موضوع سرقه كيا سيراتو

[ashrafmahmoud93]

السلام عليكم
ياجماعه انا بفكر ف كيا سيراتو ٢٠١١ بس خايف من حكاية السرقه وان العربية بتتسرق بسهولة جدا ممكن اعرف ايه الموضوع دا وهل ليه حل ولا اصرف نظر عنها وافكر ف لانسر شارك مثلا وجزاكم الله خيرا

[ياسر يوسف]

الشارك احسن طبعا من جميع الوجوه

[ashrafmahmoud93]

بس اللانسر شارك هتكون ٢٠٠٨،

[ياسر يوسف]

ولو ...المستعمل حاله وليس مودبل كام اهم شيء تكون العربيه نظيفه

[Dr . Mohamed]

أحسن من كل الوجوه ازاى بس
هى اللانسر شارك عربية أصلاً ؟؟!! ، دى التوك توك شكله تقفيله أنضف منها ، مفيهاش أى وجه جمالى ، و قطع غيارها غالية نار مقارنة بالكيا ،و أقل انتشارا ً

[ashrafmahmoud93]

طيب يادكتور محمد ازاى بتتغلب ع موضوع السرقه دا انا اسمع انها بتتسرق بسهولة جدا

[mr.moustafa]

يعني ايه لانسر شارك ؟!!! لانسر عربية و شارك عربية
المهم يعني انت شايف ان السيراتو بتتسرق و اللانسر او الشارك لأ ؟!!
عموما منتشر دلوقتي جهاز بيركب في السيارة زي الايمبولايزر بالضبط

[ashrafmahmoud93]

ايوا هيا اسمها كدا لانسر شارك ايه الغريب ف كدا مش كل واحدة عربيثة ولا حاجة وانا عارف ان اى عربية بتسرق بس كان انتشر ان سرقة السيراتو سهلة جدا المهم بعيد عن موضوع السرقة مين افضل فيهم بامانة

[Dr . Mohamed]

الموضوع ان كله بيقول عربيته الأفضل
لكن حضرتك شوف متطلباتك ايه
أنا معايا السيراتو و بصراحة عرفت ان الكورى محترم جداً و صيانته سهله و مش مكلفة ، و قطع غيارة فى كل حته
الشارك مش وحشة بس مش هتستمتع بيها زى السيراتو لان السيراتو مليانة اوبشن و مريحة جداً
بالنسبة للسرقة ربنا يكفينا شرها السوق مليان اجهزة انذار و تتبع و فصل طرمبة بنزين و الأفضل من كدا تركنها فى جراج و تريح نفسك من الهم دا
و مبروك مقدماً

[migoph]

السيراتو افضل طبعا شكلا و موضوعا

شوف هات سيراتو يبقي فيها ايموبليزر و ركب انذار او اعمل فصل ل طرمبه البنزين

وفي الاول والاخر ربنا يسترها

[crazy car]

أحسن من كل الوجوه ازاى بس
هى اللانسر شارك عربية أصلاً ؟؟!! ، دى التوك توك شكله تقفيله أنضف منها ، مفيهاش أى وجه جمالى ، و قطع غيارها غالية نار مقارنة بالكيا ،و أقل انتشارا ً

أؤيدك بقوة :)

السيراتو طبعا ويا سلام بقى لو الجديدة

[ashrafmahmoud93]

يعنى السيراتو 2010 مش الجديدة احسن من الشارك ياجماعه انا اهم حاجة عندى العفشة متدبش ف المطبات والحفر وكمان الصالون الشيك ؟

[S O P H O S]

حسب الفئة وبردوا هتحط وسائل تأمين
وربنا هو الحافظ