غطاء موتور كيا ريو 2015

[nagy wassef]

صباح الخير يا رجالة
سؤال سريع
هل الكيا ريو الخليجى بيجى معاها غطاء الموتور البلاستيك ولا لأ؟
علشان انا بالصدفة ملقتوش عندى ولكن مكان المسامير بتاعته واضحة جدا
و عملت صيانة الف عند توكيل القاهرة و هى دلوقتى ماشية الفين
ممكن يكونوا نسيوا يركبوه؟ ولا هى بتيجى منغيره؟
شكرا مقدما

[nagy wassef]

ايه يا رجالة ملاك الريو راحو فين؟

[mhf_77]

للاسف التجار هنا بيفكو الغطا ده وبيخدوه من (الخليجى )وبيخدو كمان بطانة الشنطة او الكبوت اوالكاسيت الاوريجينال ويحطو مكانو دى فى دى صينى وكاميرا يضحكو بيه على الناس فانت تنزل الحرفيين وتجيب اى حاجة ناقصه وتركبها

[nagy wassef]

لا حول ولا قوة الا بالله
يعنى الواحد دافع دم قلبه فى عربية علشان يشتريها من تاجر كسبان قد كده
وكمان يسرق من العربية؟

[mhf_77]

للاسف هو ده اللى بيحصل هما بياخدو اى حاجة من دول يا الغطا بتاع الماتور يا بطانة الشنطة يا بطانة الكبوت يا كاسيت العربية يا كل دول مع بعض انت وحظك ولو كلمتو هيقولك عشان يخف من جماركها وابيعهالك اقل من الوكيل وده طبعا نصب لان الحاجات دى ملهاش تأثير على الجمارك

[nagy wassef]

يارب البلد دى تنضف اقبل ما ربنا يفتكرنى
انشالله بيوم واحد

[mr.moustafa]

يارب البلد دى تنضف اقبل ما ربنا يفتكرنى
انشالله بيوم واحد

ههههههههههههه لو انت سنك اكبر من ثلاثين سنة يبقى صعب تشوف اليوم ده

[nagy wassef]

للاسف مش هلحق فعلا
و على فكرة ولا لقيت بطانة الكبوت ولا لقيت غطاء الموتور
بس انبسط انى لاقيت الموتور

[Tmhami]

يا جدعان , الوكليل نفسه مفهوش غطاء موتور
أنا معايا ريو 2013 وكيل و من غير غطاء موتور
أذا كان الوكيل بيسرقنا يبقى كمان لازم الخليجى يسقنا و كفايه أنهم سبولنا الموتور

[nagy wassef]

سألت عليه جديد فى كل حته ملقتوش
شكلى هروح الحرفين وربنا يسهل