلها 1 سم بس بس في الاول و الاخر حسب انت هتسوق فين و هتتحمل ايه
وبنزين 92 مناسب للكارينز ولا لأ شغال و ممكن تزود اوكتين بوستر معامل الانضغاط ليها 10.8 ...طبعا 95 هيفرق كتير بس كع يا معلم
واشكركم جداً

[houseiny]

خبراء الكارينز اشكركم كثيراً على هذه المعلومات الجميلة القيمة وانا ناوي اشتريها موديل 2015 هاي لاين
ولكني سمعت معلومة غريبة جداً واريد التأكيد عليها من الخبراء وهي أن الكاوتشات في الكارينز 2015 رياضية وعند المطبات يجب ان اكون بطىء في تخطي المطب ولا اتخطاه بسرعة لأني لو تخطيته بسرعة سوف ينفجر الكاوتش في لحظة
هل هذه المعلومة صحيحة أم لا

ياباشا لأا طبعاً ، دي ماشية على كاوتش مش بلالين العيد ، هي بس لازم تحافظ عليها شوية عشان متعملش بلالين ، هو الكاوتش الكوري بتاعها ضعيف ، وبعمل بلالين ، لكن انا ركبتلها كاوتش بريدجستون ياباني نفس المقاس اللي فيها 225 على 45 / 17 وبصراحة الحمد لله معملش معايا اي مشكلة لانه مقوي من الجناب احسن من الكوري مليون مرة وصوتة انعم بكتير من الكوري ، متقلقش من الكاوتش خالص ، بس خد بالك من المطبات شوية بس المقاس ده بيديها ثبات على الطريق حلو جداً ، احسن من ال16 كمان

[yasserelshakwe]

اشكركم جزيلاً على هذه المعلومات القيمة
واتمنى المزيد من النصائح لأن الفلوس في الغربة مش بالساهل والله