ارجو الافادة كيا سيراتو ٢٠١٥ هاي لاين ولا النترا ٢٠١٥ فولي لوديد

[seniormedo]

بعد اذنكم انهي افضل كيا سيراتو ٢٠١٥ هاي لاين ولا النترا ٢٠١٥ فولي لوديد انا تعبت خلاص من التفكير و ال مقلقني من سيراتو ان في ناس بتشتكي من ثبات العربية ارجو الافادة

[meka1990]

طب متشوف الفلوانس الفئه اللي فيها فتحت سقف و كل حاجه ارخص و تبقي ركبت عربيه انضف بكتير من الكوري و لو عرفت تحجز تست درايف هتفهم قصدي ايه بدل متجيب عربيه ورق و منظر علي الفاضي ده لو اعتبرنا ان الكوري منظر اصلن , و مش عايزك تزعل مني اني بتكلم كده علي الكوري انا اصلن راكب rb و مطلعه عيني و مسروق من اختي الانترا و مش مشكله لما الناس تجيبهم اول فئه بفتحت سقف و بلوتوث عشان عايزين ابشنز و خلاص لكن انت عايز اعلي فئه فحرام فيهم الفلوس طالما كده كده هتدفع

[kbarema]

نصيحه بلاش تدفع المبلغ الضخم ده في كورى
انا بتكلم عن تجربه كان معايا النترا 2012 وبعتها وكنت بحبها جدا علشان كانت سريعه وخفيفه هي الجرى اوى وشكلها كان مشكله
لكن كنت عارف ان عمرها قصير والخامات تعبانه وكمان الامان مش موجود
حضرتك ممكن تشوف رينو او كروز او تيوتا

[samihanwar]

عن نفسى الالنترا طعمها مختلف جدا عن السيراتو

[seniormedo]

شكرا لحضارتكم علي اﻻفادة ال مخليني اشتري الكوري بالسعر ده ان قطع غياره متوفرة وباسعار معقوله عن التويوتا والرينو ليا صديق معايا الكوروﻻ الجديدة عربية وحش وكل حاجة بس بيقولي قطع غيارها غالية كده ده السبب ال مخليني عاوز اجيب الكوري

[migoph]

مع احترامي لكامل الاراء

السيراتو اختيار ممتاز واحسن من الالنترا في الثبات و الاوبشنز

وكمان الفلوانس كويسه بس يعيبها الطلعة ( بطيئة نسبيا)

لو بتفكر في السيراتو توكل علي الله >>> وان شاء الله مش هتندم

[akodous]

انا كان معايا نيسان جوك وبعتها بسبب الفتيس ال cvt وكنت محتار حيرتك دي و جيبت سيراتو هاي لاين في الاخر و حقيقي الحمد لله انسطت جدا لفيت على الالنترا و الفلوانس و الاسترا و الفوكاس و سمعت كلام حد ينزل من ياباني و يركب كوري وكلام بيوزعوها في الجمعيه بس بعد مااشتريت ماندمتش خالص ندمت ان انا ماجيبتهاش لما كانت قدامي و جبت الجوك عربيه هايله تقفيل هايل اوبشنز كتير واسعه قطع غيار مراكز صيانه في كل حته عايز تبيع هتبيع وانت حاطط رجل على رجل الالنترا شكلها هيتغير السنه دي و الفلوانس بطه الصراحه فتيس بطىء ونفس الوسع تقريبا الفوكاس ادخل على الجروب بتاعهم على الفيس كل العربيات ضاربه فتيس و الاسترا منصور الوكيل بتاعها حاطط على الناس .... توكل على الله و هتدعيلي بس ماتجيبش اقل من SX

[hugan]

سيراتو افضل عربيه في السوق حاليا في فئتها

[mr.moustafa]

انا ركبت الاتنين موديل 2015 ، كل واحدة لمدة شهر كامل لأني كنت بقارن بينهم
بصراحة الفرق بينهم مش كبير أوي بس الفرق في معظم الاحوال لصالح السيراتو زي التسارع و الاوبشن و العزل و التقفيل و الشكل الخارجي و الداخلي

[د.محمود صلاح]

الدخول والتشغيل بزرار
كراسي الكهربا
مثبت السرعة
شاشة نيفيجيتور وكاميرا الرجوع
ال 4 حاجات دول شوفهم في اي عربية منهم واشتريها فورا
----------- قطع الغيار والصيانة وسعر اعادة البيع وسعر تصليح حادث كله سيم سيم في اي موديل -----------

[motaz60002003]

نفس الحيره وانا جبت سيراتو 2015 بس سيراتو او الاينترا الاتنين واحد شوف الاوفر فى السعر والاعلى فى الاوبشن وهاته وربنا يبركلك في اى شي والاتنين 5 الى 7 سنين ويتباعو ربنا يدينا ويديك طولت العمر

[MECH.ENG Mosta]

بص يا سيدى انا كنت فى موقفك ده من فتره ..... بالنسبه لموضوع قطع الغيار فالاتنين واحد فطلع الموضوع ده من دماغك ...... السيراتو فى الموديلات السابقه كلها كانت احسن من الالنترا و خصوصا من ناحية الثبات .... انا لغايه دلوقتى مسمعتش ان حد اتقلب لا قدر الله بالسيراتو الجديده لكن حصلت فى الالنترا .....السيراتو خامات و صالون و تقفيل احسن من الالنترا بمراحل و موتورها سحبه ممتاز و و بيفرق عن الالنترا و فى الاخر حقولك جرب العربيتين سواقه مش و هما فى المعرض و انت تحكم انهى الافضلك و الاريحلك و اللى بيقولك عربيات مبتستحملش احب اقولك ان والدى بيركب كيا من 99 سيفيا 2 و سيراتو 2005 و 2009 اللى لسه معانا لحد دلوقتى منها اتنين من الزيرو و العربيات زى الفل ما دام انت بتحافظ عليها و مبروك مقدما

[wessam 14]

انا كنت عامل زيك بالضبط وفى الاخر جبت الالنترا هاى لاين لان بحس الالنترا اشيك بكتير خاصة بعد التعديلات اللى عملوها فيها (الفيس ليفت )اما غير كده الاتنين واحد لان الاتنين يعتبروا شركة واحدة ونفس الموتور وكل حاجة

[monamize4]

سيراتو افضل عربيه في السوق حاليا في فئتها