Tweet
يا اهل منتدى الكيا الكرام ...استفسار لو سمحتم ...كنت اتحدث بالصدفة مع معرض سيارات هنا خارج مصر و فى الحديث جاءت سيرة معارض السيارات فى مصر و بالتحديد المعارض التى تقدم تسهيلات اكثر من غيرها مثل سمير ريان ....و تفاجأت بأنه يقول لى ...انت عارف الناس دى بتبيع سيارات رخيصة ليه ؟ عشان السيارات دى متخزنة عندهم موديلات قديمة و هما بيلعبوا لعبة فى الورق و التخليص الجمركى و بيسجل السيارة استيراد السنة ...و طبعا سعر السيارة الموديل السابق بسنة او اثنين و احيانا ثلاث سنوات ..بيكون اقل بكتير من سعر السيارة 2015 ...عشان كده بيبيع رخيص و رغم كده كسبان منك مبلغ محترم ....طبعا انا لم اقتنع بالكلام و قررت ان اشارككم هذا الكلام للتحاور من اجل المعرفة اذا كان هناك كلام غير صحيح ...و ان كان الكلام غير صحيح ...كيف لنا ان نعرف ان السيارة موديل السنة و ليست ملعوب فى اوراقها ؟.....ارجو التنوير بآرائكم لحسن انا هشترى من سمير ريان قريب ....و كمان الشك كده بدأ يتسرب كمان لأى معرض غير سمير ريان بيبيع بتسهيلات او سعر اقل من غيره بنسبة ملحوظة ....افيدونى يا شباب يا اهل الخبرة و المعرفة ........السؤال الثانى و ده خارج الموضوع ....الكيا كارينز 2015 ...سير الكاتينة الخاص بها كاوتش ام جنزير ؟....و شكرا ليكم
-
-
اللعب في سنة الموديل ماينفعش
حتى لو لعب في الورق هايغير في رقم الشاسيه وال vin ازاى ؟
رقم ال vin موجود في كذا مكان في العربيه وهو عباره عن 17 حرف ورقم
الحرف ال 10 من الشمال لو G تبقى 2016 لو F تبقى 2015 لو E تبقى 2014 لو D تبقى 2013[aldl]http://s17.postimg.org/ygne2hebj/F2000045710.jpg[/aldl] -
باشا الكلام ده مش مقنع
اولا فيه احيانا فروق فى الشكل او التصميم الداخلى
ولو فرضنا ان مفيش
رقم الشاسيه بيكون فيه رقم بيدل على سنة الصنع
هيعمل فيه ايه
هيلعب فى الشاسيه كمان
تانى حاجة
العربية لو 2014 وهيخليها 2015
هى دفعت الجمرك فى 2014 والجمارك خاطبت المرور بكدة وانت خدت صورة الورق وانت رايح ترخص
هل الجمارك والمرور المركزى هيشاركوه اللعبة ولا هيدفع جمرك تانى وورق جديدA.SaadComment
-
كلام مش مظبوط[frame="2 80"]
:welcome1:
[/frame]Comment
-
ازاى يتلعب يقولك 2014 وتلاقى مكتوب حاجه تانيه مفيش كلام ده فى حاجه اسمه رقم شاسيه محفور وثابت مكتوب كل حاجه فيه مفيش تلاعب بلاكلام ده اه تلاعب بلكماليات ينفع او كيلومترات العربيه انما تلاعب سنه مفيش كلام دهComment
-
الف الف شكر يا شباب Hosam_Optrawy و A.Saad و devil_storm و Omar Sarray
فعلاً يبدو انى شربت المقلب و صدقت الكلام و معلش انا بعيد شوية عن مجال السيارات و واضح ان الخبرة و الكفاءة عندكم انتم فلا تؤاخذونى فى السذاجة ...هههههه......لكن انا سعيد جدا انى بتعلم من اجمل و اجدع ناس فى مصر المحروسة .....شكرا للمعلومات القيمة التى استفدت بها و ربنا يبارك فيكم ......بس محدش قال على سير الكاتينة للكارينز كاوتش و لا جنزير ؟.....لو حد عنده فكرة يبقى جزاكم الله خير ..و شكرا جزيلا للجميعComment
-
سير كاتينه كارينز من اول فئه لاخر فئه كاوتش مش جنزير كيا سبورتاج جنزيرComment
-
شكرا ليك اخى الفاضل Omar Sarray ....Comment
-
شكر لله وحده ويارب مكنش غلطان انا ف معلومه لأن توكيل كيا كل 5 أشهر شكلComment
-
استاذ عمر
