مشكلة فى ضاغط الكلاكس سيراتوا 2010

[HishamShafai]

الإخوة الكرام , عندى مشكلة في ضاغط الكلاكس بحيث لا يشتغل الكلاكس و الطارة في المنتصف تماما, أما إذا إنحرف الدريكسيون يمين أو شمال فإن الكلاكس يعمل بشكل طبيعى, المهم كنت اليوم اربط عفشة عند بتاع الزوايا و حكيت له عن المشكلة و قام بفك الطارة و قال لى إن المشكلة في حاجة إسمها الشريط و لو عاوز الكلاكس يعمل بشكل طبيعى يبقى لازم نركب الطارة بشكل مائل فرفضت ذلك , بس كنت مستعجل فلم أسأل عن حلول أخرى , فهل هذه المشكلة عويصة و هل حلها مكلف برجاء الاهتمام و الشكر الجزيل لمن يهتم بهذا الموضوع.

[ahmedelrayan]

المشكلة بسيطة ومش مكلفة الفكرة انك محتاج كهربائى شاطر مش اكتر

[shake]

كهربائى هيظبطهالك ان شاء الله

[HishamShafai]

متشكر يا جماعة ربنا يطمنكم مع إننى مش متفائل لأننى قرأت في المنتدى إن المشكلة دى مسئول عنها شريط الإيرباج و ده غالى جديد و تصليحه مكلف.

[aymanshebl]

هو فعلا شريط الايرباج

[Ahmedmahereng]

شريط الايرباج

[HishamShafai]

كتر خيركم, دلوقت عرفنا المشكلة , المهم الحلول و أنا من القاهرة و ساكن قريب من الحرفيين هل الحل إصلاح أم إستيراد أم جديد و الطارة عندى مالتى بها تحكم كاست و لكنه أيضا لا يعمل طبعا لنفس السبب برجاء من مر بنفس التجربة يشجعنا بخبرته.

[aymanshebl]

نصيحة هاته جديد بدل التصليح

[Mecha]

الاخ فادي محمد منسق اوبل صلح شريط لهونداي او كوري اظن من قريب بالاستعانه بفنيين الموبيلات .وعمل موضوع بيه .هتلاقيه

[wama00]

ديه حاجه اسمها شريط كلكس واللى يقولك هيصلحه مش هينفع شهر وهيفصل تانى احسن حاجه تجيبة استيراد

[HishamShafai]

ديه حاجه اسمها شريط كلكس واللى يقولك هيصلحه مش هينفع شهر وهيفصل تانى احسن حاجه تجيبة استيراد

شكرا للنصيحة لكن حد يعرف عامل كام إستيراد

[wama00]

شكرا للنصيحة لكن حد يعرف عامل كام إستيراد

مش عارف والله بس انا جبته لعربية نيسان صنى كان ب 250 جنيه استيراد من الوكالة وكان جديد يعمل فى حدود 900 جنيه.

[HishamShafai]

مش عارف والله بس انا جبته لعربية نيسان صنى كان ب 250 جنيه استيراد من الوكالة وكان جديد يعمل فى حدود 900 جنيه.

شكرا أخى الكريم , بكرة إن شاء اللة أنزل الحرفيين أشوف المشكلة دى, بس مش عارف ليه شركات السيارات تجعل الكلاكس و أزرار المالتى لهم علاقة ب شريط الإيرباج , رغم تقدمهم الهائل لكن عندهم شوية حاجات غبية.

[HishamShafai]

خلاص يا جماعة علشان نقفل الموضوع , اليوم رحت الحرفيين و وجدت كهربائى فاهم عرف المشكلة قبل ما يشوف العربية و قال شريط الإيرباج و فكه و قال إما نبعته يتصلح ب 50ج أو تشترى واحد إستيراد من 350 إلى 400ج , و بعدين لقى عنده شريط بإمكانيات أعلى يعنى ممكن يشغل طارة بأزرار تحكم أخرى كالتليفون , و ركبه و طلع تمام الكلاكس إشتغل و أزرار المالتى إشتغلت , و الحساب كان 400ج شامل المصنعية. شكرا لكل من شارك بالموضوع.