عيوب سبورتاج 2015

[amr_naser]

يا جماعة انا بفكر اشترى سبورتاج بس ناس خوفتنى منها وبتقول
فيها زوايا ميتة كتير خصوصا فى الملفات
المرايا اللى فى النص مش بتبين حاجة من الطريق لان مساحة الزجاج الخلفى صغيرة
بيطلع منها اصوات مع مرور الوقت وطقطة
الفتيس يفضل بنقل على نقلات عالية عشان توفير البنزين وبالتالى مش بتلاقى القوة وقت ما تحتاج تدوس وتاخد وقت
العزل بتاعها مش كويس على السرعات يعنى لو ماشى 120 بتسمع صوت الهوا والدوشة
بتحس بكل نقرة فى الطريق وناشفة

يا جماعة افيدونى

[engaass]

يا جماعة انا بفكر اشترى سبورتاج بس ناس خوفتنى منها

بص انا معايا سبورتاج فى السعودية من سنتين وهرد عليك عن تجربة
وبتقول
فيها زوايا ميتة كتير خصوصا فى الملفات

متقلش من الموضوع ده خالص انا شخصيا محستش الموضوع ده خالص

المرايا اللى فى النص مش بتبين حاجة من الطريق لان مساحة الزجاج الخلفى صغيرة

برضه مش حاسس بيه خالص
وبعدين التعامل مع ابعاد العربية ده مسألة تعود
بيطلع منها اصوات مع مرور الوقت وطقطة

مش صحيح وبعدين طالما هتحافظ عليها وهتعملها صيانه مش هتلاقى مشاكل ان شاء الله

الفتيس يفضل بنقل على نقلات عالية عشان توفير البنزين وبالتالى مش بتلاقى القوة وقت ما تحتاج تدوس وتاخد وقت

طبعا انا اللى معايا 2000 سى سى فمش هقدر ارد على النقطة دى

العزل بتاعها مش كويس على السرعات يعنى لو ماشى 120 بتسمع صوت الهوا والدوشة

ديه فعلا حقيقة مرة بس اعتقد فى مصر ممكن تلاقى حد يظبطلك الموضوع ده

بتحس بكل نقرة فى الطريق وناشفة

ده برضه صح عشان علو العربية وان العفشة رياضية وفعلا انا ساعات بحس بكل نقرة فى ضهرى بس ده موضوع نسبى يعنى ممكن ترتاح فى القعدة بتاعتها ومتحسسش بالموضوع ده

لازم تجربها الاول

يا جماعة افيدونى

[foxawy]

خليل فى قشقاى 2015 او سوبارو ابعد عن كيا و هيونداي

[محمد مجدي محمد]

انا اسمع عنها انها مش ثابتة اوي فوق 130 كم/س
و عفشتها ناشفة شوية
و صاجها خفيف
انت ممكن تفكر في القاشقاي الجديدة

[Abu El Fadl]

كيا سبورتاج 2015

تجربتي مع كيا سبورتاج 2015 - كان هناك استهلاك قوي للبنزين (14 لتر/100 كم) - وعملت الحركة دي ...ذهبت للتوكيل وسألت عن تنظيف دورة الوقود فقالوا 2800 ج - خرجت وبعد ما استهلكت البنزين ال 92 اللي كان في العربية - اشتريت أبرسيلندر لتنظيف الانجكشن بـ 137 جنيه وفولت 95 وحطيته في نص التفويلة ..وأخدت مشوار جامد علي سرعة 140كم بعدها أصبح الاستهلاك (8 لتر لكل 100 كم ) - جربوها وعلي مسئوليتي