صفارة الفرامل في السيراتو 2014

[Salah_sr]

انا اشتريت السيراتو اواخر 2013 موديل 2014 و مشيت بالعربية تقريبا 6 شهور و 10000 كيلو في مسقط و العربية زي الفل و سافرت 11 شهر المانيا و رجعت من شهر تقريبا و بدات اسمع صوت في الفرامل و بدا يعلى الصوت .. رحت التوكيل في مسقط وقلت لهم الصوت و يعملوا سرفيس بالمرة لان السرفيس هنا مجانا و كل 5000 كيلوا او 3 اشهر حتى لو العربية واقفة .. و كلمت مسؤل الورشة عن مشكلة الفرامل ... شيك على رقم العربية عنده و قال لي احنا بنتصل بيك من اكثر من 6 شهور و محدش بيرد فقلت كنت خارج عمان فقال الموديل ده فيه عيب تصنيع في الدفعة الاولى في الفرامل و بيتغير النظام الخلفي بالكامل بس بياخذ وقت و حاولنا التصال بيك لتغيرة الفرامل ... المهم كنت مستعجل فاخذت معاد الاحد القادم ... و ربنا يسهل .. مش عارف حد في مصر مر بالمشكلة و لا لأ بس حبيت اذكرها يمكن تفيد حد

[Omar Sarray]

يمكن الدفعه إلى جايه فى بلدك كان فيها عيب فرامل أو الأصح عربيتك كان فيها عيب ولازم يتصلح

[engahmadsamy]

العيب دا كان عندي فعلا ورحت للتوكيل وتم تغيير التيل والطنابير الخلفية في الضمان والصفارة راحت الحمد لله

[ahmed hasanin]

العيب ده فى كل السيراتو الشكل الجديد كان عندى فى 2015 ورحت التوكيل كذا مرة وغيرو التيل والطنابير واختفى بس ربن ىيستر ميرجعش تانى هو صوت صفارة بس لكن لا يؤثر على اداء الفرامل

[Omar Sarray]

استاذى العزيز حضرتك بتقول العيب فى كل سيراتو الشكل الجديد 2015 طب منا مشتريها من 8 اشهر وكويسه الحمدلله مفهاش حاجه فين العيب بقى لايوجد العيب فى معظم العربيات الى تيجى فيها عيوب مصنعيه من الشركه الام لان الشركه بتشتغل مش الالى بحت لا نص الى يعنى نص تركب بشكل الايد زظى الزجاج وغيرو ونص تانى الالى زى لون العربيه مثلا انما مساله كل العربيات كيا عيب لا مفيش الكلام ده

[HishamShafai]

شوف إشتريت سيراتو 2010 مستعمل و رحت أظبط عفشة , الراجل لاحظ إن الفرامل تصدر صفارة جامدة, قام فك التيل الأمامى للناحيتين و كلف الصبى إنه يصنفر التيل و ذلك بدعكه في بلاط الرصيف أنا إستغربت إللى عمله و قلت كلام فاضى لكن للعجب فإن المشكلة راحت بنسبة 99% يعنى لم أعد أسمع الصوت إلا مرة كل 10 أيام صنايعية مصر الخبرة حقيقى عباقرة.

[roshaomar]

انا ملاحظة الصفارة دى من زمان انا عربيتى موديل 2014 عاملة 13000 كيلو وجوزى قالى تلاقيه رمل فى التيل مش مشكلة
بس على كلامكم كدة ده عيب ولا ايه اروح التوكيل واكشف لان انا ماجبتش سيرة الموضوع ده ليهم فى صيانة ال 10000

[ahmed hasanin]

انا ملاحظة الصفارة دى من زمان انا عربيتى موديل 2014 عاملة 13000 كيلو وجوزى قالى تلاقيه رمل فى التيل مش مشكلة
بس على كلامكم كدة ده عيب ولا ايه اروح التوكيل واكشف لان انا ماجبتش سيرة الموضوع ده ليهم فى صيانة ال 10000

انا مهندس فى السعودية واشتريت العربية من 10 شهور تقريبا موديل 2015 ولقيت الصوت ظهر بعد شهر تقريبا رحتلهم التوكيل عملو صنفرة فى الاول بس الصوت رجع تانى وبعدين قالولى انتظر لحد ما الطنابير تيجى من كوريا لان المشكلة دى حصلت كتير فى السيراتو الجديدة وكيا الام عملو تعديلات فى الطنابير المهم بعد شهرين او ازيد وصلت وغيرتهم والصوت راح بس بعدين رجع تانى من شهر رحت فرع تانى للتوكيل عملو مسح للطنابير عشان كان فييها جزء بارز من ال name plate والحمد لله راح. انصحكم تروحو التوكيل وهما هيعملو ه بدون مناقشة لانها مشكلة شائعة نوعا ما

