عيوب كيا سيراتو 2010

[Delli7]

السلام عليكم,

لو سمحتم محتاج ضروري اعرف ايه عيوب كيا سيراتو 2010 ؟
لأني مفروض هاروح اتفرج علي عربية بكرة ان شاء الله و عاوز اعرف ابص علي ايه و ايه اشهر العيوب اللي فيها.

مواصفات العربية:


نوع السيارة: سيدان
ناقل الحركة: اتوماتيك
اللون: ابيض
سعة المحرك: 1600 سى سى
عدد الكيلوات: 74.000 كم

يو إس بى
ايه يو إكس
وسادة هوائية
فوانيس شبورة
ريموت كنترول
جنوط
تكييف
تحكم من الطارة
جهاز انذار

السعر المطلوب بحدود 110.000 جم










تحياتي

[احمد المصرى]

اكبر عيب العفشه الناشفه وخاصه لو الجنط 17

والحل ..... تغيير الجنوط الى مقاس 16 وطبعا هتغير الكاوتش وتيح بالك خالص من المشكله دى

[Delli7]

شكرا لردك,

طيب مافيش اي ملاحظات تانية علي العربية, كـ تكييف , كاسيت , باور ... اي حاجة تانية ؟

ومعلش لأن ماليش خبرة في موضوع العربيات,
ايه فرق مقاس الجنوط ده ؟ و هيكلف كام تقريبا عشان اعمل حسابي ؟

تحياتي

[احمد المصرى]

شكرا لردك,

طيب مافيش اي ملاحظات تانية علي العربية, كـ تكييف , كاسيت , باور ... اي حاجة تانية ؟

كله ممتاز

ومعلش لأن ماليش خبرة في موضوع العربيات,
ايه فرق مقاس الجنوط ده ؟ و هيكلف كام تقريبا عشان اعمل حسابي ؟

بالبلدى كدا الجنوط ال 17 بتعمل بلالين بسبب الطرق المكسره والافضل تغيير الى جنوط 16 والتكلفه حوالى 3000 جنيه جنوط غير الكاوتش


انا عملت كدا علشان اريح دماغي

تحياتي

[Delli7]

طيب تمام كدة 3000 علشان الجنوط
طاب الكاويتش هيكلف كام ؟
و اشتريهم منين الحاجات دي ؟

هو للأسف المبلغ حصل فيه دروب دلوقت من تليفون جالي -هياخد تقريبا 10.000جم من فلوسي- فمش عارف هل العربية تستاهل اني اخلص كل فلوسي عليها ولا استني شوية اجمع الفرق ؟

[احمد المصرى]

طيب تمام كدة 3000 علشان الجنوط
طاب الكاويتش هيكلف كام ؟
حسب النوع طبعا بس انا كنت شارى بريدج استون الفرده ب 900 جنيه تقريبا ودى متحسبهاش لانك بتجبها لنفسك يعنى اغلب السيارات المستعمله ال هتشتريها هيكون الكاوتش فيها عايز يتغير يعنى كدا كدا هتغير الكاوتش


و اشتريهم منين الحاجات دي ؟

من توكيلهم او محل محترم

هو للأسف المبلغ حصل فيه دروب دلوقت من تليفون جالي -هياخد تقريبا 10.000جم من فلوسي- فمش عارف هل العربية تستاهل اني اخلص كل فلوسي عليها ولا استني شوية اجمع الفرق ؟

مش عارف والله ربنا يسهلك الحال

[HishamShafai]

صاحب الموضوع لم يذكر إن الجنط مقاس 17 , هناك إحتمال يكون 16 , حتى لو 17 ممكن تبدلهم و تاخد فرق كمان لأن ناس كتير بتركب 17 علشان ثبات أكتر, ممكن تشترى العربية و تمشى بها شوية و تجرب تسوق عربية مثلها بجنط 16 و إللى يعجبك و يريحك إمشى به, إنا لسة شارى واحدة هاى لاين بجنط 17 و صاحبها قال لى كان فيها 16 و غيره علشان الثبات , و أنا شايف إنها عربية ممتازة خصوصا على الطريق السريع , أما مع الحفر و الشوارع المكسرة مش حلوة. لكن أولا و أخيرا ده مش عيب عربية و لكن كارثة شوارعنا.