.على فكرة اسم عمر ده غالى عندى لأن ابنى الوحيد اسمه عمر ......استاذ عمر كنت حابب اعرف رأيك لو عملت مقارنة بين السيارتين ...الكارينز هاى لاين و السبورتاج الهاى لاين او الفئة الثانية الدفع الرباعى اللى بثمن الكارينز هاى لاين .....بصرف النظر عن السيارة العائلية لو تجنبنا هذا الشرط ....تختار اى منهم ...و ليه ؟.....و هل قطع الغيار و اعادة البيع و الاعتمادية لصالح مين فيهم ؟.....و فى الحقيقة انا مازلت متردد بين السيارتين و مش عارف ؟....يعنى ناس قالت لى لو هتدفع المبلغ ده يبقى السبورتاج اجمل و ثمنها فيها و قيمتها كسيارة فى السوق المصرى احسن و كمان كبرستيج سيارة اجمل ......و كنت حابب اعرف رأيك ...و تنصحنى اى الفئات افضل فى السبورتاج و اى الوان اللى على السيارة دى اجمل ...بصرف النظر عن اختيارى كمشترى ....و هل تنصحنى بهذه السيارة ام لك اختيار اخر .... شكرا ليكComment
-
الله يعزك ويخليلك وليا شرف أكون ابنك طبعا بص ياسيدى حتى لوقارنت كل ناس ولهم شكل وازواق انت عندك عيله كبيره اكتر من 4 خد كارينز اعلا فئه عندك أقل من 4 أفراد خليك مع سبورتاج والأتنينن من شركه كيا وأعاده بيع وقطع غيار متخفش كيا موجوده بكل نقطه فى العالم وقطع غيار شويه اهون هيا وهيونداى من شركه تانيه وشكرا ليك جدا حضرتك تقبل مرورى المتواضعComment
-
والألوان عندك ينفع فى مصر فرانى واسود سيلفرلايت فاتح عشان بلدنا الحلواوالخبطات لاقدر الله وربك المستعان وعلى فكره مفيش كورى أو حتى ياباني يجى مصر دفع رباعي أودفع كلى إلا لو حتشترى عربيات فلوس كتير واوربى الاتنين حلوين انت شوف مين داخله دماغك اوى ملكش دعوه بحدComment
-
الف شكر يا عمر
متشكر جدا يا عمر ربنا يبارك فيك و يحفظك من كل شر فعلا كلامك مقنع جدا و مضبوط و صح 100% - انا تعبتك معايا - ربنا يعطيك على قدر نيتك الطيبة و الف الف شكر ليك يا اخى الحبيب
انا بإذن الله اقتنعت بالكارينز الهاى لاين و نويت على اللون الأسود - ايه رأيك ؟ - و خلاص انا و نصيبى بقى فى موضوع المطبات و ارتفاع السيارة ....اصل المطبات دى رزق ...ههههه....و كل واحد و رزقه ...و ربنا يحفظنا منها ....لكن فعلا لمة الاسرة مع الوالد و الوالدة فى سيارة واحدة تسوى كتييير ...حتى لو كان الثمن الاحتكاك لا قدر الله فى المطبات الصناعية ......انا اعتقد ان السيارة الكارينز اكيد ليها تصفيح او ما شابه ذلك لحماية السيارة فى الاحتكاك فى المطبات ...و لو المعلومة غير صحيحة ارجو التصحيح .......شكرا ليك مرة اخرى استاذ عمر المحترمComment
-
الله يخليك ويعزك استاذى العزيز متخفش هيا 160 عاليه قريبه من ارتفاع السبورتاج بشويه ومتخفش مش بتحك والكورى عامتا فيه مصفحات فى كل الموديلات وربنا يحفظك لاهلك وناس واسرتك الجميه يارب تقبل مرورى واللون الاسود حلو انا احب الفيرانى والاسود ومتخفش ربك يكفيك شر الطريق وشرها ويحفظك لاهلك وناسك يا استاذى الفاضل تقبل مرورىComment
-
الورق ممكن ينضرب لكن اعتقد صعب العربية نفسها تنضرب و اسأل خبير بالسيارات
لكن صدقنى الورق ممكن ينضرب و صاحبى اتعرض عليه يضرب ورقة و ينزل بعربية مستعملة و هو مش مالك اول و لا مالك فى سنة الصنع[CENTER] [SIZE=5][COLOR=blue]لا تمكّن زائغ القلب من أذنيك، فإنك ما تدري ما يعلقك من ذلك.[/COLOR][/SIZE][/CENTER]
الإمام مالك* الموطأ.Comment
Comment