مشاكل في سيراتو 2010 رجاء المساعدة

[dr_rimon]

انا لسه جايب سيراتو 2010 هايلاين جنوط 16 من شهرين تقريبا
بس في مشاكل في العربية و عايز رايكوا فيها

اوﻻ:
من ساعة ما الجو بقى برد و العربية في اي مطب بتزيق من العجل الامامي و لو بالنهار تزيق شوية و بعدين تبقى كويسة و لو باليل في السقعة تفضل تزيق طول مانا سايق

ثانيا:
في فواصل الكباري بحس ان العربية "من ورا" بترمي او بتعوم مش عارف اوصفها بس بحس ان العربية من ورا مش مظبوطة


ثالثا:
وانا فوق سرعة 90
لما ادوس فرامل العربية بتروح يمين و شمال بطريقة غريبة
هي الفرامل حلوة جدا لكن بتخلي العربية تعوم كده و التيل جديد

[aymanshebl]

اغسل العفشة من تحت فى بنزينة و اكشف على العفشة كويس بعد كده

[mhmd_farouq]

اولا الف مبروووك يا باشا ربنا يكفيك شرها، التزييق ده بيكون عادي لحد مالعربيه تسخن، الحدفه اللي ورا بتحصل عادي معايا بالذات مع عيون القطط العاليه اوي، بس للامان اكشف عالعفشه وانشاء الله خير مش هيطلع في حاجه، ممكن اعرف من حضرتك الكيلوهات وسعر العربيه

[Mecha]

التزييق جلب مقصات واتاكد السوست مقصرتش
نيجي للعومان ,العربيه اتلعب فيها واتحط علايات او سوست مختلفة؟
جشم الفرامل الخلفيه تمام؟؟؟

[ahmedelrayan]

الف مبروك يا باشا ربنا يديك خيرها ويكفيك شرها حضرتك هتروح تكشف على العفشة فى اى مكان محترم وموضوع التعويم ممكن فعلا تكون فى علايات هى اللى عاملة المشكلة دى

[dr_rimon]

اولا الف مبروووك يا باشا ربنا يكفيك شرها، التزييق ده بيكون عادي لحد مالعربيه تسخن، الحدفه اللي ورا بتحصل عادي معايا بالذات مع عيون القطط العاليه اوي، بس للامان اكشف عالعفشه وانشاء الله خير مش هيطلع في حاجه، ممكن اعرف من حضرتك الكيلوهات وسعر العربيه

عاملة 75000 كيلو
و خدتها علي 105

[dr_rimon]

الف مبروك يا باشا ربنا يديك خيرها ويكفيك شرها حضرتك هتروح تكشف على العفشة فى اى مكان محترم وموضوع التعويم ممكن فعلا تكون فى علايات هى اللى عاملة المشكلة دى

شكرا على الرد
لو كشفت و لقيت علايات اشيلها؟؟

[dr_rimon]

التزييق جلب مقصات واتاكد السوست مقصرتش
نيجي للعومان ,العربيه اتلعب فيها واتحط علايات او سوست مختلفة؟
جشم الفرامل الخلفيه تمام؟؟؟

شكرا علي الرد بس يعني ايه جشم الفرامل ؟

[Mecha]

[dr_rimon]

انا نزلت لاتنين بتوع عفشة النهارده

واحد قاللي دراعات دركسيون

و التاني قاللي جلب مقصات و مساعدين !!!

و و معملتش حاجة ايه رايكوا

[عبدالله برعى]

لا تقلق
عادي جدا وامور بسيطة
1 موضوع الحدفة يمين وشمال ظبط زوايا
2 مرضوع لتزييق لو من تحت العربيه اغسل العفشة وشحمها بشحم ابيض سبراي
3 بتعوم ورا مع مفاصل الكباري... العيب دا في السيراتو بيظهر لما ون في حاجة في السوست ورا ار المساعدين او يكون معمول تعديل او علايات
ودمتم
اتمتع بعربتك السيراتو 2010 عرببه بتتحمل الظروف وجيدة جدا