[Delli7]

هو للأسف البائع لسة معرفش منه مقاس الجنط كام ,

بس افهم من كلام حضراتكم ان مشكلة العفشة الناشفة دي مع المطبات بس ؟
ولما اجيب الجنط 16 هيبقي ارتفاع العربية اعلي عن الارض ؟ ولا انا فاهم غلط ؟

تحياتي

[Delli7]

في انتظاركم

[mazen56]

لو دي العربية اللي في الصور يبقى مقاس الجنوط 16 بوصه

لكن انت بتقول ان السعر 110 الف غالي عليها انت بالسعر ده تجيب سيراتو 2011 كاملة بصمة وفتحة سقف و طاره مالتي والفتيس الجديد اللي هو 6 غيار

[Delli7]

لو دي العربية اللي في الصور يبقى مقاس الجنوط 16 بوصه

لكن انت بتقول ان السعر 110 الف غالي عليها انت بالسعر ده تجيب سيراتو 2011 كاملة بصمة وفتحة سقف و طاره مالتي والفتيس الجديد اللي هو 6 غيار

هي بالظبط بـ 108 الف,
بس في كلام في السعر, ممكن يقل حاجة بسيطة, بس مش عارف هيوصل لكام بالظبط.

ممكن تقولي طيب لو العربية اللي في الصورة دي, يبقي سعرها اخره كام علشان ماينضحكش عليا ؟
ولو في مكان موثوق بيبيع المستعمل ؟
لأني هاشتري العربية دي من معرض فابريكا اللي في القطامية بتاع توكيل غبور

تحياتي

[HishamShafai]

هو للأسف البائع لسة معرفش منه مقاس الجنط كام ,

بس افهم من كلام حضراتكم ان مشكلة العفشة الناشفة دي مع المطبات بس ؟
ولما اجيب الجنط 16 هيبقي ارتفاع العربية اعلي عن الارض ؟ ولا انا فاهم غلط ؟

تحياتي

لأ حضرتك فاهم غلط الجنط 17 حديد كتير و كاوتش أقل و الجنط 16 حديد قليل و كاوتش أعرض يعنى دى بتعوض دى و المحصلة تقريبا نفس الارتفاع و لكن ال 17 ثبات أكتر و ال16 نعومة أكتر.

[Delli7]

ياريت تفيدوني بخصوص السعر هيبقي اخره كام علشان رايح الصبح ان شاء الله

[احمد المصرى]

ياريت تفيدوني بخصوص السعر هيبقي اخره كام علشان رايح الصبح ان شاء الله

انت هتشترى من معرض يعنى اكيد سعره اغلى من بره بس اعتقد انه ليه سمعته اعتقد هتكون العربيه نظيفه بس برضوا لابد من الكشف عليها كويس

واكيد السعر هيكون اغلى من بره شويتين مش اقل من 5 الاف جنيه علشان اسم المعرض وكدا


طيب انت مفكرتش تشوف حد تانى او فى الجرايد او النت او حد ثقه بس اهم حاجه تكون عربيه بيتى

[Delli7]

لسة راجع البيت حالاً, الموجود كالآتي:

1. عربية كيا سيراتو 2010 الفئة الثانية و الموجودة في الصور في بداية الموضوع، بقيمة 108 الف
ودي متهانة من جوة و باين فيها قوي الاستخدام

2. عربية كيا سيراتو هاي لاين, فتحة سقف و مفتاح بصمة 2010 ، بقيمة 114 الف, ودي عجباني الي حد كبير لكني ماجربتهاش, محتاجة تظبيط شوية بسيطة في عتبتها بس مش مضطر اعملها يعني ممكن اخدها علي حالتها كدة معنديش مشكلة

تقييم عربيتي الحالية عمل حوالي 75 الف عندهم بردو

ففرق الفلوس تقريبا 39 الف
للأسف مش متوفرين كلهم حاليا و هازنق نفسي في 4 او 8 الاف,
فهل العربية تستاهل فعلا اني افلللللسسسس علشانها و يكون عليا فلوس كمان؟

ولا استني فرصة تانية يكون معايا المبلغ كامل و ربنا يكرمني بواحدة تانية وخاص واكبر دماغي من دي؟