افيدوني يا اهل الخبرة

[btob_3]

السلام عليكم و رحمة الله و بركاته
ياحماعه انا معايا سيراتو 2011 كامله الجنط ال 16 يعني فيها كل حاجه عدا البلتوث و الستارت انجين
العربية عاملة تقريبا 69000 و كسور , من اسبوع كدا لقيت العربية فيها رعشه و صوتها مش مظبوط و مابتسحبش
روحت للمكانيكى بص على البوجيهات ة غيرها ة غيرت موبينة البوجيه التالت عشان كان فيها قطع و بتهرب كهرباء ..
الخميس اللي فات عملتلها صيانة
غيرت الاتى
فلتر هواء الاصلى
فلتر بنزين الاصلى
بوجيهات الشامبون الاصلية
سير المجموعة الاصلى
زيت فتيس موبيل 320
فلتر زيت الفتيس الاصلى
ونضفت الرشاشات عالكمبيوتر
و تنضيف البوابة و الحساسات وتم عمل اللازم
العربية بقى لسه مخنوقة و مابتسحبس و لازم اكبس بنزين جامد عشان تمشى و صوتها مش مظبوط و بحس ان صوت الماتور عالى مع السرعات و بين كل نقلة و التانيه الاربى ام بيهدى و ينزل مع نفسة من 2.5 او 3 مثلا الى 1.5 مع انى دايس نفس الدوسة و لو حبيت امشى و اشد حاسس ان العربية مش قادرة تمشى و لازم اتعافى عليها عشان تمشى .
اعمل ايه طيب

[mr_green]

جرب تكشف كومبيوتر لو فيه أى Errors

ربنا يكرمك و تلاقى حل بس إللى أنا ممكن أقترحه إنت عملته - أتمنى حد يفيدك أحسن منى

[btob_3]

الف شكر ليك ياباشا
هل ممكن يكون في ارور من غير ما لمبة الشيك انجين تنور؟

[ahmedelrayan]

معنى انك تغير كل ده والعربية زى ما هى يبقى ده مالوش غير معنى واحد ان فى حساس من الحساسات فيه مشكلة

[mr_green]

لو حساس معلق أو بايظ هايبان فى كشف الكومبيوتر إن شاء الله - إكشف يا باشا و عرفنا عملت إيه

[btob_3]

انشاء الله هبلغكم . بس علي يوم الحد الجاي لاني في الشغل دلوقتي ..لو حد يعرف حد محترم في المعادي يبقي جازاه الله خير .بس اللي محيرني أن الشيك انجين مش مطلعه ارور خالص

[btob_3]

مفيش ياجماعه حد عندو أي رأي ولا أي نصيحة

[btob_3]

اعمل ايه طيب
روحت النهاردة التوكيل اللي في المعادي في تقاطع الدائري مع الاوتوستراد حطهها علي الكمبيوتر و عملنا تست مفيش اي حاجه . نضف تاني البوابه و الرشاشات و برضو العربيه مش مظبوطه و ديل الشكمان زي مايكون ففي صدا دا ماكانش موجود قبل كدا و صوت العربيه زي مايكون في كركره كده و مش مظبوط انا غلبت و الله

[mr_green]

حيرتنى معاك و الله :( و زعلانلك

مش عارف أقولك إيه بس كده حلك تروح أبو رواش سمعت إن هناك فى مهندس كورى متواجد أيام معينه بيجيب من الآخر إسأل عليه و روحله و طمنا

[btob_3]

ناس في الجروب بتاع كيا علي الفيس بيقسموا أن دا حساس شكمان. و في حد قالي موضوع الأر بي ام دا من كهرباء العربية

[mr_green]

والله لو حساس شكمان جرب أنا شاكك فيه برده بس مش متأكد

روح التوكيل أو مركز بتتعامل معاه - غير جرب إشتغل مبروك ماشتغلش رجعه تانى

[Abo_Mazen]

والله أنا حاسس إنها مشكلة بنزين زباله معفن ...إستنضف بنزينه تكون سمعتها كويسه وفول منها وشوف المشكله دي هتتحسن ولا إيه

[Dr.M_baz]

فعﻻ ممكن تكون تفويلة بنزين مش مظبوطه واثرها لسه في التانك.
حاول تخلص البنزين إللي فيها وفولها من مكان مضمون.

Sent from my SM-N9005 using Forum Runner

[btob_3]

لا ياجماعه الموضوع مش بنزين ، هل ممكن الموبينه يكون فيها حاجه انا جربت و غيرت ماتور طلمبه البنزين و غيرت المبانين حسيت أنها كويسه لما المباين اتغيرت بس حسيت أن هتعمل عليا حفله الراجل بيقولي 1200 و هما استيراد . قلتلهه فكك مع العلم أن ممكن ماتكونش هيا اللي فيها العيب