بالصور: حل مشكلة دراع ونور الشبور للسيراتو نهائيا حتي لو كان جديد

[عبدالله برعى]

المشكلة مكررة في أغلب السيارات سيراتو من 2009 إلى 2013 وانا حصلت معايا في سيارتين

وهي فجأه تلاقي نور الشبور فصل نهائي والمشكلة أن لما بتروح لأي كهربائي بيعملك الاتي: بيلحم سلك الشبورة بالنور الصغير وبيشتغلوا مع بعض ودا غلط
زي كدا :


المشكلة أن طرف السلك الاصفر قصير جدا ومع الحركة بيفصل مع الوقت ولو روحت التوكيل حيقولك غير الدراع كله ( ودا بسبب صعوبة الفك ويوجد بنز صغير رخم اوى في الطلوع)

الحل :
تجيب حتة سلكة 5 سم
2- تجيب أبره قوية وتضغط أهم شئ تضغط على الدراع للداخل وتحرك البنز للخارج مجرد ما اتحرك شدة للخارج ولما يخرج يوجد 4 اجزاء
- الجزء اللي فيه البنز وحتفصل وتشغل بيه الأنوار
- جزء ثابت اللي مكتوب عليه
- زرار الشبور
- الدراع نفسة
وكل الأجزاء السابقة بالترتيب..
3- يتم فك الأجزاء السابقة بالترتيب والجزء الأخير النحاس حتلاقي الطرفين ملحومين فية من الداخل وتلاقي طرف أو الطرفين متطوعين
5- يتم إخراج الدراع الطويل للخارج لكي يسهل اللحام
6- بعد وصل الأطراف يتم إدخالة في فتحة جانبية في الدراع نفسة
7 أخيرا يتم تركيب الأجزاء تباعا
...توجد صور أخرى ولكن مساحتها أكبر من الساعه السعه المحددة للموقع.. والموقع يرفضها

[احمد المصرى]

انا صلحته من كام سنه والحمد لله شغال كويس

[Dr.M_baz]

شرح ممتاز و حل عملي .
بس صعب حد يعملها لوحده. ..ﻻزم كهربائي و يكون شاطر.

Sent from my SM-N9005 using Forum Runner

[مصطفى-حسن]

تحية لكل واحد بيشتغل بايدة

[احمد فهمى]

شغل ممتاز ومفيد للجميع شكرآ لك

[عبدالله برعى]

شرح ممتاز و حل عملي .
بس صعب حد يعملها لوحده. ..ﻻزم كهربائي و يكون شاطر.

Sent from my sm-n9005 using forum runner

أسهل مما تتخيل الرخامة كلها في إخراج البنز وبعد كدا ممكن تطول الأطراف حتى من غير قصدير على كده. ........ ونادر لما كهربائي بيعملها لاني روحت لأكثر من واحد

[medo_sirion]

المشكله ان في ناس بتفك الطاره وده غلط علشان الايرباج

[medozaed]

انا هاتشل من البنز ده بقالى ساعتين مش راضى يتفك مفيش عدا معينه بتفكه

[احمد المصرى]

انا هاتشل من البنز ده بقالى ساعتين مش راضى يتفك مفيش عدا معينه بتفكه

ممكن توسع حواليه شويه علشان يتحل ومتخفش مش هيبان بعد كدا


دا ال حصل معايا

[medozaed]

مش عارف افك البنز ده خالص هو فك الدراع سهل يعنى ممكن افك الدراع واحاول افكه بره

[medozaed]

يجماعه اى مساعده انا نفسى افك البز ده اعمل ايه الفوجات فاصله ولسه مغير تيل فرامل فى التوكيل وقرفان منهم ومش عاوز اروح هناك تانى

[esamahmed]

متابع

[medozaed]

انا عملت كارثه يارجاله انا لزقت الابره فى البنز ب امير واستنيت لما نشف وجبت البنسه وجيت اشد البنسه فلتت وجت فى الازاز الامامى كسرته انا كونت هاتشل من الى عاملته روحت النهارده اشتريت لوح زجاج واشتريت دراع جديد من عند الجندى حلفلى انه اصلى ب ٢٢٥ جنيه