مشكله في كيا شوما 2000

[mahmmoud1980]

معايا كيا شوما موديل 2000 1500cc وهي استهلاك البنزين عالي جدا حيث ان 10 لتر داخل البلد بيعمل 70كيلو اما على الطريق السفر بيعمل 120 كيلو شعرت بان الاستهلاك عالي جدا داخل البلد يا ترى ايه السبب
ولكم الشكر

[a7medsh3rawi]

احسب الاستهلاك وانت ماشى على سرعه 90 فى طريق مفتوح
حاجات كتير بتاثر على الاستهلاك
منها نوع الزيت للموتور لازم يكون لزوجته 5-30 هيقلل الاستهلاك
ترموستات الكوعه لازم يكون حالته كويسه وموجود مش متشال
الار بى ام مظبوط على 800 لفه مش اعلى من كده
ما تحرقش على الغيارات يعنى ما تزودش عن 3 الاف لفه
اظبط الهوا على 30 بار للكاوتش ويفضل تظبط زوايا
البوجيهات وكابلات الكهربا تكون اصلى زى دنسو وبوش

[tasaka]

راجع على البوجيهات و الرشاشات
نظف او غير فلتر الهواء
اى عربيه على الطوالى بسرعه 90 ثابته تستهلك اقل بكثير جدا من داخل البلد

[mhopa2440]

على فكرة معدل العربية 120كم لكل 10 لتر بنزين ف السفر دا معدل ممتاز

يعني الصفيحة بتعمل 240كم

اما جو البلد ليها مليون حساب من اهمها انت بتقف بالعربية فترة زمنيه قد ايه ويه شغاله ف الاشارات والزحمة وكام مطب يخليك تهدي السرعة وترجع تزود بنزين عشان تمشي دا طبعا بالإضافة لرأي الأعضاء السابقين كلامهم سليم ومظبوط 100%

[mahmmoud1980]

الرشاشات لسه مغيرها ومافيش فايده ممكن البوجيهات وفلتر الهواء يعملو الفرق الشاسع ده بين الاستهلاك في السفر وداخل البلد هجرب
وشكرا لكم

[tasaka]

الرشاشات لسه مغيرها ومافيش فايده ممكن البوجيهات وفلتر الهواء يعملو الفرق الشاسع ده بين الاستهلاك في السفر وداخل البلد هجرب
وشكرا لكم

فرق الاستهلاك بين داخل البلد و السفر على سرعه 90 او 100 بيكون كبير جدا و ده هو الطبيعى لاى عربيه

بعنى مثلا جوه الباد ممكن من 170 الى 190 او اقل من كده كمان حسب الزحمه .. و يقل اكثر و اكثر لو شغلت التكييف .. انا شايف من بياناتك انك من الاسماعيليه يعنى مفيش زحمه و بالتالى ممكن 180 كم فى الصفيحه مثلا

اما بره البلد على الطوالى على سرعه 100 .. ممكن تعمل 260 كم فى الصفيحه او رقم قريب من هذا الرقم ..انت كده العربيه عامله معاك 240 كم على الطوالى ( 10 لتر داخل البلد بيعمل 70كيلو .. اما على الطريق السفر بيعمل 120 كيلو) .. و ده رقم معقول لو كنت بتسوق اسرع من 100 ( كلما زادت السرعه عن 90 زاد استهلاك البنزين ) ..

يعنى بصفه عامه الاستهلاك زايد شويه و لكن موش كتير .. بص على البوجيهات شوف حالتها

كمان الكاوتش اقل من 30 او 28 يستهلك بنزين اكثر .. من 5% الى 10% زياده
و كذلك زيت الموتور لو لزوجته عاليه ( يعنى زيت موبيل 1 يوفر بنزين احسن من موبيل 5000 .. من 5% الى 10% زياده
و هل انت بتستعمل بنزين 92 ام 80

اهم عامل مؤثر على الاستهلاك عاده تكون الرشاشات او البوجيهات

[mahmmoud1980]

شكرا على ردودكم الرائعة انا بستعمل بنزين 92 هحاول اغير البوجيهات واشوف الفرق وربنا يسهل

[alamsemsem]

السلام عليكم
غير حساس الاكسجين بواحد جديد هتلاقي فرق مهول ودا السبب الرئيسي
اسمه حساس الشكمان بيبقى راكب في الفرن و بفيشة