[Salah_sr]

انا رحت التوكيل النهارده على معاد التصليح و فعلا سايب العربية دلوقت هناك و انشاء الله استلمها الساعة 5 بتوقيت مسقط .... بس قعدت شويه اتكلم مع مسؤل الورشة (هندي) عن المشكلة ده .. و قال لي ان المشكلة ظهرت فقط في عربيات الشرق الاوسط و الفرامل الخلفية فقط و رغم ان نفس الطانبورة و التيل راكب في عربيات اوروبا بس لم تسجل اي شكوى و غالبا حاجة خاصة بالغبار الناعم بتاعنا لانك لما بتصنفر التيل بيروح الصوت كام يوم و يرجع تاني .... و عموما الراجل بيعترف بالمشكلة و كل التوكيلات في الشرق الاوسط بتغيرها بدون مشاكل و هي بتظهر بعد 10000 الى 13000 تقريبا و علشان كده اي حد يسمع الصفارة يغيرها على طول قبل انتهاء الضمان بس الغريب ان المشكلة بدات في موديل 2014 تصنيع 2013 و مازال 2015 بيشتكوا من المشكلة ...طيب ليه الشركة مصرة على تكرار الخطأ ؟....

[Salah_sr]

يمكن الدفعه إلى جايه فى بلدك كان فيها عيب فرامل أو الأصح عربيتك كان فيها عيب ولازم يتصلح

شكرا ارد حضرتك بس بحب اوضح انا مصري و المشكلة موجودة باعتراف شركة كيا و التوكيلات في جميع دول الشرق الاوسط و بتغير الفرامل الخلفية بالكامل مجانا

[Salah_sr]

العيب دا كان عندي فعلا ورحت للتوكيل وتم تغيير التيل والطنابير الخلفية في الضمان والصفارة راحت الحمد لله

الحمد الله .؟ مبروك التغير بس هنا التوكيل قال لي حيغير 6 قطع و مش عارف لكل عجلة و لا 3 لكل عجلة

[Salah_sr]

استاذى العزيز حضرتك بتقول العيب فى كل سيراتو الشكل الجديد 2015 طب منا مشتريها من 8 اشهر وكويسه الحمدلله مفهاش حاجه فين العيب بقى لايوجد العيب فى معظم العربيات الى تيجى فيها عيوب مصنعيه من الشركه الام لان الشركه بتشتغل مش الالى بحت لا نص الى يعنى نص تركب بشكل الايد زظى الزجاج وغيرو ونص تانى الالى زى لون العربيه مثلا انما مساله كل العربيات كيا عيب لا مفيش الكلام ده

سيدي الفاضل الحمدالله لم يظهر العيب عندك ونتمنى الا يظهر و لكن الغرض من كتابة تجربتنا مع العربيات عموما هو ان نفيد بعض وننبه بعض على مشاكل و كما تري مشكلة ظهرت عندي في مسقط و بعد شراء العربية باكثر من سنة ونصف و ظهر عند آخر في الدمام في السعودية و آخريين في مصر فنتبادل المعرفة والخبرة فان ظهر عن اي حد لاقدر الله يذهب مباشرا للتوكيل و هو عارف حيعمل ايه ... و الله الموفق

[ahmed hasanin]

المشكلة ظهرت عندى بس مع انى ليا ومايل فى الشركة جايبين بعدى وقبلى ومظهرتش بس الموضوع مش معكننى جامد لان ده نصيب والحمد لله وكمان هو مش مأثر على اداء الفرامل وحاليا مختفى ومش موجود وانا مش بقول كل الموديلات فيها نفس العيب انا بقول المعظم لان انا اتناقشت مع المهنس مدير الصيانة ووقفت تحت العربية لما ارتفعت وشوفت جهاز الفرامل من تحت

[Sherif Fahmy]

أنا عندى نفس المشكله بالظبط و الصوت للأسف عالى جدا .. أنا عربيتى 2014 و ماشيه 30 ألف .. المشكله ظهرت بعد ال 25 ألف بس للأسف لأنى بسافر كتير ملحقتش أتابع الموضوع و لما رحت صيانة ال 30 ألف الإسبوع اللى فات قالولى حنغير التيل و الطنابير الخلفيه فى الضمان و حنكلمك لما توصل القطع المطلوبه للتعديل ده و فى إنتظار إتصالهم
أنا كنت فاكر إنى لوحدى اللى بعانى من المشكله دى بس واضح إنها منتشره ..

[hambosi]

انا كنت فى صيانه ال 40 الف و عندى نفس المشكله و اتقالى ان فيه باكتج على بعضه بيركب بحوالى 800 جنيه غير المصنعية و الضريبه بس مش موجود حاليا و هيبوصل فى خلال شهر