كيا كوبيه

[ah-elgendy]

انا بفكر فى العربيه كيا كوبيه موديل 2010 او 2011 وكنت عاوز اعرف منكم شويه حاجات
سعر العربيه كام بعيدا عن اسعار النت
العربيه ع السرعات العاليه ثابته ولا ايه نظامها
قطع الغيار هى بتاعت السيراتو ولا فى اختلاف
العربيات ديه كلها هاى لاين ولا فئات زى السيراتو العاديه
العربيه فيها امبلويز ولا فى منها نازل من غير
اعاده البيع العربيه ليها سوق ولا تقيله فى البيع

[Mostafa Bedo]

متابع

[car crazy]

يا ريت اي حد يفيدنا

[khaledazizeg]

هوا مبدأيا انا كان معايا بريليانس frv 1600 انا بحكيلك يعتبر مقارنتا وبيها وكان قبلهم معايا لانوس
انا هقارنها بال frv حاليا
ثباتها فى طرق مش متسفلته بأمتياز ثبات الكيا كوبيه سئ جدا لازم تكون ماسك الدركسيون كويس جدا وانتا ماشي لان لو الطريق منحدر شوية العربيه مكن تسافر بيك في اى جنب والعربية مش بتجيب اكتر من 160 ممكن 170 بالعافيه ودا طبعا بعد تظبيط كامل للعفشه والكاوتش وكل حاجه سحب البنزين عالى شوية يعنى لو زحمه ممكن تتكلم فى 13 او 14 لتر كل 100 كم ولو زحمه حبتين فى حدود 15 او 16 لتر ولو طرق فاضيه وماشي سفر سواقه هاديه 90 او 100 بتسحب 6.5 او 7 انا طبعا بتكلم عن الفتيس القديم لو جبت الجديد افضل طبعا
العربيه من حيث الكماليات ومن جوا قاعدتها مريحه جدا يعنى انا حجمي كبير والعربية قعدتها مريحه جدا والكماليات لذيذه ومريحه بالنسبه للايموبليزر انا معايا سمارت كي ودي فيها ايموبليزر فى فئه شفتها وديه نادرا الى مافيهاش فتحه سقف والا سمارت كى ودي معرفش فيها والا مفيهاش ايموبليزر
والعفشه سيئه جدا مع مطبات مصر المحروسه والكاوتش كل شهرين 3 يضرب بلاللين وهتحس بالمطبات جامد
طبعا اعاده البيع مش جيده لان الكوبيه فى اى عربية مش عمليه او مش مفضله غير عند فئه معينه من الشباب والبنات

[ah-elgendy]

طب سعرها كام دلوقتى فى السوق

[khaledazizeg]

حسب لو فتيس قديم او جديد والحاله العامه والموديل والكيلو متر
بس هوا عامتا بيبدأ من 95 لغايه 135 الف