تحية شكر وتقدير للاستاذ وائل فوزى

[Karim_Monir]

السلام عليكم ورحمة الله وبركاته

وائل فوزى الشهير بـ ابو ليلى :)
منسق قسم كيا
طبعا غنى عن التعريف وبصماته في كل موضوع من موضوعات قسم كيا خاصة والمنتدى عامة
احب اتوجه له بالشكر على مجهوده التميز والرائع على مدى سنوات متتالية في النهوض بالقسم
والحفاظ على تميزه وتوفير كل التعاون بين الاعضاء
ابو ليلى غائب من فترة عن المشاركة نظرا لانشغاله الشديد وهو اعتذر اكتر من مرة عن الاستمرار كمنسق لقسم كيا للاشنغال وكان عندنا امل ان وقته يسمح ويلاقى وقت للمشاركة ولكن للاسف ظروف الحياة والعمل اخدته مننا
ونتمنى ان شاء الله يلاقى وقت ويرجع يساعد ويشارك من تانى
باسمى وباسم ادارة نايل موتورز نتوجه بجزيل الشكر والتقدير للاخ والصديق وائل فوزى
على كل ما بذل من مجهود وموضوعات ومشاركات ومقابلات
حقيقى مش لاقى كلام يوفيك حقك يا وائل
ربنا يكرمك ويوفقك في شغلك ويجعل كل معلومة قدمتها وساعدت بيها صدقة جارية في ميزان حسناتك ان شاء الله

[M7amD_7amDy]

ابو ليلى حبيب الملايين

وحشتنا ياكبير

[احمد المصرى]

من الناس المحترمه ولكن لم يحالفنى القدر انى التقى به وان شاء الله التقى به قريبا

[tarek_rcc]

تحية لاستاذى ابوليلى وصديقى الذى لم التقى به بعد ،،،،،،

[S O P H O S]

انسان خلوق جدا ربنا يوفقه
ويفضل معانا طول ما وقته بيسمح بكده

[moha4tec]

الاخ الكبير ابو ليلى .هو اللى شال القسم على اكتافه و عمل المقابلات و عرف الناس على بعضها و مكتفاش اننا نتكلم من خلف الكيبورد فقط .و بسبب المقابلات دى عملنا صداقات للعمر .
ربنا يجازيه خير عننا و على المعلومات و الافاده اللى هو كان سبب من اسبابها .
لا اجد ما اوفيك حقك استاذ ابو ليلى .كنت و مازلت فى القلب و ستظل باذن الله مناره فى عالم السيارات و الاخلاق الحميده .