تجربتى مع أقلام إزالة الخدوش

[Hosam_Optrawy]

السلام عليكم

من فتره لقيت خربوشين في الباب الخلفى ، وخربوش في الباب بتاعى من تحت وواصل للباب الخلفى برضه ، شكلهم ضايقنى جدا رغم انهم مش كبار اوى بس يمكن عشان انا محافظ على العربيه ومفيهاش خربوش ، الحمد لله

المهم خدت قرار ادور عالنت على أقلام كيا ودخلت ebay و amazon ودورت وللأسف مالقتش كود اللون بتاعى ، يا اما موجود ومابيتشحنش غير داخل أمريكا او مش موجود أصلا

دا شكل القلم الأصلى اللى كنت عايزه وسعره بالشحن معدى ال 50 دولار







لقيت نوع من شركه تانيه مش بتاع كيا الأصلى ولكن دا الوحيد اللى لقيت فيه الكود بتاعى ، القلم Madein Korea وتمنه حوالى 16 دولار وشحنه free





طلبته وجالى في حوالى 10 أيام ، القلم زى ماهو باين في الصور ممكن تستعمله كقلم وممكن بالفرشه اللى جايه معاه ، طبعا انا استعملت القلم لان بالفرشاه ممكن ابوظ الدنيا والواحد قلقان أصلا

القلم السن بتاعه رفيع عامل زى الإبره وإستعماله صعب شويه عايز تركيز لان لو ضغط عليه جامد هاينزل لون كتير ، بعكس الأصلى اللى عامل زى الأقلام الفلومستر العاديه

بعد ما ابتديت اعمل بالقلم لقيت اللون اغمق شويه وقفلت جدا قلت العربيه باظت وفضلت متعكنن لتانى يوم

تانى يوم افتكرت ان كان عندى بوليش ممتاز وكنت جايب منه نوعين واسمه No.7 ودى صورته





ال Polishing Compound زى اى بوليش بيلمع الخدوش والحكات الخفيفه او لو جه لون تانى على العربيه من حكه او غيره ، اما ال Rubbing Compound فهو اقوى شويه وممكن يشيل طبقه من الدهان فكنت قلقان استعمله من ساعة ماجبته

استعملت ال Rubbing فعلا القطنه كان بيطلع فيها لون والنتيجه بقت أحسن شويه

دى صور الخرابيش









النتيجه من قريب













أحيانا لما تبصلها من بعض الزوايا ماتبقاش باينه زى الصوره دى





وطبعا من بعيد شويه مش باينه خالص









أخيرا أنصح بالأقلام الأصليه من كيا لان استعمالها هايكون اسهل ونتيجتها افضل

في إنتظار ارائكم وتقييمكم للتجربه

[Dr.M_baz]

نتيجه كويسة جدا . في الصور الأخيره مفيش حاجه باينه.

Sent from my HTC Desire 816 dual sim using Forum Runner

[aelsayed74]

الصراحة نتيجة ممتازة وبفكر اعمل عندى فى السيراتو بردو وهل ممكن الاقى قلم كيا الاصلى لون فضى؟
شكرا لك على نقل التجربة

[misry]

هو في اقلام زيها لهيونداي ...؟

[Hosam_Optrawy]

الصراحة نتيجة ممتازة وبفكر اعمل عندى فى السيراتو بردو وهل ممكن الاقى قلم كيا الاصلى لون فضى؟
شكرا لك على نقل التجربة

قلم كيا الأصلى موجود على ebay وكود اللون الفضى 3D

2009 2013 Kia Models Touch Up Paint Pen Bright Silver Code 3D UA006 TU50143D | eBay

هو في اقلام زيها لهيونداي ...؟

ايوه في

Hyundai Exterior Touch Up Paint Pen Paint Color Code SAZ 00284 02010 SAZ | eBay

[M7amD_7amDy]

النتيجة مقبولة ياحسام
انا عندى القلم الأصلى وعربيتى فضى
وكنت جربته على كام خربوش كده واللون أغمق ومش نفس الدرجة
والنتيجة مش عجبانى بس يظل فى النهاية أفضل من الأول

