عيوب كيا سيراتو 2015

[محمد مجدي محمد]

السلام عليكم ورحمة الله وبركاته
انا حاليا معايا لانسر كﻻيستالة 99 و قررت اني ابيعها و اشتري سيارة جديدة
و انا ميزانيتي 140000
ف ان شاء الله قررت اني اشتري سيراتو 2015 اول فئة خليجي
بس كنت عايز اعرف عيوبها
و عايز اعرف اية اخبار 1.العفشة
2.الثبات
3.الفرامل بدون abs
4.سعر قطع الغيار لاني سمعت انها غالية
5.السحب
6 استهلاك البنزين

[ايهاب مأمون]

عربيه ممتازه انا معايا التوب ﻻين 2015 ومريحانى

[محمد مجدي محمد]

شكرا أستاذ ايهاب
و ربنا يحفظهالك
بس يا جماعة مفيش غير اجابة واحدة
عموما شكرا علي المساعدة و تعاونكم معايا
و انا غلط اني سألت

[DEVIL333]

انا معايا الهاى لاين عربيه ممتازه

[bakkarahmed]

هيا في المجمل عربيه كويسه كسحب وثبات وعفشتها اتحسنك بشكل كبير عن القديمه
قطع غيارها تقريبا نفس قطع غيار اﻻلنترا ومش غاليه غير في الفوانيس الليدات
المشكله ان اول فئه فاضيه وفقيره وحلاوه السيراتو الجديده في اﻻوبشنز اللي فيها...انا ندمان اني ماجبتهاش توب ﻻين مع اني جايبها اعلي فئه جنط 16..تحس حتي الفرق في الشكل كبير بين الهاي ﻻين واول فئه كانها عربيه تانيه

[borio1704]

هو أكبر عيب فيها هو أصوات الصفير في الفرامل.. وبتطلع بعد استخدام 4-5 ألاف كيلومتر على السرعات القليلة أقل من 30 كم/س.

بصراحة حاجة تعكنن.

فيه ناس بتروح التوكيل يغيروا تيل وطنابير.. بس أنا مش شايف عيب غير إن نوع التيل فعلا رديء .. بس مالوش تأثير على قوة الفرامل.

غير كده.. العربية زي الفل.


...