مشكله فى كيا سيراتو 2015

[hisham_aboelella]

السلام عليكم ورحمه الله
هذة هى المرة اﻻولى لى للمشاركه فى المنتدى وارجو منكم المساعدة للاهميه
الحمد الله استلمت كيا سيراتو الفئه الثالثه وكيل
ABS , 2airbag, 16 inch wheel
بدون فتحه سقف بسعر 163000 من معرض الميكانيكيون العرب ( موزع معتمد)
السيارة ماشاء الله جميله وواسعه وصالون رائع وشنطه العربيه ممتازة
بعد اﻻستلام ذهبت لوضع بنزين بالسيارة وﻻحظت ان السيارة بتهبد فى المطبات وفى صوت طنين عالى وبيزيد مع زيادة السرعه
صوت زى صوت بلى العجل لما يبوظ او زى صوت خشونه فى الطنابير
كلمت المعرض فى التليفون فقالى وانت ماشى اضبط ضغط الهواء فى الكاوتش وحتﻻقى المشكله اتحلت
وفعلا روحت fit&fexصلاح سالم وغيرت الهواء بنيتروجين وضبطت الضغط32
وبعدين جربت العربيه
الهبدة الى مع المطبات راحت تماما
بس الصوت العالى لسه موجود وائما بﻻحظ تخبيط وترزيع ملحوظ تحت رجلى مع السرعات اقل من 70
كلمت المعرض تانى يوم وقالولى تعالى لمهندس الصيانه يجرب العربيه ويكشف عليها
وفعلا ذهبت وقام المهندس بتجربه السيارة وقالى ان الصوت دة طبيعى وهو صوت احتكاك الكاوتش باﻻرض والنخبيط اللى تحت رجلى دة برضه من الكاوتش وكل دة طبيعى
انا الصراحه مش مصدقه ومش مستريح نفسيا وﻻ مطمن للموضوع
ومئجل ترخيص العربيه لغايه ما تفيدونى هل فعﻻ كل العربيات كدة وﻻ انا اللى عندى مشكله
ارجو منكم جميعا المساعدة لﻻهميه

[aymanshebl]

لا طبعا اكشف على العربية فى التوكيل لو فيها حاجة رجعها انت دافع فلوس مش ورق

[alizahran5]

اعتقد والله اعلم ممكن تكون العربيه فيها شغل سمكرة وصوت الهواء اللى داخل من برا هوا اللى عامل الصوت حاول تروح مركز صيانه محترم يفحصلك العربيه من الى سيبك من التوكيل

[hisham_aboelella]

اعتقد والله اعلم ممكن تكون العربيه فيها شغل سمكرة وصوت الهواء اللى داخل من برا هوا اللى عامل الصوت حاول تروح مركز صيانه محترم يفحصلك العربيه من الى سيبك من التوكيل

متهياء لى ان صعب اوى موزع معتمد زى الميكانيكيون العرب يبيع عربيه فيها شغل سمكرة
انا حاسس ان المشكله ممكن تكون فى الكاوتش او بلى العجل
وبحاول اشوف حد فى المنتدى يكون معاة العربيه واخليه يجرب عربيتى
ويقولى الصوت دة طبيعى وﻻ ايه
وربنا يستر

[hisham_aboelella]

لا طبعا اكشف على العربية فى التوكيل لو فيها حاجة رجعها انت دافع فلوس مش ورق

كلمت وكيل كيا وعرفت انهم اجازة الجمعه وححاول اخد ميعاد السبت ان شاء الله
وربنا يستر

[alizahran5]

متهياء لى ان صعب اوى موزع معتمد زى الميكانيكيون العرب يبيع عربيه فيها شغل سمكرة
انا حاسس ان المشكله ممكن تكون فى الكاوتش او بلى العجل
وبحاول اشوف حد فى المنتدى يكون معاة العربيه واخليه يجرب عربيتى
ويقولى الصوت دة طبيعى وﻻ ايه
وربنا يستر

كويس الطريقة دي فعلا الكاوتش بيعمل رجه لو كان محبل ان شاء الله يكون هوا السبب

[akodous]

مفيش الكلام ده يافندم

[سامح علي]

انا ناوي باذن الله اشتريها اي رايكو افيدوني افادكم الله كيا سيراتو فءه 3

[borio1704]

الكاوتش بيعمل صوت فعلا على الأسفلت الخشن

جرب تروح على طريق نضيف أو لسه متسفلت جديد وشوف الصوت راح ولا لأ.

ولو ما راحش.. يبقى تروح التوكيل تتعمل في الضمان.


...

[soltanfriend]

كل دا ياباشا موجود عندي فى الالنترا 2015 وفعلا الكاوتش هو السبب فى كل دا

[hi_nmr]

حط في بالك ان العربيه لسه جديده عليك ولسه ماخدتش علي اصواتها
واي عربيه زيرو طبعي بتبقي ناشفه (بسبب ضغط الكوتش ومعرفش ليه بينفخوه جامد كده) وبتبقي خشنه شويه بعد فتره بتلافيها ناعمه وانسيابيه جدا
بس ده ميمنعش انك تتأكد و تخلي حد معاه نفس العربيه يسوقها عشان يطمنك
الاطمئنان النفسي اهم من كل شئ