[soltanfriend]

تقرير ممتاز الصراحة

[mr.moustafa]

مشكوووووور والله يعطيك الف عافيه

[kimoo12]

شكرا جزيلا

انا عملت اوردر ل القلم الاصلي ده اجربه و جبت كود لون العربية ABT الهو فيراني ل كيا ريو

جبته من ebay عن طريق خدمة ادفعلي لان فعلا مافيش شحن دولي و ان شاء الله قدامه 3 اسابيع

[AHMEDJUDDY]

لون لون العربيه اسود او فضي استعمل مانيكير اظافر حريمي والنتيجه بنسبه 80% كانت مرضيه من غير قلم ولا دولارات واستعملت الفرشه اللي في الزجاجه ..

[Hosam_Optrawy]

لون لون العربيه اسود او فضي استعمل مانيكير اظافر حريمي والنتيجه بنسبه 80% كانت مرضيه من غير قلم ولا دولارات واستعملت الفرشه اللي في الزجاجه ..

اذا كان بالقلم الأقرب للاصلى والنتيجه مش عاجبانى وزعلان

المانيكير ممكن اروح فيها

لو العربيه قديمه شويه ممكن الواحد يجمد قلبه ويجرب لكن في العربيات الجديده حرام بصراحه

[محمود فرنسا]

اذا كان بالقلم الأقرب للاصلى والنتيجه مش عاجبانى وزعلان

المانيكير ممكن اروح فيها

لو العربيه قديمه شويه ممكن الواحد يجمد قلبه ويجرب لكن في العربيات الجديده حرام بصراحه

هههههههههههههههههه خلاص جرب الباديكير :d

[Ahmed.Ali]

يا حسام بالنسبه للشحن الموضوع بسيط في اكتر من شركه بتقدم خدمه انها تعملك عنوان في امريكا و اشتري براحتك و هي تشحن بالبنيابه عنك. لو انت لسه في قطر الموضوع اسهل و اسهل لان مفيش جمرك

[Hosam_Optrawy]

يا حسام بالنسبه للشحن الموضوع بسيط في اكتر من شركه بتقدم خدمه انها تعملك عنوان في امريكا و اشتري براحتك و هي تشحن بالبنيابه عنك. لو انت لسه في قطر الموضوع اسهل و اسهل لان مفيش جمرك

انا لسه في قطر

ايه الشركات اللى ممكن يفتحولى صندوق بريد في أمريكا ؟

في حد قاللى ارامكس او dhl مش فاكر بالظبط

[roma++]

السلام عليكم انا داخل مخصوص ارد عليك استاذحسام هو في فعلا ارامكس بس هي خدمة عندهم اسمها شوب اند شيب ودي بتشترك فيها برسوم اشتراك قدرها 35 دولار تقريبا مرة واحدة وبيدوك حوالى 16 عنوان في معظم الدول اللي فيها شراء زى الصين والهند وسنغافورة تايوان ودول كتير ممكن ترو ح مقر الشركة موجود علي طريق سلوى بس مش مذكر المكان بالظبط عشان انا لسة جاي من 3شهور ومش عارف الاماكن اوى بس هو وانتا رايح ابو هامور او تشترك اون لاين واحيانا بيبقى فيه عروض وخصم علي الاشتراك بتوصل لحد 10 دولار بس هما ليهم شروط في الشحن وبيشحنو بالكيلو واقل وزن للشحن بيكون نصف كيلو وبيكون في حدود 50 ريال لاكن بعد النصف كيلو الاول بيكون سعر النصف كيلو حوالى 35 ريالوالحاجة بتوصل بسرعة ممكن 5او 6 ايام بالكتير انا مشترك فيها واشتريت حاجات من امازون بس كان في مصر بس ماجربتش هنا في قطر بس روحت مقر الشركة وغيرت العنوان لقطر اتمني اكون افدتك واسف علي الاطالة