محتاج مشورة مهمة منكم

[أحمد عيسى]

كنت حيران بين عربيتين كبار لانسر شارك وكيا سيراتو وقلت اجرب ركوبة الاتنين مع صحابى واقرر ركبت القرش فقيرة داخليا وصوت الموتور عالى فى الكابينة _انا عارف انه موتور قوى لكن مش محتاجله محتاج نعومة وصوت هادى فى العربية ركبت السيراتو واستمتعت جدا بيها لكن تعليقى على قطع الغيار الغالية جدا فى سعرها
ركب البيكانتو وارتحت لها جدا وكمان عشان موفرة فى البنزين وانا مش محتاج عربية كبيرة لانى معايا بى واى دى رأيكم أجيب بيكانتو ولا لأ وكمان اجيبها خليجى ولا هاى لاين وكيل _ أسف جدا للإطالة

[crazy car]

السيراتو قوة واناقة
ملحوظة موتور السيراتو أقوى من موتور الشارك
اللانسر صينى اليابانى :)
من الاخر لو عاوز يابانى يبقى تويوتا او هوندا

[خالد دياب]

ماتور الشارك لنسر mivec اقرا عليه على النت الاول قبل ما تقول كلام وخلاص والمنافسه بينه وبين ماتور i-vetec بتاع الهوندا وبالنسبه لماتور السيراتو 125 حصان لو الصافي بتاعها وصل ل 100 تحمد ربنا وش وضهر وطلعت او نزلت مع خالص احترامي كوري مش ياباني مش حابب اتكلم في النقطه دي كتير علشان انا بحب السيراتو . و الشارك 117 حصان بعد الفقد 112 انا بس حابب تشوف معلومات عن ماتور mivec وترجع تحكيلي رايك ايه وكلنا بنتعلم في الاول والاخر وبالنسبه للاستاذ احمد عيسى لو مرتاح مع السيراتو هتها احسن من البيكانتو وبالتوفيق

[adel_edrees]

السيراتو قوة واناقة
ملحوظة موتور السيراتو أقوى من موتور الشارك
اللانسر صينى اليابانى :)
من الاخر لو عاوز يابانى يبقى تويوتا او هوندا

ياراجل بقى اللانسر صينى اليابانى الشارك صاجها كويس و هى عربية كويسة و ممتازة لكن السيراتو تكتسحها شكلا و فخامة و قوة وأداء

[mr.moustafa]

بما انك ركبت الاتنين بنفسك ، يبقى الحكم يكون منك و ليك
شوف اللي مريحك
أخي الحبيب اللي بيقول "طلعت او نزلت مع خالص احترامي كوري مش ياباني" عايز اقولك ان مصر أم حضارة 7000 سنة دلوقتي من الدول المتخلفة ، و اليابان دلوقتي دول كتيير بتنافس منتجاتها و منهم الهند اللي بقت بتصنع عربيات شركة نيسان يابانية الأصل ، على الاقل كيا بتتصنع في بلدها و مصانعها الأصلية
بدون نقاش كتيير الحكم على السيارة دلوقتي ليه معايير و مواصفات عالمية بدون النظر لياباني او حتى صيني

و المقارنة ليها نقاط كتيير قد يكون منهم بلد المنشأ لكنها عمرها ما كانت الفرق الحاسم في المقارنة الا عند واحد تفكيره قديم جدا و ضيق و محدود

[Dr.M_baz]

أنا لو بختار بين اﻹتنين أختار السيراتو.

Sent from my SM-N9005 using Forum Runner

[bakkarahmed]

من واقع امتلاكي للاتنين انا باحب السيراتو..والشارك عربيه برده كويسه
اي حد يحب يشتري ﻻزم يركب بنفسه ويجرب ويختار اللي يريحه

[MR . Gold]

اللي بيقول السيراتو 125 حصان احب اوضحلة السيراتو 130 حصان لا واية بيقولك دي لو طلعت 100 حصان بوس ايدك وش وضهر .. اقولك تعالي وهات اجدع شارك وامشي معايا نشوف الكوري والياباني

[Yousef.Kamel]

اللي بيقول السيراتو 125 حصان احب اوضحلة السيراتو 130 حصان لا واية بيقولك دي لو طلعت 100 حصان بوس ايدك وش وضهر .. اقولك تعالي وهات اجدع شارك وامشي معايا نشوف الكوري والياباني

اوعه السريع

[أحمد عيسى]

الحمد لله مقتنع بالسيراتو كتير عن الشارك ومتشكر لكل الأخوة اللى ساعدونى

[megaarts]

بالرغم اني بفضل السيراتو عن اللنسر عموما بس انا شايف ان اللنسر صفقة رابحه وسعرها كويس ومش مبالغ فيه زي السيراتو وكمان متنساش حاجم مهمه جدا انت بتقارن عربيه بقالها 10 سنين في السوق بعربيه مبقلهاش سنتين يعني اكيد التصميم والكماليات في صالح السيراتو

[aymn6666]

الشارك 117 حصان ببنزين 95
ومع بنزين 92 الي هو مكملش87
نسبه فقد الاحصنه كتير جدا مش112
لاكن السيراتو موتيرها اوكتين 92
بدون اي مشكله ..وحتي لو في فقد
مش حتفقد 30حصان
يعني 25%