صفارة عند تشغيل كيا سيراتو 2015

[kkoko]

يجماعه بعد اذنكو عاوز اسستفسر عن حاجه في كيا سيراتو 2015 وكيل
انا لما بدور العربية الصبح او بليل وانا خارج عموما بسمع زي صوت صفارة خفيف كده خارج من الشكمان وانا واقف برة العربية لكن وانا جوة مبسمعوش عاوز بس اطمن الصوت ده طبيعي ولا اية مع العلم ان العربية لسه جديده مكملتش 250 كيلو

[Mohab555]

صوت طرمبه البنزين لا تقلق نفس الصوت فى كل عربيات الكيا و الهيونداى

[hi_nmr]

هو الصوت ده في الوكيل بس ؟؟

[kkoko]

هو الصوت ده في الوكيل بس ؟؟

لا اعتقد انه في الوكيل والخليجي لان العربية بتبقي واحده

[hi_nmr]

انا عمري ما لاحظت الصوت ده الحمد لله وعربيتي خليجي
هل في حد تاني ممكن يأكدلنا المعلومه ويضيف هل سمع الصوت ده هو كمان ولا لا

[engahmadsamy]

الصوت موجود عندي وطبيعي كل ما أجي ادور ( سيراتو 2015 ) وكيل

[m_sasa_87]

الصوت موجود عندي في العربية و بيكون واضح لما أكون واقف في مكان هادي او جنب حيطة لكن لما أكون جوا العربية مبسمعوش - عربيتي كيا ريو 2013 هاي لاين وكيل

[kbarema]

عادى متقلقش

[anadrol]

هو الافضل ان الواحد يشترى سيراتو 2015 وكيل و لا خليجى؟ و ايه الفرق بينهم

[hi_nmr]

الصوت موجود عندي في العربية و بيكون واضح لما أكون واقف في مكان هادي او جنب حيطة لكن لما أكون جوا العربية مبسمعوش - عربيتي كيا ريو 2013 هاي لاين وكيل

باشا الصوت اللي انت بتوصفه ده صوت جنزير الكاتينه داخل المكنه لكن احنا بنتكلم علي صفاره من عند الشكمان

[hi_nmr]

هو الافضل ان الواحد يشترى سيراتو 2015 وكيل و لا خليجى؟ و ايه الفرق بينهم

الموضوع طويل شويه بس هختصرلك فيه بمقارنه بسيطه وانت شوف الانسب ليك
الضمان في الوكيل لكن الخليجي لا او بتشتريله ضمان بفلوس اضافيه
العافشه في الوكيل اقوي من الخليجي
المكنه والفتيس اقوي في الخليجي من الوكيل
الاوبشن في الخليجي اكتر من الوكيل
تقفيل الخليجي افضل من الوكيل

دا باختصار كده وان شاء الله باقي الاعضاء يكملوا اي نقاط ممكن اكون نسيتها او حاجه

[Dr . Mohamed]

الموضوع طويل شويه بس هختصرلك فيه بمقارنه بسيطه وانت شوف الانسب ليك
الضمان في الوكيل لكن الخليجي لا او بتشتريله ضمان بفلوس اضافيه
العافشه في الوكيل اقوي من الخليجي
المكنه والفتيس اقوي في الخليجي من الوكيل
الاوبشن في الخليجي اكتر من الوكيل
تقفيل الخليجي افضل من الوكيل

دا باختصار كده وان شاء الله باقي الاعضاء يكملوا اي نقاط ممكن اكون نسيتها او حاجه

بالنسبة للصوت اللى من الشكمان طبيعى وقت التسخين فقط ، و عندى نفس الشئ
الكلام اللى فوق فى الاقتباس مفيش شئ صحيح الا الاوبشن فى الخليجى اكتر و الضمان فى الوكيل

[m_sasa_87]

باشا الصوت اللي انت بتوصفه ده صوت جنزير الكاتينه داخل المكنه لكن احنا بنتكلم علي صفاره من عند الشكمان

الصوت بسمعه من عند الشكمان مش من عند الموتور و هوا بيكون زي صوت صفارة و موجود طول الوقت مش عند تسخين العربية بس

[abaza_momo]

دي طلمبة البرنزين يا باشا ..عااي جدااا

[khaledazizeg]

حضرتك التانك موجود تحت الكنبه الخلفيه وانتا فى بدايه دوارتك هتسمع الصوت لمده ثوانى وهيختفي ودا موجود فى معظم العربيات الجديده فدا ماتقلقش منه بس السؤال برده هوا الصوت لازم تكون فى مكان هادئ جدا عشان تسمعه لكن لو الصوت عالى لدرجه انك بتسمعه عالى وانتا برا العربية زفى دوشه مثلا يبقي روح اكشف على الطرمبه بتاعت البنزين